Read bura-pabir Hoseya 3 Bible Online

Hoseya 3 - bura-pabir bible

Hoseya 3

¹Antə MTHLAKU ku pəla ali, “Mwari ka damwa kara hir mwala na ana nu shili, akwa hara karwakur kəga da ni. Ka gə hir ni tsu apatə I hir mjir Israila, wala tə da ku shinardzi ka vəngkər səli aka haptayeri, ka hamta ala ɗa saɗakar yar nfwa ni.”

²Apani I hamta alari puwar kəla, liyar adzərfa kumnya ntəfu ka barli auna aru ka ntəfkumari.

³Antə I pəla alari abbər, “Kulini gə arna, antə tar ka gə ndzi ka jirkur ali, kula hara karwakur. Ga aɗi ta pi ka mdə damwa wa, I ma I ata ndzi ala ga apani.”

⁴Ngəni ata ncaɓəla laku tə mjir Israila ata fəi kula kuthli wala mdər pwar ɗa. Da ata ndzi kula hamta saɗaka, kula vəi vəngkər səli, kula pristayeri, kula sur ndzəl su.

⁵Amma aghəla nda mjir Israila ata sə ngka adzə MTHLAKU na Hyelər ɗa, ka adzə kəkar ɗa, ka Dauda na kuthlir ɗa. Antə saka nda da ata sə thlivər MTHLAKU, antə tsa ata sə hara ɓɗakkur ala ɗa.