Read bura-pabir Daniyel 2 Bible Online

Daniyel 2 - bura-pabir bible

Daniyel 2

¹Akwa məva na suɗkur sakatə Nebukadnezzar an kuthli, təng vir laga aviri tsa na kuthli wutə sur thlivəra akwa suniyirni. Antə suni ngəni ku damitə ni ka duna har ka ngkata alari heni.

²Antə tsa thlentə ka ɗeaghayeri, ka mjir hakdzi, ka mjir tsadi, ka da si.

³Kuthli ni pəla ala ɗa, “I ku suni na ku damitə ra, antə I ata bara kəi səndə karapwari.”

⁴Mjir tsadi ni shinau ka pəla, “Zanuwa, ka far ngə fəi, pəla ala yeru suniyir ngə ni antə yeru ata ngkərɓəla karapwari.”

⁵Amma kuthli pəla, “Awa, I ku kurtə ka thlamta akwa ɗəffi abbər tar ka giri pəla ali suni ni japu ka karapwari. Ma giri aɗi mzhi wa mda ata nthlənthlu giri ka huzamta kəyayeri ar giri.

⁶Amma ma giri ku ngkərɓəla suni ni, I ata na ala giri watsəɓa ka hu giri. Kulini, pəla giri ali suni ni ka karapwari.”

⁷Da jaktə shinau abbər, “Zanuwa, pəla ala yeru suniyir ngə ni, antə yeru ata ngkərɓəla ala gə karapwari.”

⁸Kuthli ni pəla, “I ku nggaɓəla abbər giri akwa shamta ali saka, kamnyar giri asənda abbər I aɗi akwa gyal wa.

⁹Giri asənda abbər dwali ka giri ngkər ali suni ni mi wa mda ata tsi giri. Amma təng giri ndzi akwa thlandər kamnyar ka saka təramta. Ngkər gir ali suni ni, antə I ata hamta jiri abbər giri ata mzhi ngkərɓəla karapwari.”

¹⁰Antə ɗeaghayeri ni pəla, “Ai mda aɗi akwa duniya ni na amzhi hara su tə ga akwa barari ni wa. Kamnyar kuthli aɗi na ku ɗar yu jili su ngəni akəla mji yuyuwa, wala mji yaya, wala ɗeaghayeri wa.

¹¹Su natə ga akwa barari, zanuwa, mwavər kamta. Mdər mzhi harari aɗi wa, tar nuhum haptayeri ja, nggədza ye da aɗi ana ndzi akwa nca mji wa.”

¹²Ndər ngəni ku ɓzamtə ɗəffa kuthli kamta, tə tsa thlentə ka mdə tsəgəi shanga mji na ka ɗəɗukur akwa tsəɗi Babila.

¹³Sakatə mdə ku psəmnya tsawu ni, antə mji ku ləɓəla ka da ngkəi Daniyel kəga pazhayeri arni ka da tsi ɗa.

¹⁴Sakatə Ariyok na olər mjir sək kəra kuthli ku si kamnyar ka tsa tsəgəi ɗa, antə Daniyel wutə ni ka gari ka tsa akwa ɗəɗukur.

¹⁵Tsa yu Ariyok na olər sojayeri ni abbər, “Man hara tə kuthli hamta tsawu na mwavər apani nə ri?” Antə Ariyok ku ngkərɓəla su ni aka Daniyel.

¹⁶Təkəma antə Daniyel hwi ka mwari adzə kuthli ka kiɗa abbər ka tsa mbwi ɗəffari raka, ka mdə na alari saka kamnyar ka tsa sə ngkərɓəla suni ni ka karapwari.

¹⁷Apani antə Daniyel ku ngka avəi ka pəla aka pazhayeri arni na makər ni.

¹⁸Tsa pəla ala ɗa ka da kiɗə Hyel na amtazi ka tsa kətadzə ɗa ka ncaɓəla ala ɗa ashir ngəni ta mda asə tsi ɗa kəga ɗeaghayeri ar Babila.

