Read bura-pabir Jikayeri 26 Bible Online

Jikayeri 26 - bura-pabir bible

Jikayeri 26

¹Aghəla tə shilku na mwavər ku hara ahar Peyor ni, antə MTHLAKU pəla aka Musa ka Eleyazar na ɓzər Haruna, na prist abbər,

²“Ka giri jikatə shanga mjir Israila ata nyarmbwa ata nyarmbwa, mji natə məva ɗa baɗita ata sərkumari har ka ləmta, mji na ata mzhi ləɓəla akwa mpa.”

³Antə Musa ka Eleyazar na prist ku gari aka mjir Israila na akwa dərakər Mowab na ata mnya Thlyagha Jodan, na awul Yariko, abbər,

⁴“Ka giri jikatə mji shili na ka məva sərkumari har ka ləmta, apatə MTHLAKU ku tsawa.” Nayeri ni an mjir Israila na ku səɓəla akwa Masar.

⁵Mjir nyarmbwar Ruben na yarakəma ɓzər sal ar Israila, an apani, Hanok ka Pallu,

⁶ka Hezron, ka Karmi.

⁷Nayeri ni an mjir nyarmbwar Ruben. Antə hangkurər ɗa ku hara mji shili dəpu nfwarkumari ka makər, aru murfa ka makkumari.

⁸Antə ɓzər Pallu an Eliyab.

⁹Antə maɗashilər Eliyab an Nemuwel, ka Dathlan, ka Abiram. Tsuwa Dathlan ka Abiram antə mdə carɓəla. Da akwa nca mjir Kora na hara kər ɓəɓalkur aka Musa ka Haruna, sakatə da hara kər ɓəɓalkur aka MTHLAKU ni.

¹⁰Da antə di ku kəlar mnyari ka ndasəmnya ɗa kəga Kora ni. Antə shanga mji na akwa paktə kər ngəni ku mtəgəmtadzi sakatə u'u səɓəla ka mbamta mji aru suɗa ka ntəfkumari ni. Antə da ku ndzi sur tsaktə aka mambila mjir Israila.

¹¹Amma aɗi shanga mjir nyarmbwar Kora an mtə vir nda wa.

¹²Nayeri ni an mjir nyarmbwar Simeyon kəga kutakəyir ɗa, Nemuwel, ka Yamin, ka Yakin,

¹³ka Zera, ka Shawulu.

¹⁴Nayeri ni an mjir nyarmbwar Simeyon. Antə hangkur mji shili na akwa nyarmbwar ɗa an dəpu sərkumari ka suɗa ka aru suɗa.

¹⁵Nayeri ni an mjir nyarmbwar Gad kəga kutakəyir ɗa, Zefon, ka Haggi, ka Shuni,

¹⁶ka Ozni, ka Eri,

¹⁷ka Arod, ka Areli.

¹⁸Nayeri ni an mjir nyarmbwar Gad. Antə hangkurər mji shili na akwa nyarmbwar ɗa an dəpu nfwarkumari ka aru ntəfu.

¹⁹Mjir nyarmbwar Yahuda an Er ka Onan. Tsuwa Er ka Onan ku mti akwa tsəɗi Kanana.

²⁰Mambila kəkayeri ar Yahuda atar kutakəyir ɗa an, Shela ka nyarmbwarni, ka Perez ka nyarmbwarni, ka Zera ka nyarmbwarni.

²¹Maɗashilər Perez an Hezron ka nyarmbwarni, ka Hamul ka nyarmbwarni.

²²Nayeri ni an mjir nyarmbwar Yahuda kəga kutakəyir ɗa. Antə hangkur mji shili na akwa nyarmbwar ɗa an mji dəpu murfəkumari ka ngkwa ka aru ntəfu.

²³Mjir nyarmbwar Issakar kəga kutakəyir ɗa an Tola, ka Puwa,

²⁴ka Yashub, ka Shimron.

²⁵Nayeri ni an mjir nyarmbwar Issakar kəga kutakəyir ɗa. Antə hangkurər ɗa ku hara mji shili dəpu ngkwakumari ka nfwar ka aru makər.

²⁶Mjir nyarmbwar Zebulun ata kəi ata kəi an, Sered, ka Elon, ka Yaleyel.

²⁷Nayeri ni an mjir nyarmbwar Zebulun. Antə hangkur mji shili na akwa nyarmbwar ɗa an mji dəpu ngkwakumari ka aru ntəfu.

²⁸Ngəni an mjir nyarmbwar Yusuf ata kəi ata kəi. Da an Manasse ka Ifrayim.

²⁹Ɓzər Manasse an Makir. Ɓzər Makir tsuwa an Giletad.

³⁰Maɗashilər Gileyad an Iyezer, ka Helek,

³¹ka Asriyel, ka Shekem,

³²ka Shemida, ka Hefer.

³³Zelofehad, ɓzər Hefer aɗi ka maɗashili wa, tar maɗankwi daci. Thləma maɗa'ni na maɗankwi an Mala, ka Nuhu, ka Hogla, ka Milka, ka Tirza.

³⁴Nayeri ni an mjir nyarmbwar Manasse. Antə hangkur mji shili na akwa nyarmbwar ɗa an mji dəpu ntəfkumari ka suɗa ka aru murfa.

³⁵Nayeri ni an mjir nyarmbwar Ifrayim ata kəi ata kəi. Da an Shuthlela, ka Beker, ka Tahan.

