Read bura-pabir Jikayeri 33 Bible Online

Jikayeri 33 - bura-pabir bible

Jikayeri 33

¹Nggədza laku tə mjir Israila nuwa akwa mwar ɗa ata vəi fəli ata vəi fəli, sakatə da səɓəla ata nyarmbwa ata nyarmbwa akwa masar, akwa tsiya mjir pwar ɗa Musa ka Haruna.

²Musa ku rəbutə vəi thlatər ɗa ka vəi fəliyir ɗa ka vəyari ka vəyari, apatə MTHLAKU ku tsawa alari. Antə nayeri ni an vəyayeri tə da fəli akwa.

³Mjir Israila baɗitə thlata ahar Rameses akwa thliya na ntang ka virari kumnya ntəfu, səɓəla ɗəpa Vir Kucalər Fəlɓəla Kəi. Da ləɓəla ata kəma duku kula thlivəra ata nca shanga mjir Masar, ka ləkwa təra.

⁴Da baɗitə təra sakatə mjir Masar tsu ata kəra harəmta mshiyir yarakəmar ɗa, natə MTHLAKU kurəmta akwa nca ɗa ni. Atar surndatayeri ngəni antə MTHLAKU ncantə kuthlikurərni ata kəra haptayeri ar mjir Masar.

⁵Antə mjir Israila ku thlatə kazhar Rameses ka ləkwa mwa, ka ra fəli ahar Sukkoth.

⁶Antə da thlatə kazhar Sukkoth ka ləkəma ka mwa, ka ra fəli ahar Ethlam, na ata mnya mtaku.

⁷Antə da thlatə kazhar Ethlam ka ləkəma ka mwa, akwa ngka atar Pi Hahiroth na akwa bwa raghəi ka Baal Zefon, ka fəli kudzəhə ka Migdol.

⁸Antə da thlatə kazhar Pi Hahiroth ka ləkəma ka mwa, ka ləɓəla abwanda yimi akwa mwari akwa mtakər wuyaku. Antə aghəla tə da ku mwa mnyar vir makər antə da fəli ahar Mara.

⁹Antə da thlatə kazhar Mara, ka ləkəma ka mwa har ka mzhitə Elim, vəi tə kucirkilayeri aɗi kumnya suɗa, ka nfur dipənau murfəkumari. Antə da fəli anda.

¹⁰Antə da thlatə kazhar Elim, ka ləkəma ka mwa, ka ra fəli ata mnya Manda Duwathlu.

¹¹Antə da thlatə kazhar Manda Duwathlu, ka ləkəma ka mwa, ka ra fəli akwa Mtakər Sin.

¹²Antə da thlatə kazhar Mtakər Sin, ka ləkəma ka mwa, ka ra fəli ahar Dofka.

¹³Antə da thlatə kazhar Dofka, ka ləkəma ka mwa, ka ra fəli ahar Alush.

¹⁴Antə da thlatə kazhar Alush, ka ləkəma ka mwa, ka ra fəli ahar Refidim, vəi tə yimər sa aɗi aka mji wa.

¹⁵Antə da thlatə kazhar Refidim, ka ləkəma ka mwa, ka ra fəli akwa Mtakər Sinai.

¹⁶Antə da thlatə kazhar Mtakər Sinai, ka ləkəma ka mwa, ka ra fəli ahar Kibroth Hattaava.

¹⁷Antə da thlatə kazhar Kibroth Hattaava, ka ləkəma ka mwa, ka ra fəli ahar Hazeroth.

¹⁸Antə da thlatə kazhar Hazeroth, ka ləkəma ka mwa, ka ra fəli ahar Rithma.

¹⁹Antə da thlatə kazhar Rithma, ka ləkəma ka mwa, ka ra fəli ahar Rimmon Perez.

²⁰Antə da thlatə kazhar Rimmon Perez, ka ləkəma ka mwa, ka ra fəli ahar Libna.

²¹Antə da thlatə kazhar Libna, ka ləkəma ka mwa, ka ra fəli ahar Rissa.

²²Antə da thlatə kazhar Rissa, ka ləkəma ka mwa, ka ra fəli ahar Kehelathla.

²³Antə da thlatə kazhar Kehelathla, ka ləkəma ka mwa, ka ra fəli akwa Gar Shefer.

²⁴Antə da thlatə kazhar Gar Shefer, ka ləkəma ka mwa, ka ra fəli ahar Harada.

²⁵Antə da thlatə kazhar Harada, ka ləkəma ka mwa, kara fəli ahar Makheloth.

²⁶Antə da thlatə kazhar Makheloth, ka ləkəma ka mwa, ka ra fəli ahar Tahath.

²⁷Antə da thlatə kazhar Tahath, ka ləkəma ka mwa, ka ra fəli ahar Tera.

²⁸Antə da thlatə kazhar Tera, ka ləkəma ka mwa, ka ra fəli ahar Mithka.

²⁹Antə da thlatə kazhar Mithka, ka ləkəma ka mwa, ka ra fəli ahar Hashmona.

³⁰Antə da thlatə kazhar Hashmona, ka ləkəma ka mwa, ka ra fəli ahar Moseroth.

