Read bura-pabir Ezekiyel 15 Bible Online

Ezekiyel 15 - bura-pabir bible

Ezekiyel 15

¹Antə MTHLAKU ku gari ali ka pəla abbər,

²“Ɓzər mda, apa madi tə udzəm anap ata təramta udzəm nfwayeri damwa ri? Apa madi tə tsiya nfur anap ata təramta tsiya nfwayeri damwa na akwa kuɓər nfu ri?

³Mda ata mzhi wutə udzəm ata dzari na ata kuri wujir ya? Mji ana mzhi ɓəli udzəmari raka ka hahəi su kəgari ya?

⁴Awa! Kəthlərərni an ka mdə mba u'u kəgari daci. Aghəla tə u'u ku mbamta mnyari ka kucivari, ka fəvələmta mnya ɗəffari, su damwa aɗi tə mda amzhi hara kəgari ya?

⁵Ma tsa aɗi ndzi ka ampani sakatə tsa tsu swakti wa, apa madi tə tsa ata ndzi ka ampani aghəla tə tsa ku mbamtadzi ka fəvələmtadzi ri? Ai ampaniyirni aɗi kəra wa!”

⁶Kamnyar ngəni MTHLAKU na ka Duna ta Shang akwa pəla, “Tsu apatə udzəm anap ana ndzi akwa nca kuɓər nfwa, natə I namtə ni tə tsa ndzi udzəm mba daci ni, apani tsuwa antə I ata namtə mji na ka ndzi akwa Urushalima.

⁷Antə I ata hərtə kəmi ar nggəlar ni. Wala tə da ku msər ta u'u ni, tsu u'u an ata mbamta ɗa. Antə ma sakatə I ku hərtə kəmi ar nggəlar ɗa, antə da ata sənda abbər I an MTHLAKU.

⁸Antə I ata namtə tsəɗi ni ka tsa ndzi fya, kamnyar da ku ndzi kula jirkur. I na MTHLAKU na ka Duna ta Shang an pəla.”