³⁶Ɓzər Shuthlela an Eran.

³⁷Ngəni an mjir nyarmbwar Ifrayim. Antə hangkurər ɗa an mji shili na akwa nyarmbwar ɗa dəpu makkumari ka suɗa ka aru ntəfu. Da an kəkayeri ar Yusuf.

³⁸Nayeri ni an mjir nyarmbwar Benjamin ata kəi ata kəi. Da an, Bela, ka Ashbel, ka Ahiram,

³⁹ka Shefufam, ka Hufam.

⁴⁰Maɗashilər Bela an Ard ka Naaman.

⁴¹Nayeri ni an mjir nyarmbwar Benjamin. Antə hangkur mji shili na akwa nyarmbwar ɗa an mji dəpu nfwarkumari ka ntəfu ka aru ngkwa.

⁴²Ngəni an ɓzər sal na thləla ata nyarmbwar Dan. Tsa an, Shuham. Ngəni an mjir nyarmbwar Dan.

⁴³Antə hangkur mji shili na akwa nyarmbwar ɗa an mji dəpu ngkwakumari ka nfwar ka aru nfwar.

⁴⁴Nayeri ni an mjir nyarmbwar Asher ata kəi ata kəi. Da an, Imna, ka Ishvi, ka Beriya.

⁴⁵Maɗashilər Beriya an Heber ka Malkiyel.

⁴⁶Thləma ngkwar Asher an Sera.

⁴⁷Nayeri ni an mjir nyarmbwar Asher. Antə hangkur mji shili na akwa nyarmbwar ɗa an mji dəpu ntəfkumari ka makər ka aru nfwar.

⁴⁸Nayeri ni an mjir nyarmbwar Naftali ata kəi ata kəi. Da an, Yazeyel, ka Guni,

⁴⁹ka Yezer, ka Shillem.

⁵⁰Nayeri ni an mjir nyarmbwar Naftali apatə mdə ku ndəkəi ata kəi ata kəi. Antə hangkurər mji shili na akwa nyarmbwar Naftali an mji dəpu nfwarkumari ka ntəfu ka aru nfwar.

⁵¹Hangkur shanga mjir shilər Israila natə mdə ku jikatə ɗa an mji dəpu aru ngkwa ka pal ka aru murfa ka makkumari.

⁵²Antə MTHLAKU pəla aka Musa abbər,

⁵³“Ka mda ndəkəi tsəɗi ni akwa daɓwa nyarmbwayeri apa kifa, kalkal ka hangkur mji na akwa kəlara nyarmbwa.

⁵⁴Aka nyarmbwa na mji hang, ga ata na ɗa bwa na ola ar tsəɗi ni. Aka nyarmbwa na raka tsuwa, ga ata na da bwa na raka ar tsəɗi ni. Ga ata hamta kifa aka kəlara nyarmbwa kalkal ka hangkurər ɗa.

⁵⁵Amma mda ata ndəka ala ɗa kifə ni atar ndzəhə kuriya, atar nyarmbwar kəkayeri arɗa.

⁵⁶Atar ndzəhə kuriya antə mda ata ndəkəi kifər tsəɗi akwa daɓwa nyarmbwa na hang ka nyarmbwa na raka.”

⁵⁷Nayeri ni an mjir nyarmbwar Lawi ata kəi ata kəi. Da an, Gershon, ka Kohath, ka Merari.

⁵⁸Nayeri ni an mambila mjir nyarmbwar Lawi. Da an Libni, ka Hebron, ka Mahli, ka Mushi, ka Kora. Antə Kohath ku yaɓəla Amram.

⁵⁹Antə Amram ku kəl Yokebed ngkwar mjir Lawi, natə mdə ya aka Lawi akwa tsəɗi Masar. Antə Yokebed ku yaɓəla Haruna, ka Musa, ka ngkwarma'ɗa Maryamu aka Amram.

⁶⁰Antə Haruna ku yaɓəla Nadab, ka Abihu, ka Eleyazar, ka Ithlamar.

⁶¹Amma Nadab ka Abihu ku mti sakatə da akwa hamta saɗaka ka u'u na aɗi kalkal wa akəma MTHLAKU.

⁶²Antə hangkurər shanga mji shili tə mdə jikata akwa nyarmbwar Lawi, maɗashili na baɗitə ka thliya pal har ka ləmta, an mji dəpu sərkumari ka makər. Arɗa mda aɗi jikatə ɗa ata kəma duku kəga mambila mjir Israila wa, kamnyar arɗa mda aɗi hamta ala ɗa kifa na ar tsəɗi apatə mdə hamta aka mambila mjir Israila wa.

⁶³Nayeri ni an mji natə Musa ka Eleyazar na prist ku jikata akwa sakatə mdə jikatə mjir Israila akwa bəbalər Mowab ata mnya Thlyagha Jodan na awul Yariko.

⁶⁴Amma akwa nca mji ngəni tə mdə jikatə ni, mda aɗi natə Musa ka Haruna ku jikata akwa sakatə da jika mjir Israila ntangkəma akwa Mtakər Sinai ni wa.

⁶⁵Kamnyar MTHLAKU ku kurtə pəla aka mjir Israila ndaga abbər arɗa da ata mta akwa mtaku. Antə mda aɗi na mbila akwa nca ɗa wala duku wa, tar Kaleb na ɓzər Yefunne ka Joshuwa na ɓzər Nun.