Read bura-pabir Pristayeri 11 Bible Online

Pristayeri 11 - bura-pabir bible

Pristayeri 11

¹Antə MTHLAKU pəla aka Musa ka Haruna,

²“Pəla aka mjir Israila, abbər ‘Nayeri ni an jili mwaɓiyayeri tə giri ata mzhi səm kumər ɗa akwa nca shanga mwaɓiyayeri na akwa duniya:

³Kəlara mwaɓi na ka mpəlari ndəkndəkari ka na ana ɓɗə ka nggyara, antə giri ata mzhi səmari.

⁴Amma giri aɗiya ɓɗə mwaɓiyayeri ngəni wa, kamnyar tə da ana ɓɗə ka nggyara daci, wala tsuwa da ka mpəla ɗa ntantari daci, amma aɗi japu wa. Apani giri aɗiya ɓɗə dləkəmau wa, kamnyar wala tə tsa ana ɓɗə ka nggyara, tsa aɗi ka mpəlari ndəkndəkari wa. Antə aɗi ɓɗaku ka giri səm wa.

⁵Pacata, kamnyar wala tə tsa ana ɓɗə ka nggyara, tsa aɗi ka mpəlari ndəkndəkari wa. Antə aɗi ɓɗaku ka giri səm wa.

⁶Mti, kamnyar wala tə tsa ana ɓɗə ka nggyara, tsa aɗi ka mpəlari ndəkndəkari wa. Antə aɗi ɓɗaku ka giri səm wa.

⁷Gadu, kamnyar wala tə tsa ka mpəlari ndəkndəkari, tsa aɗi ana ɓɗə ka nggyar wa. Antə aɗi ɓɗaku ka giri səm wa.

⁸Giri aɗiya səm kumər ɗa wala tsəkwar mshiyir ɗa wa. Da aɗi ɓɗaku wa.’ ”

⁹“Akwa nca shanga su na ana ndzi akwa yimi, giri ata mzhi səm kəlara su na ka kadzal ka bwatəla ata dzari, wala na akwa manda wala na akwa thlyagha.

¹⁰Amma shanga mwaɓiyayeri na raka raka akwa yimi na ol'ola ka thlyaghayeri, na aɗi ka kadzal ka bwatəla ata dzari wa, an sur cika ala giri.

¹¹Mwaɓiyayeri ngəni an sur cika ala giri ba saka madi, antə giri aɗi ata ɓɗə kumər ɗa wala tsəkwar mshiyir ɗa wa.

¹²Kəlara su na akwa yimi na kula kadzal ka bwatəla ata dzari da an sur cika ala giri.

¹³Ɗika nayeri ni an sur cika ala giri, antə giri aɗiya səm ɗa wa. Da an duku, ka nghyinghyi, ka kadapu, ka abəla, ka kutəkcivi, ka zəlaku, ka zhimnaku, ka handar yimi, ka nggaləm, ka shaduwar, ka ɗika adiya, ka handa mtaku, ka madəbwarnvwa, wala ntsəhəl ka shanga jili ɗa.

²⁰Kəlara fəvəng na ka ɓəɓəku na ana mwa ata səl nfwar, da sur cika.

²¹Amma akwa nca fəvəngayeri na ana mwa ata səl nfwar ni, giri ata mzhi səm kəlara na ana fəla ka ɗengdlangari.

²²Giri ata mzhi ɓɗə ntsəkwa, anggyarara, hawayeri ka shanga su na dludzər ɗa.

²³Amma shanga fəvəngayeri na ku mbili na ka səlari nfwar ata ndzi sur cika ala giri.

²⁴Kəlara mdə na ku tsəkwar mshiyir jili mwaɓiyayeri ngəni, tsa ata ndzi dlimbur har ka pci təri.

²⁵Kəlara mdə na ku kələmta mshiyir ɗa, tar ka tsa kəcimta kariyir hata arni, antə tsa ata ndzi dlimbur har ka pci təri.

²⁶Kəlara mwaɓi na aɗi ka mpəlari ndəkndəkari ka tsuwa ana ɓɗə ka nggyara wa, tsa aɗi ɓɗaku ka giri səm wa. Antə kəlara mdə na ku tsəkwar mshiyir ɗa, tsa ku ndzi dlimbur.

²⁷Shanga mwaɓiyayeri na ka səl nfwar, na ana mwa ka mandaɓar səl, da aɗi ɓɗaku ka giri səm wa. Antə kəlara mdə na tsəkwar mshiyir ɗa, tsa ata ndzi dlimbur har ka pci təri.

²⁸Kəlara mdə na ku kələmta mshiyir ɗa, tar ka tsa kəcimta kariyir hata arni, wala tə tsa ata ndzi tsu dlimbur har ka pci təri. Da an dlimbur ala giri.

