Read bura-pabir Daniyel 1 Bible Online

Daniyel 1 - bura-pabir bible

Daniyel 1

¹Mdə laga aɗi ka thləmari Yehoyakim na ku ndzi kuthlir Yahuda. Akwa məva na makərkur ar kuthlikurərni, antə Nebukadnezzar na kuthlir Babila ku si ka sojayeri arni ka kalaktə Urushalima ka sojayeri.

²Antə MTHLAKU ku zhar tə Nebukadnezzar dlərəmta Yehoyakim ka fatə mjirni mafa. Tsa ku fatə kariyir kutambwar Hyel ka mwanta akwa mbwar haptərni akwa tsəɗiyir Babila.

³Vir laga Kuthli Nebukadnezzar ku tsawa aka Ashpinaz, mdə na ola akwa kutakəyir kuthli, ka tsa carɓəla akwa nca mjir Israila maɗadakwi na akwa nyarmbwar kuthli ka mji ol'ola.

⁴Tar ka tsa carɓəla mji na lapiya lapiya, kula nangka, ka mji na dakwi dakwi. Tsuwa ka da ndzi mji na ka ɗəɗukur ar thlipə su, ka səndərsu, ka nggaɓəla su ka gwanikur kamnyar ka da mzhi kəthlər akwa kutakəyir kuthlikur. Aghəla ngəni ka Ashpinaz thlipa ala ɗa rəbutə ka karatə ka mnyar mjir Babila.

⁵Kuthli ku tsawa abbər ka mdə hamta ala ɗa jili susəma na msəra ka jili sur sa na arni.

⁶Akwa nca maɗa' Yahuda mdə ku carɓəla Daniyel, Hananiya, Mishayel ka Azariya.

⁷Olər kutakəyir kuthli ku vəta ala ɗa thləm damwa ka mnya mjir Babila. Tsa vətə Belteshazza aka Daniyel, Shadrak aka Hananiya, Meshak aka Mishayel, ka Abenego aka Azariya.

⁸Amma Daniyel ku thlamta akwa ɗəffari abbər tsa aɗi ata diɓərantə kərni atar susəma ka yimər anap ar kutakəyir kuthli wa. Antə tsa kiɗə kəra Ashpinaz abbər ka mdə na alari jili susəma damwa zum.

⁹Antə Hyel ku vu ka Ashpinaz ndzi ka mdəkur ka kətadza aka Daniyel.

¹⁰Wala apani Ashpinaz pəla alari, “Diya kuthli ku thlamta jili susəma tə ka giri səma ka sa. Antə I akwa thlivəra abbər ma giri aɗi səm su nayeri ni ka ndzi lapiya apa hwa giri wa, kuthli ni ata tsi ra.”

¹¹Apani antə Daniyel ku mwari adzə mdər wul ɗa natə Ashpinaz ku vəngkər alari ka pazhayeri arni na makərni. Daniyel pəla aka mdər wul ɗa ni abbər,

¹²“Ngkərtə yeru bu mnyar vir kuma atar na ala yeru thlali səkwar ka yeru səma, ka yimi mtathlaku ka yeru sangkər.

¹³Aghəla vir kum ni, kara wul kumər dza yeru kəga mji na akwa səm susəmər kuthli ni kambəla gə səndə su tə gə hir ka hara ka yeru.”

¹⁴Antə mdər wul ɗa ni ku kələngkər, ka ngkərtə ɗa ar vir kuma.

¹⁵Aghəla sakatə vir kuma nda ku təramta antə mdər wul ɗa ni ku wuta abbər da ku ndzi lapiya ka ndəlang ta shanga maɗadakwi na akwa səm susəmər kuthli ni.

¹⁶Tsu vir nda antə mdər wul ɗa ku ndəkəmta ɗa ka susəma na ɓɗakɓɗaku ni ka ləkəma ka na ala ɗa thlali səkwar daci.

¹⁷Hyel ku na aka maɗadakwi na nfwar ni dunar səndə ka masəkukur akwa karatə ka dzama. Antə Hyel ku nar aka Daniyel dunar nggaɓəla ka ngkərɓəla karapur wulsuayeri ka suniyayeri.

¹⁸Aghəla tə məva makər natə kuthli thlamta ku hara antə Ashpinaz ku səntə shanga maɗadakwi ni akəma Nebukadnezzar.

¹⁹Tə kuthli ni ku gari ka da pal pal ka nggaɓəla abbər Daniyel ka Hananiya, ka Mishayel ka Azariya ku təramta shanga mambila mji ka sənda. Apani antə kuthli ku na ɗa olkur akwa majalisarni.

²⁰Baɗitə ka vir nda kəlara sakatə kuthli ku yu sauri akəla ɗa, mji ngəni nfwar ni ana təramta shanga ɗeaghayeri na akwa tsəɗiyirni ka bwa kuma.

²¹Daniyel ku ləkəma ka ndzi ahar kuthli har ka vədza aka sakar kuthli Sairus.