Read bura-pabir Jona 2 Bible Online

Jona 2 - bura-pabir bible

Jona 2

¹Antə Jona ku hara adduwa akwa kuta kəlfa ni aka MTHLAKU na Hyelərni,

²abbər, “Sakatə I akwa bwani, I ku hara adduwa ala ga, MTHLAKU, antə ga ku amsa ali. Aghəya nda akwa duniyar mji mtəmta, antə I ku tuwa dlara, antə ga ku nggatə ra.

³Ga ku ndzəhəu ra akwa manda na zurang, aghəya nda akwa ɗəffa manda, antə səwur yimi ku kalaktə ra. Antə shanga mpar yimi ku təramta ata kəri.

⁴I dzama abbər ga ku ngkata ali si akəma ga, amma ba kulini I ata jaktə wutə mbwar ngə na ɓɗakkarkar ni.

⁵Yimi ku hartə ra tə kəri ku sha tatipu, har kusar kira yimi ku pərtə kəri.

⁶I ku ləghəi səri akwa kira yimi ni har nggilanga garayeri, tə duniyar mji mtəmta ku harəngkərdzi ali har ba saka madi. Amma ga ku kəɓəla ra ka mpika kazhar ku ni, MTHLAKU na Hyelərna.

⁷Sakatə I ku nggata apa mpikəi akwa kura, antə I hara adduwa ala ga, MTHLAKU, antə ga ku nggatə ra akwa mbwar vəngkər səli ar nga na ɓɗakkarkara.

⁸Mji na ana vəngkər səli aka haptayeri na kula ampani, ana shinadzə bwahila ɗa aka hirkurər nga na ana palidzi wa ni.

⁹Amma arna I ata hamta ala gə saɗaka, ka ha ar huwa, kəi haratə su tə I kətə alkawalari ala ga. MTHLAKU an ka dunar mbantə mda.”

¹⁰Aghəla nda antə MTHLAKU pəla aka kəlfa ni, “Tapərɓəla Jona!” Antə kəlfa ni ku tapərɓəla Jona ata mnya maghəm.