Read bura-pabir Jikayeri 7 Bible Online

Jikayeri 7 - bura-pabir bible

Jikayeri 7

¹Vir tə Musa kuri nci Tentər vəngkər səli ni, antə tsa pshitə mal aka shanga kariyayeri ar kutari ka hamta aka MTHLAKU. Tsa pshitə bagaɗi saɗaka ka hamta ni, ka shanga kari kəthlərayerari aka MTHLAKU.

²Antə mji na ol'olər Israila, natə da an kəra nyarmbwayeri na akwa Israila, watau mji na ata kəra mjir ɗa tə mdə jikatə ni, ku si akwa Tent ni.

³Da si ka cautayeri arɗa akəma MTHLAKU. Da si ka wagənayeri ngkwa na ka kəra ɗa harharari, ka gyalayeri kumnya suɗa, watau mji ol'ola suɗsuɗa an paktə kər ata kəra kəlara wagən pal. Tsuwa kəlara mdə pal səntə gyal thla pal. Antə da hamta ɗa akəma Tentər vəngkər səli ni.

⁴Antə MTHLAKU pəla aka Musa,

⁵“Dlu cautayeri ngəni akəla ɗa, ka gə hara kəthlər kəgari akwa kəthlər Tentər Kəɓa ni. Ka gə hamta ɗa aka kəlara mdər Lawi ka tsa hara kəthlər kəgari apatə mda akwa barari akəlari.”

⁶Antə Musa dlu wagənayeri ka gyalayeri ni ka hamta ɗa aka mjir Lawi.

⁷Aka mjir nyarmbwar Gershon tsa hamta ala ɗa wagənayeri suɗa ka gyalayeri nfwar, kalkal ka jili kəthlərər ɗa,

⁸ka hamta wagənayeri nfwar ka gyalayeri ncisu aka mjir nyarmbwar Merari, kalkal ka jili kəthlərər ɗa. Mdər pwar ɗa an Ithlamar na ɓzər Haruna na prist.

⁹Amma tsa aɗi hamta suma aka mjir nyarmbwar Kohath wa, kamnyar arɗa kəthlərər ɗa an wul kariyayeri na ɓɗakkarkara, natə da ana kəla ata pathlaha ɗa.

¹⁰Antə mji na ol'ola ku səntə cautayeri vir tə mda akwa hamta bagaɗi aka Hyel ni, vir tə mdə ɗangkər mal ar hamta ni aka Hyel ni. Antə mji na ol'ol ni ku hamta cautayeri arɗa akəma bagaɗi saɗaka ni.

¹¹Antə MTHLAKU pəla aka Musa abbər, “Pəla ala ɗa abbər ka kəlara mdə na ola ndzi ka vir hamta saɗakarni tsa shini, watau vir pal mdə pal, kamnyar hamta bagaɗi saɗaka ni.”

¹²Antə mdə na hamta cautayeri arni akwa vir na ntangkəma an Nashon na ɓzər Amminadab na akwa nyarmbwar Yahuda.

¹³Cautayeri tə tsa hamta an paranti adzərfa pal natə kəgəɓkurari an shekel aru pal ka makkumari, ka tasa na ola ar adzərfa pal natə kəgəɓkurari an shekel murfəkumari, ata sur ngkər su tə mda ana kəthlər kəgari akwa Vəi na Ɓɗakkarkara ni. Japu tasayeri ni nghyinghyari ka mpu na liktikti tə mdə hərtə ka mal kamnyar sur hamta ar mpwa.

¹⁴Tsuwa tsa ku hamta tasar dinar pal natə kəgəɓkurari an shekel kuma, nghyinghyari ka tulari ɗuza,

¹⁵ka ɓzər gyal pal, ka gam pal, ka mbəkəl təma pal na ka məvari pal kamnyar saɗaka mbamba,

¹⁶ka nciwa pal kamnyar saɗakar kəcimta biku,

¹⁷ka gyalayeri suɗa, ka gamayeri ntəfu, ka nciwayeri ntəfu, ka maɗa' gam ntəfu na ka məva ɗa pal pal, kamnyar saɗakar jakə mwardzi. Ngəni an cautayeri natə Nashon na ɓzər Amminadab hamta.

¹⁸Mdə na hamta cautayeri arni akwa vir na suɗkur an Nethlanel na ɓzər Zuwar. Tsa an olər mjir nyarmbwar Issakar.

