Read bura-pabir Jikayeri 36 Bible Online

Jikayeri 36 - bura-pabir bible

Jikayeri 36

¹Vir laga mji na ol'olər kutakəyayeri na akwa nyarmbwar Gileyad na ɓzər Makir, kəkar Manasse na ɓzər Yusuf, ku si ka gari aka Musa ka mji ol'olər kutakəyayeri ar mjir Israila.

²Da pəla, “Zanuwa, MTHLAKU ku tsawa ala ga abbər ka gə ndəkəi kifa aka mjir Israila atar ndzəhə kuriya. Tsuwa tsa ku tsawa ala gə ka gə hamta kifər ɓzərma' yeru Zelofehad aka maɗa'ni na maɗankwi.

³Amma ma da ata ləɓəla kara kəl sal akwa nyarmbwa damwa ar mjir Israila, to mda ata kətə kifər kəkar mburu ni, ka mdə hamta aka nyarmbwa tə da kəl sal akwa ni. To, amma ma mdə ku hara apani, ai mdə ku thlaɓəla kifə ni kazhar nyarmbwar yeru!

⁴Antə ma sakatə Məvar Kucalər Msərmsərkur ku si, mda ata paktə kifər ɗa ata kəra kifər mjir nyarmbwa tə da kəl sal akwa ni. Antə apani ata ndzi abbər mdə ku kəɓəla kifər ɗa akwa kifər mjir nyarmbwar yeru.”

⁵Antə Musa hamta aka mjir Israila su tə MTHLAKU pəla alari. Musa pəla, “Su tə maɗa' nyarmbwar Yusuf pəla ni kalkal jiri.

⁶Nggədza su tə MTHLAKU pəla ata kəra maɗa' Zelofehad na maɗankwi ni, ‘Ka mdə zhar ɗa ka da kəl kəlara mdə tə da hira, amma tar ka mdari ndzi tsu akwa nyarmbwar kəkar ɗa,

⁷ta kifər mjir Israila asə ləkəma ka kadla akwa daɓwa nyarmbwayeri. Kamnyar kəlara nyarmbwar Israila ata kəsi kifər nyarmbwar kəkarni.

⁸Tsuwa kəlara ɓzərngkwa na ku fa kifər nyarmbwa damwa ar Israila, ata kəl sal tsu akwa nyarmbwar kəkarni, kamnyar ka shanga mjir Israila fa kifər kəkayeri arɗa.

⁹Apani antə kifa aɗi na ata thlata akwa nyarmbwa ngəni ka mwari akwa na ndaga wa. Kamnyar kəlara nyarmbwa na akwa Israila ata kəsi kifər nyarmbwar kəkarni.’ ”

¹⁰Antə maɗa' Zelofehad na maɗankwi ku hara apatə MTHLAKU ku tsawa aka Musa.

¹¹Shanga maɗa' Zelofehad ni, watau Mala, ka Tirza, ka Hogla, ka Milka, ka Nuhu, ku kəl maɗa' maɗama' baba' ɗa.

¹²Da kəl yangkura ɗa na akwa nyarmbwar Manasse na ɓzər Yusuf. Antə kifər ɗa ku ndzi tsu akwa nyarmbwar kəkar ɗa.

¹³Nayeri ni an tsawayeri ka sur hara natə MTHLAKU ku hamta aka mjir Israila atar Musa akwa bəbalər Mowab, ata mnya Thlyagha Jodan, aɓəla bwanda Yariko.