³¹Antə da thlatə kazhar Moseroth, ka ləkəma ka mwa, ka ra fəli ahar Bene Yaakan.

³²Antə da thlata ahar Bene Yaakan, ka ləkəma ka mwa, ka ra fəli ahar Haggidgad.

³³Antə da thlatə kazhar Haggidgad, ka ləkəma ka mwa, ka ra fəli ahar Yotbathla.

³⁴Antə da thlatə kazhar Yotbathla, ka ləkəma ka mwa, ka ra fəli ahar Abrona.

³⁵Antə da thlatə kazhar Abrona, ka ləkəma ka mwa, ka ra fəli ahar Eziyon Geber.

³⁶Antə da thlatə kazhar Eziyon Geber, ka ləkəma ka mwa, ka ra fəli akwa Kadesh akwa Mtakər Zin.

³⁷Antə da thlatə kazhar Kadesh, ka ləkəma ka mwa, ka ra fəli akwa Gar Hor na ata kəla tsəɗi Edom.

³⁸Anda antə MTHLAKU ku tsawa aka Haruna na prist ka tsa ndləɓəla ata Gar Hor, antə tsa ku ndləɓəla ka mta anda. Tsa mta akwa vir na ntangkəma ar thliya na ntəfkur akwa məva na nfwarkumarkur, aghəla səɓəlar mjir Israila akwa Masar.

³⁹Haruna ka məvari aru ka sərkumari ka makər sakatə tsa mta ata Gar Hor.

⁴⁰Ata saka nda antə kuthlir Arad na mdər Kanana, na ka ndzi akwa Negev ni, nggata abbər mjir Israila akwa si.

⁴¹Antə mjir Israila ku thlatə kazhar Gar Hor, ka ləkəma ka mwa, ka ra fəli ahar Zalmona.

⁴²Antə da thlatə kazhar Zalmona, ka ləkəma ka mwa, ka ra fəli ahar Punon.

⁴³Antə thlatə kazhar Punon, ka ləkəma ka mwa, ka ra fəli ahar Oboth.

⁴⁴Antə da thlatə kazhar Oboth, ka ləkəma ka mwa, ka ra fəli ahar Iye Abarim na ata kəla Mowab.

⁴⁵Antə da thlatə kazhar Iye Abarim, ka ləkəma ka mwa, ka ra fəli ahar Dibon Gad.

⁴⁶Antə da thlatə kazhar Dibon Gad, ka ləkəma ka mwa, ka ra fəli ahar Almon Diblathlayim.

⁴⁷Antə da thlatə kazhar Almon Diblathlayim, ka ləkəma ka mwa, ka ra fəli akwa garayeri ar Abarim kudzəhə ka Nebo.

⁴⁸Antə da thlatə kazhar garayeri ar Abarim, ka ləkəma ka mwa, ka ra fəli akwa bəbalər Mowab na təbwar raghəi ka Thlyagha Jodan, akwa wuldzi ka Yariko.

⁴⁹Antə da fəli ata mnya Thlyagha Jodan, ka ncigəi tentayeri arɗa, baɗita adzə Beth Yeshimoth har ka mwari adzə Abel Shittim akwa bəbalər Mowab.

⁵⁰Akwa vəi tə mjir Israila fəli akwa, akwa bəbalər Mowab na təbwar raghəi ka Thlyagha Jodan, na akwa wuldzi ka Yariko ni, antə MTHLAKU pəla aka Musa

⁵¹ka tsa hamta tsawayeri ngəni aka mjir Israila. “Ma sakatə giri ku fəlɓəla Thlyagha Jodan, ka ləkwa Kanana,

⁵²ka giri kədləɓəla shanga mjir tsəɗi nda. Tsuwa ka giri pukthləmta pelayeri tə da marəmta, ka higəlantə haptayeri tə mdə nam ka liya, ka huzamta shanga vəi haptayeri arɗa na ata kər gar.

⁵³Ka giri dlutsə tsəɗi ni, ka giri ndzəndzi akwa, kamnyar I ku kurtə hamta tsəɗi ni ala giri ka tsa ndzi ar giri.

⁵⁴Ka giri ndəndəkəi tsəɗi ni akwa daɓwa giri ata nyarmbwa ata nyarmbwa, atar ndzəh kuriya. Ka giri hamta bwa na olari aka nyarmbwa na olari, ka bwa na raka aka nyarmbwa na rakari. Kəlara vəi tə kuriya ni ku thlamta aka mda, vəi nda an ata ndzi nəɓwarni. Kəlara mda ata fa kifər tsəɗi ni atar nyarmbwar kəkarni.

⁵⁵Amma ma giri aɗi kədləɓəla mji na akwa tsəɗi ni wa, to, mji natə giri mbilari akwa tsəɗi ni ata sə ndzi ala giri apa mathlir akwa nca giri, ka mtəhəra akwa thlimbəla giri. Da ata ləkəma ka hara bwani ala giri akwa tsəɗi tə giri ata ndzəndzi akwa ni.

⁵⁶Antə apani I ata hara ala giri su tə I ɗəmha abbər I ata hara ala ɗa ni.”