Read bura-pabir Hoseya 14 Bible Online

Hoseya 14 - bura-pabir bible

Hoseya 14

¹Mjir Israila, ngka giri adzə MTHLAKU na Hyelər giri. Kamnyar bikər giri ku hara tə giri ku tsamta səla giri ka ndla.

²Ngka giri adzə MTHLAKU ka giri kiɗə ni abbər, “Tifəmta ala yeru shanga bikayeri ar yeru bu, ka gə dlu yeru ka damwa. Antə yeru ata mzhi hu nga ka mnya yeru, na ata ndzi msəra apa saɗakar gyal.

³Assiriya amzhi mbuli yeru wa, antə yeru aɗi ata jaktə fəl takwayeri wa kamnyar da aɗi ana dlar yeru wa. Tsuwa yeru aɗi ata jaktə kətə su tə yeru an nam ka tsiya yeru ka pəla abbər tsa an Hyelər yeru wa. MTHLAKU, ga an Hyel na ana kətadzə mutayeri.”

⁴MTHLAKU akwa pəla, “I ata fwari ata kəra dlərpəkurər ɗa. Cauta antə I ata hir ɗa, kamnyar ɗəffi aɗi ɓzəɓzari ata kəra ɗa kəra wa.

⁵I ata ndzi apa kəlangkəu aka mjir Israila, antə da ata pukdla apa kudla mnya zərkəu. Da ata ndzi ka duna apa nfur seda ar Lebanon, natə nggilangari ana ləghəi zurang akwa di.

⁶Tsiya ɗa ata kəla ka pəbəlardzi, antə da ata ndzi dakwi apa nfur zaitun, ka shiwur msəra apa nfur seda ar Lebanon.

⁷Da ata sə ngka adzə ra ka thlir shangguri. Da ata sə yatədzi hang apa mthli, ka pəbəlidzi apa pukdlər nfur anap, ka thləma ɗa tuwa ka duna apa yimər anapər mjir Lebanon.

⁸Mjir Israila na akwa yala ata sə pəla, ‘Man damitə yeru ka haptayeri ri?’ Kamnyar I an Hyelər ɗa, antə I ata nggatə tuwar ɗa kəi wulwul ɗa. Apa shanggurər nfu tə thlaliyari aɗi ana ɓumta wa, antə I na MTHLAKU ata vədza ala giri barka, ka giri yatədzi ka hara hang.”

⁹“Ma mdə na ɗəɗu, tsa ata səndə su tə I akwa pəlari ni. Ma mdə na ana nggaɓəla su, tsa ata səndə ɗa cau. Kamnyar lakwayeri ar MTHLAKU an kalkal, antə mji na pwa ana nuwa, amma mji na ana hara biku dzakdzakku ana tsamta səla ɗa akwa da.”