Read bura-pabir Irmiya 47 Bible Online

Irmiya 47 - bura-pabir bible

Irmiya 47

¹MTHLAKU ku gari ali ata kəra Filistiya, akwabə kuthli adlər Gaza.

²MTHLAKU pəla, “Wula! Apatə yimi ana thlata abwar yala ka hartə di, ka hwi səghəi ka duna apa pərtu, antə sojayeri ata sə thlata akwa yala ka da shamta mjir Filistiya. Da ata hartə tsəɗi ni ka sojayeri arɗa, ka da ɓdləmta bərniyayeri ka shanga mji na akwa. Antə mjir tsəɗi ni ata sə tuwa dlara, kəlara mda ata sə tuwa ka shimwi.

³Da ata nggatə kursəla taku akwa hwi ka kuraka tayar wagənər taku na akwa kənggər ka kuraku. Mji shili aɗi ata sə shinaghəl kəma ɗa kamnyar mbantə maɗa' ɗa na kula duna wa, kamnyar dza ɗa ata mta.

⁴Saka ku si kamnyar ka mdə shamta Filistiya, ka mjir dlar ni na ahar Taya ka Sidon. Jiri, MTHLAKU ata shamta mambila mjir Filistiya, shanga mji na mbila ata mnya yimər Krete.

⁵Mjir Gaza ata sə shimta kəra ɗa kamnyar ɗəffə ɓzəɓza, su aɗi tə mda ata sə nggata ata kəra Ashkelon kəra wa. Giri na mbila akwa mular, nawa antə giri ata sə zhar thla dza giri kamnyar ɗəffə ɓzəɓzə ri?

⁶Giri ata sə tuwa abbər, ‘Aiyi MTHLAKU! Nawa antə ga ata sə zhar thləthla yeru ka katsakar nə ri? Ngka ka katsakar ni akwa kəyari apani bu, ka tsa ghərəmtaghəra!’

⁷Amma apa madi tə katsakarərna ata ghərəmtaghəra kula I na MTHLAKU an tsawa alari ri? I an tsawa alari abbər ka tsa ra kurəmta mjir Ashkelon ka mji na ata mnya yimi nda.”