²⁹Shanga jili mwaɓiyayeri ngəni ata ndzi dlimbur ala giri, suayeri apa njuna, ka kilang, ka gadzagadza mbuli ka jili ɗa,

³⁰ka tepər, ka nggwalahəu, ka bamsambamsam, ka manggir ghəna, ka hiləmtəmtəm.

³¹Kəlara mdə na ku tsəkwar mshiyir ɗa, tsa ata ndzi dlimbur har ka pci təri.

³²Ma mshiyir da ku tərəngkər aka kəlara su tə mdə nam ka udzəm, zhaɓi, kəsəm, wala bufu, ka kəlara sur kəthlər, suari ata ndzi dlimbur, antə tar ka mdə kəcimta ni ka yimi. Tsa ata ndzi dlimbur har ka pci təri. Aghəla nda tsa ata ndzi kəcəkəcari.

³³Tsuwa ma mshiyir kəlara akwa nca mwaɓiyayeri ngəni ku tərkwa tughum, shanga su na akwa ata ndzi dlimbur, antə tar ka mdə jaɓumta tughum ni.

³⁴Ma yimi natə mda kəcə su na dlimbur ni ku tsəkwar kəlara susəma, antə shanga susəm ni ata ndzi dlimbur. Tsuwa kəlara sur sa na ku ndzi akwa tughum ngəni ata ndzi dlimbur.

³⁵Kəlara su tə mshiyir mwaɓi ngəni ku təri ata kər wala tsəkwari, suari ata ndzi dlimbur. Wala ma suari an mbwar ɓwa buradi, wala tughumər ta su, tar ka mdə jaɓumta.

³⁶Ma jili mshiyir mwaɓi ngəni ku tərkwa vəi kucirkila wala jiɓə na ka yimi akwa, su ni aɗi ata ndzi dlimbur wa. Amma kəlara mdə na ku tsəkwar mshiyir mwaɓi ni ata ndzi dlimbur.

³⁷Ma bwadukwa mshiyir mwaɓi ni ku təri ata kəra hwulfa, hwulfə ni aɗi ata ndzi dlimbur wa.

³⁸Amma ma mdə ku pungkər yimi ata kəra hwulfə ni antə mshiyir su ni ku təri ata kər, hwulfə ni ata ndzi dlimbur.

³⁹Ma mwaɓi tə giri ana ɓɗa ku mti dlipa, kəlara mdə na ku tsəkwar mshiyir mwaɓi ni ata ndzi dlimbur har ka pci təri.

⁴⁰Antə kəlara mdə na ku ɓɗə kumər mshiyir mwaɓi ni, tar ka tsa kəcimta kari hata arni, amma tsa ata ndzi dlimbur har ka pci təri. Tsuwa kəlara mdə na ku kələmta mshiyir mwaɓi ni, tar ka tsa kəcimta kari hata arni, tsa ata ndzi dlimbur har ka pci təri.

⁴¹Kəlara su na ana mwa ka yimər kutari ata di giri aɗiya ɓɗə wa, kamnyar da an sur cika.

⁴²Su na ana mwa ka yimər kutari, ka na ka səl nfwar, ka na ka səlari hang, ka shanga suayeri na ana mwa ka yimər kuta ɗa ata di, giri aɗiya ɓɗə wa, kamnyar da sur cika.

⁴³Giri ata ndzi sur cika ma giri ku ɓzamtə kər giri ka jili suayeri ngəni.

⁴⁴I an MTHLAKU na Hyelər giri, antə tar ka giri hamta kəra giri ali ka ndzi ɓɗakkarkara, kamnyar I an ɓɗakkarkara. Antə giri adiya ɓzamtə kər giri ka kəlara suayeri na ata mwa ka yimər kuta ɗa ata di wa.

⁴⁵I an MTHLAKU na fwaɓəla giri kazhar Masar kamnyar kəi ndzi Hyelər giri. Antə tar ka giri ndzi ɓɗakkarkara, kamnyar tə I an ɓɗakkarkara.”

⁴⁶“Antə nayeri ni an tsawayeri na ata kəra mwaɓi, ka ɗika, ka suayeri na ana mwa akwa yimi, ka na ana mwa aɓəla ata di.

⁴⁷I hamta ala giri tsawayeri ngəni kamnyar ka giri mzhi ndəkɓəla zumzumkur na akwa daɓwa mwaɓiyayeri na kəcəkəcari ka na dlimbur, ka akwa daɓwa mwaɓiyayeri na kalkal ka mdə səma ka na aɗi kalkal ka mdə səm wa.”