Read bura-pabir Irmiya 27 Bible Online

Irmiya 27 - bura-pabir bible

Irmiya 27

¹Təkəma tə Zedekiya na ɓzər Yosiya ndzi kuthlir Yahuda, antə MTHLAKU ku gari ali.

²MTHLAKU pəla ali abbər kəi mbwatə udzəm wulya thla ka dzər kəi hau wulyi.

³Tsa pəla ali kəi thlentə ndər aka kuthlyayeri ar Edom, ka Mowab, ka Ammon, ka Taya, ka Sidon. Mji ol'ol laga aɗi na thlata akwa tsəɗiyayeri ngəni, da akwa tsaptədzi avəyar Kuthli Zedekiya akwa Urushalima.

⁴MTHLAKU na ka Duna ta Shang ku pəla ali kəi tsawa aka mji ngəni ka da pəla aka kuthlyayeri arɗa su tə MTHLAKU pəla abbər,

⁵“Atar kuthlikur ka duna na ola tə I kəgari antə I ku namtə duniya, ka mji, ka shanga mwaɓiyayeri na ata kəra duniya. Antə I ana hamta suayeri ngəni aka mdə tə I wuta abbər kalkal ali.

⁶Antə kulini I ata hamta tsəɗiyayeri ar giri akwa tsiya buɗarna Nebukadnezzar na kuthlir Babila. Tsuwa I ku hamta alari mwaɓiyayeri na akwa mtakəu ka da hara mafakur alari.

⁷Shanga tsəɗiyayeri ni ata hara mafakur alari, ka ɓzərni, ka kəkarni, har ka vədza aka sakatə tsəɗiyirni ata ndla. Antə tsəɗiyayeri hang kəga kuthlyayeri na ol'ola ata namtə ni ka tsa ndzi mafar ɗa.”

⁸“Antə kəlara tsəɗi wala kuthlikur na aɗi kələngkər aka tsawa arni wa, I ata ɗi tsəɗi ndaga ka dləra, wala ka mi, wala ka shilku, tar ma Nebukadnezzar ku ɓdləmta ni karkar.

⁹Giri aɗiya psi thləm aka naɓiyayeri ar giri na ana thlandər wa, wala mjir hakdzi wa, wala mjir ngkərɓəla suni wa. Giri aɗiya psi thləm aka ɗeaghayeri na ana pəla ala giri abbər giri aɗi ata ndzi akira kuthlir Babila wa ni wa.

¹⁰Da akwa pwaktə giri ka vu ka mdə fatə giri ka təra ka giri ciju ka zhar tsəɗiyir giri. I ata kədləɓəla giri kazhar tsəɗiyir giri ka mdə kurəmta giri.

¹¹Amma kəlara tsəɗi na ku kələngkər aka kuthlir Babila, ka hara mafakur alari, I ata zhar ni ka tsa ndzəndzi akwa tsəɗiyirni, ka tsa tsuhwa ka ndzəndzi anda. I na MTHLAKU an pəla.”

¹²Tsu labar ngəni antə I pəla aka Zedekiya na kuthlir Yahuda abbər, “Ka gə kələngkər aka kuthlir Babila, kara hara mafakur alari kəga mjirni kamnyar kara ndzi ka mpika!

¹³Amma ma ga ku nggəlari, antə ga kəga mjir nga ata mta akwa mpa, wala ka mi, wala atar shilku. Kamnyar an su tə MTHLAKU pəla ata wutə kəlara tsəɗi na ku nggəlar kələngkər aka kuthlir Babila.

¹⁴Giri aɗiya psi thləm aka naɓiyayeri na ata pəla ala giri abbər giri aɗi ata hara mafakur akira kuthlir Babila wa ni wa. Kamnyar da akwa pwaktə giri.

¹⁵MTHLAKU surni akwa pəla abbər tsa aɗi thlentə ɗa wa, amma təng da akwa thlandər ka thləmari. Antə tsa ata kədləɓəla giri kazhar tsəɗiyir giri, ka mdə kurəmta giri ata kəma duku kəga naɓiyayeri na thlandər ala giri ni.”

¹⁶Aghəla tə I kuri gari aka kuthli ni antə I mwari ka pəla aka pristayeri kəga mji na anda su tə MTHLAKU pəla abbər, “Giri aɗiya psi thləm aka naɓiyayeri na ana thlandər ala giri abbər mda ata ngka ka kari mbwar vəngkər səli natə mdə mwanta ahar Babila ni kula shamta saka, kamnyar da akwa thlandər ala giri.

¹⁷Giri aɗiya psi thləm ala ɗa wa! Kələngkər giri aka kuthlir Babila ka giri ndzi ka mpika! Ma giri ku psi thləma giri aka naɓiyayeri ni bərni ngəni ata ngka kumba ar fya.

¹⁸Ma da an naɓi jiri, ka tsuwa ma da an ku dlu labar akəli, ai sakani da ata kiɗa akəli, I na MTHLAKU na ka Duna ta Shang, antə sakani mda aɗi ta fwaɓəla kari na akwa mbwar vəngkər səli aka MTHLAKU, ka na akwa kəi kuthlikur ar Yahuda, ka na akwa bərni Urushalima, ka mwanta ahar Babila ni wa.”

¹⁹“Sakatə Kuthli Nebukadnezzar ku fatə kuthlir Yahuda, ka Yehoyacin ɓzər Yehoyakim kəga mji ol'olər Yahuda ka Urushalima ka mwantə ɗa ahar Babila, tsa aɗi fatə shanga su wa. Tsa zhar suayeri na ɓɗakɓɗaku apa zhimbwalayeri, ka gəlam əmza, ka amalangkeyayeri, ka bwadukwa suayeri na akwa kutambwar vəngkər səli aka MTHLAKU. Amma kulini I na MTHLAKU na ka Duna ta Shang, Hyelər Israila, akwa pəla mda ata fatə shanga suayeri tə mdə zhari akwa mbwar vəngkər səli, ka akwa kəi kuthlikur, na ahar Urushalima ni.

²²ka mdə mwantə ɗa ahar Babila. Antə da ata ndzi anda tar vir tə I pəla ka mdə jaktə ngka ka da akwa Urushalima. I na MTHLAKU an pəla.”