Read bura-pabir Ezekiyel 2 Bible Online

Ezekiyel 2 - bura-pabir bible

Ezekiyel 2

¹Antə kuraku tə I nggatə ni pəla ali, “Ɓzər mda, thlatə kara thləthlata, I ata bara gari ka ga.”

²Sakatə tsa akwa gari ali, təng mambələr Hyel si ka ləkwa dzi ka thlentə ra ata səli, tə tsa ləkəma ka gari ali.

³Antə tsa pəla ali, “Ɓzər mda, I akwa thlentə nga aka mjir Israila, aka mji na ka kəra ɗa ɓəɓal, na ku hara kər ɓəɓalkur ali. Da ka kəkayeri arɗa ku nggəlar ta kələngkər ali, tsuwa har ba ashina da akwa hara kər ɓəɓalkur ngəni.

⁴Mji tə I akwa thlentə nga adzə ɗa ni, da mji na hilhilari ka ɗəffa ɗa ɓəɓal. Amma I ata thlentə nga adzə ɗa, ka ra pəla ala ɗa abbər, ‘Nggədza su tə MTHLAKU na ka Duna ta Shang pəla.’

⁵Antə wala ma mji ngəni ku psi thləm ala ga, wala ma da an nggəlar ndərər nga, təng tə ku ndzi kəra ɗa ɓəɓal ni, tsu da ata sənda abbər azha da ka naɓi akwa nca ɗa.

⁶“Antə ar nga, gə na ɓzər mda, ga aɗiya thlivər ɗa wa, wala thlivər ndər tə da ata sə pəlangkər ala gə wa. Wala tə ga ata nggari apa ga akwa nca mtəhərayeri, ka ata kəra hiɗayeri, ga aɗiya thlivər su tə da ata pəlangkər ala gə wa, wala damitədzi kamnyar laku tə da ata wul nga akwa wa, kamnyar hwatu da mjir thlentə hangkal mda!”

⁷Antə ka gə pəla ala ɗa su tə I pəla ala ga, wala da an ata psi thləm ala ga, wala da an ata nggəlarari, təng tə ku ndzi kəra ɗa ɓəɓal ni.

⁸“Amma ar nga, gə na ɓzər mda, ka gə psi thləma ga aka su tə I ata pəla ala ga. Ga aɗiya hara kər ɓəɓalkur apa da wa. Kəlar mnya ga, ka gə səm su tə I ata na ala ga.”

⁹Sakatə I ha nci, təng nggədza tsiya mdə laga tə mthlakari ndəraɓəla təbwar na. Tsuwa su na akwa tsiyari ni an kakaɗu na pərpərari.

¹⁰Antə tsa pəbəlar kakaɗə ni akəmi, tsuwa kakaɗə ni ka rəbuta ata abwakəma ka abwahili. Tsuwa su tə mdə rəbuta ata an ndərayeri ar jikatuwa, ka ɗəffə ɓzəɓza, ka asar.