¹⁹Təng tsu vir nda aviri antə Hyel ncanta aka Daniyel suni ni ka karapwari. Antə tsa ku hu Hyel na amtazi,

²⁰ka pəla, “Ka mji hu Hyel har har ba saka madi, Tsa na ka ɗəɗukur ka duna ta shang.

²¹Tsa an ka dunar paltə sakayeri ar su shang. Tsa an ka duna vətə kuthli ka kəli ni. Tsa an mdər hamta ɗəɗukur ka sənda.

²²Tsa an mdər ncaɓəla su na ɗuwarɗuwari, ka shanga sur ashir. Tsa asəndə shanga su na akwa kuthlu kamnyar parakəu an kalaktə ni.

²³Hyelər kəkayeri ar yeru, I ata usar nga ka fwal nga. Kamnyar ga ku hamta ali ɗəɗukur ka duna. Ga ku hamta ali su tə I kiɗa akəla ga, ka ncaɓəla ala yeru su tə kuthli yu ni.”

²⁴Antə Daniyel ku ngka adzə Ariyok na ka dunar tsəgəi mjirna sauri aka kuthli ni. Tə tsa pəla, “Ga aɗiya kurəmta mji nayeri ni wa. Mwantə ra akəma kuthli kəi ngkərɓəla alari suniyirni ni.”

²⁵Təkəma antə Ariyok ku kətə ni ka mwantə ni akəma Nebukadnezzar, ka pəla, “Bundi, I ku wutə pal akwa nca mjir Yahuda tə mdə fatə ka sənta akwa mafakur na ata mzhi ngkərɓəla suniyir ngə ni.”

²⁶Kuthli yu Daniyel abbər, “Ga ata mzhi pəla ali suniyirna japu ka karapwari ya?”

²⁷Antə Daniyel shinau alari abbər, “Bundi, mda aɗi wala duku akwa kuta duniya ni na amzhi ngkərɓəla ashir ngəni aka kuthli wa.

²⁸Amma Hyel aɗi na akwar amtazi na ana ngkərɓəla ashirayeri. Antə tsa ku ncaɓəla aka barkarni su na ata sə hara akwa saka na ata sə si. Kulini nggədza su na ku kəlardzi ala gə sakatə ga akwa heni.

²⁹Ka barkar nga, sakatə ga akwa heni, antə ga ku suni ata kəra su na ata si akəmazi. Antə Hyel na ana ncaɓəla ashir ku ncaɓəla ala gə su na ata sə hara ni.

³⁰Tsuwa su ngəni aɗi ncantədzi ali abbər I ɗəɗu ta shanga mji wa, amma kamnyar Hyel akwa bara ka barkar nga nggaɓəla karapur suni ni ka su tə ga akwa dzama ata kər ni.

³¹“Ka barkar nga, akwa su na kəlardzi ala gə ni, ga ku wutə dludzər mdə laga gurjam ka duna akwa mbəlmbəla kamta, tsa akwa hara thlivəra aka mda.

³²Mdə namtə kəra dludzər mdə ni ka dinar, kərathlari ka pathlahari adzərfa, baɗitə ka kusarari ka ləghəi ka ɓunjari əmza.

³³Baɗitə ka ɓunjari ka ləghəi ka wulya səlari shang liya mənggəl, antə səlari an liya mənggəl gwargwarari ka həi mbamba.

³⁴Sakatə gə tsu akwa wulari, antə pela laga ol'laga ku nthləɓəladzi ka zhar gar laga kula mda an tsəkwari. Tə pela ni ku pwa ata kəra səlari tə mdə nam ka liya mənggəl ka həi ni, ka hadləmta.

³⁵Antə liya mənggəl, ka həi, ka əmza, ka adzərfa, ka dinar shang ku ɓəgəlwadzi miɗiɗi ka ndzi apa ɓaɓiya ata lali akwa sakar fəi sur faku. Antə shambar ku fimta ɗa ka təra ka da, natə wala dəlpa ɗa aɗi tə mda awutə wa. Amma pela na hadləmta dludzər mdə ni ku ndzi gar na ola ka nghyantə duniya.

