Read bura-pabir Ezekiyel 19 Bible Online

Ezekiyel 19 - bura-pabir bible

Ezekiyel 19

¹“Amma ar nga, ka gə haptə ha ar jikatuwa kamnyar mji ol'olər Israila,

²ka gə pəla, “ ‘Mama' nga an mwala tsəngi akwa nca tsəngiyayeri! Tsa ana pəpəi akwa nca tsəngiyayeri na ka duna kamnyar ka tsa kəlantə maɗa'ni.

³Tsa bangtə pal akwa nca maɗa'ni ni, antə tsa ku ndzi tsəngi na ka duna.

⁴Mji ku nggatə labar ata kərari antə da ngkəi ni akwa ku tə da an la. Ka anggilku antə da ndəkərtə ni ka mwantə ni ahar Masar.’ ”

⁵“ ‘Saka tə tsa wuta abbər tsa akwa sək səyirni gapani, antə tsa ɓəlɓəla kusarari. Tsa jaktə kətə pal akwa maɗa'ni ni, ka namtə ni tsəngi na ka duna.

⁶Tsa ku kəɗar kadla akwa nca tsəngiyayeri, ka sə ndzi tsəngi na ka duna. Tsa ku thliptə bara ka ngka kum, ka ɓɗəmnya mji.

⁷Tsa ku huzamta vəi ɗuwardzər ɗa, ka namtə bərniyir ɗa tə tsa ndzi fya. Tsəɗi ni bamama ka mji na akwa, ku thlivər tə da nggatə kurakari.

⁸Mjir tsəɗiyayeri ku ɗəmhədzi, ata kərari akwa kəlara bwa, da pungkər alari banggama, ka ngkəi ni akwa ku tə da an la.

⁹Ka anggilku antə da ndəkərtə ni, ka vu ni akwa mbwar waya, ka mwantə ni aka kuthlir Babila. Da vu ni akwa mbwar pərsəna, kamnyar ta mda ajaktə nggatə kurakari, ata kəra garayeri ar Israila.’ ”

¹⁰“ ‘Mama' nga ku ndzi apa nfur anap, natə mdə ncimta ata mnya yimi, kamnyar ka tsa ya hang ata tsiyayerari, ka tsa yatədzi təng tə yimi aɗi hang.

¹¹Tsiyayerari ni ku ndzi ka ɓəɓal, har apa ka da ndzi zwalər kuthlikur. Saɓəlkurərni ku hara nal ta shanga nfwayeri, mda ata mzhi wutə tsiyayerari ni ciju.

¹²Amma mdə ku ntsumta nfu ngəni ka ɗəffu, ka psəmta ni ata di. Antə shambar fakəu ku si ka ulantə ni, tsuwa mdə ku ɓumta yarni. Tsiyayerari na ka duna ni ku uli, antə u'u ku si ka mbamta ɗa.

¹³Kulini mdə ku nci nfu ni akwa mtaku, akwa vəi na ul'ulari kula yimi.

¹⁴U'u ku səɓəla akwa dzari ka mbamta tsiyayerari, har ka kəga yarni. Kulini mda aɗi ata wutə tsiyari na ka duna wa, tsiyari aɗi wala duku wa, tə mda amzhi namtə zwalər kuthlikur kəgari.’ Ngəni an har jikatuwa, antə mda ana jikatuwa kəgari.”