³⁶Ngəni an suni ni. Antə I ata ngkərɓəla karapwari kulini.

³⁷Ka barkar nga, ga an kuthli na olta shang antə Hyel ku nar ala gə kuthlikur, ka duna, ka səli.

³⁸Tsa ku vəi nga ka gə hara kuthlikur ata kəra shanga mji, ka shanga mwaɓi, ka ata kəra ɗikayeri. Antə ga an kər ar dinar nda.

³⁹Ma sakatə ga ku təra, kuthlikur damwa ata sə thlatə na ka dunarni raka ta ar nga. Aghəla nda tsuwa kuthlikur na makərkur ata sə thlatə ka ndzi ka duna apa əmza, antə tsa ata hara kuthlikur ata kəra shanga duniya.

⁴⁰Kuthlikur na nfwarkur ata sə thlatə ka ndzi ka duna apa liya mənggəl. Antə tsu apatə liya mənggəl ana ɓəgələmta ka hadləmta su, antə kuthlikur na ndaga ata sə dlərəmta shanga kuthlikurayeri.

⁴¹Səl ka kulengsəl natə gə wutə tə mdə hən ka liya mənggəl gwargwara ka həi mbamba ni, akwa ncanta abbər kuthlikur na nfwarkur ata sə ndəkəmtadzi. Wala apani tsa ata sə ndzi ka duna kamnyar liya mənggəl na akwa ni.

⁴²Tsu apatə bwadukwa kulengsəlari an liya mənggəl, ka bwadukwari həi mbamba, antə bwadukwa kuthlikurərni ata ndzi ka duna, bwadukwari tsuwa mtathlaku.

⁴³Paktədzi na ar liya mənggəl ka həi mbamba ni akwa ncanta abbər kuthlikurayeri ni ata sə paktə kər atar kəldzi akwa daɓwa ɗa, ka da ndzi ka duna. Amma tsu apatə liya mənggəl aɗi ana bartədzi ka həi wa, antə da aɗi ata ndzi ka duna wa.

⁴⁴Akwa sakar kuthli nayeri nda Hyel na amtazi ata sə vəi kuthlikur laga na aɗi ata kur wa. Mda aɗi ata mzhi nggyari ni wa, tar tsa an ata mula aka shanga kuthlikurayeri, ka ndzi ba saka madi.

⁴⁵Ngəni an karapur pela na ola na ɓəlɓəladzi akwa gar kula tsiya mdə tsəkwar ni, pela na təri ka ɓəgələmta dludzər mdə tə mdə nam ka liya mənggəl, ka əmza, ka həi, ka adzərfa, ka dinar ni. Hyel na ola an akwa ncanta ala gə su na ata sə hara. Suni ni an jiri, tsuwa karapurni ni an kalkal.”

⁴⁶Antə Kuthli Nebukadnezzar ku pəpəi ata di akəma Daniyel ka nar səli. Tə tsa tsawa abbər ka mdə hamta saɗakar sur shiwura ka saɗakar sur fakəu aka Daniyel.

⁴⁷Kuthli ni pəla, “Jiri, Hyelər nga an olta shanga haptayeri. Tsa an mthlakər kuthlyayeri. Tsa an ka dunar ngkərɓəla ashir ngəni. Kamnyar I ku hamta jiri abbər tsa an na gə dunar ngkərɓəla ashir ngəni.”

⁴⁸Antə kuthli ni ku nar olkur aka Daniyel ka hamta alari cautayeri na ol'ola hang. Tsa vəngkər Daniyel ata kəra shanga tsəɗiyir Babila, ka namtə ni ola ata kəra shanga mjir hamta alari sauri.

⁴⁹Atar kiɗər Daniyel, antə kuthli ku putə Shadrak ka Meshak ka Abenego ata kəra vəyayeri na ol'ola akwa lardər Babila. Amma ar Daniyel tsa vəi ni kudzəhə ka tsa akwa kəi kuthlikur.