¹⁹Cautayeri tə tsa hamta an paranti adzərfa pal natə kəgəɓkurari an shekel aru pal ka makkumari, ka tasa na ola ar adzərfa pal natə kəgəɓkurari an shekel murfəkumari, ata sur ngkər su tə mda ana kəthlər kəgari akwa Vəi na Ɓɗakkarkara ni. Japu tasayeri ni nghyinghyari ka mpu na liktikti tə mdə hərtə ka mal kamnyar sur hamta ar mpwa,

²⁰ka tasar dinar pal natə kəgəɓkurari an shekel kuma, nghyinghyari ka tulari ɗuza,

²¹ka ɓzər gyal pal, ka gam pal, ka ɓzər gam pal na ka məvari pal kamnyar saɗaka mbamba,

²²ka nciwa pal kamnyar saɗakar kəcimta biku,

²³ka gyalayeri suɗa, ka gamayeri ntəfu, ka nciwayeri ntəfu, ka maɗa' gam ntəfu na ka məva ɗa pal pal. Ngəni an cautayeri natə Nethlanel na ɓzər Zuwar hamta.

²⁴Mdə na hamta cautayeri arni akwa vir na makərkur an Eliyab na ɓzər Helon. Tsa an olər mjir nyarmbwar Zebulun.

²⁵Cautayeri natə tsa hamta an paranti adzərfa pal natə kəgəɓkurari an shekel aru pal ka makkumari, ka tasa na ola ar adzərfa pal natə kəgəɓkurari an shekel murfəkumari, ata sur ngkər su tə mda ana kəthlər kəgari akwa Vəi na Ɓɗakkarkara ni. Japwa ɗa nghyinghyari ka mpu na liktikti tə mdə hərtə ka mal kamnyar saɗakar mpwa,

²⁶ka tasar dinar pal natə kəgəɓkurari an shekel kuma, nghyinghyari ka tulari ɗuza,

²⁷ka ɓzər gyal pal, ka gam pal, ka ɓzər gam təma pal na ka məvari pal, kamnyar saɗaka mbamba,

²⁸ka nciwa pal kamnyar saɗakar kəcimta biku,

²⁹ka gyalayeri suɗa, ka gamayeri ntəfu, ka nciwayeri ntəfu, ka maɗa' gam ntəfu na ka məva ɗa pal pal kamnyar saɗakar jakə mwardzi. Ngəni an cautayeri natə Eliyab na ɓzər Helon hamta.

³⁰Mdə na hamta cautayeri arni akwa vir na nfwarkur an Elizur na ɓzər Shedeyur. Tsa an olər mjir nyarmbwar Ruben.

³¹Cautayeri natə tsa hamta an paranti adzərfa pal natə kəgəɓkurari an shekel aru pal ka makkumari, ka tasa na ola ar adzərfa pal natə kəgəɓkurari an shekel murfəkumari, ata sur ngkər su tə mda ana kəthlər kəgari akwa Vəi na Ɓɗakkarkara ni. Japwa ɗa nghyinghyari ka mpu na liktikti tə mdə hərtə ka mal kamnyar saɗakar mpwa,

³²ka tasar dinar pal natə kəgəɓkurari an shekel kuma, nghyinghyari ka tulari ɗuza,

³³ka ɓzər gyal pal, ka gam pal, ka ɓzər gam təma pal na ka məvari pal, kamnyar saɗaka mbamba,

³⁴ka nciwa pal kamnyar saɗakar kəcimta biku,

³⁵ka gyalayeri suɗa, ka gamayeri ntəfu, ka nciwayeri ntəfu, ka maɗa' gam ntəfu na ka məva ɗa pal pal kamnyar saɗakar jakə mwardzi. Ngəni an cautayeri natə Elizur na ɓzər Shedeyur hamta.

³⁶Mdə na hamta cautayeri arni akwa vir na ntəfkur an Shelumiyel na ɓzər Zurishaddai. Tsa an olər mjir nyarmbwar Simeyon.

³⁷Cautayeri natə tsa hamta an paranti adzərfa pal natə kəgəɓkurari an shekel aru pal ka makkumari, ka tasa na ola ar adzərfa pal natə kəgəɓkurari an shekel murfəkumari, ata sur ngkər su tə mda ana kəthlər kəgari akwa Vəi na Ɓɗakkarkara ni. Japwa ɗa nghyinghyari ka mpu na liktikti tə mdə hərtə ka mal kamnyar saɗakar mpwa,

³⁸ka tasar dinar pal natə kəgəɓkurari an shekel kuma, nghyinghyari ka tulari ɗuza,

³⁹ka ɓzər gyal pal, ka gam pal, ka ɓzər gam təma pal na ka məvari pal, kamnyar saɗaka mbamba,

⁴⁰ka nciwa pal kamnyar saɗakar kəcimta biku,

⁴¹ka gyalayeri suɗa, ka gamayeri ntəfu, ka nciwayeri ntəfu, ka maɗa' gam ntəfu na ka məva ɗa pal pal kamnyar saɗakar jakə mwardzi. Ngəni an cautayeri natə Shelumiyel na ɓzər Zurishaddai hamta.

⁴²Mdə na hamta cautayeri arni akwa vir na ngkwakur an Eliyasaf na ɓzər Reyuwel. Tsa an olər mjir nyarmbwar Gad.

⁴³Cautayeri natə tsa hamta an paranti adzərfa pal natə kəgəɓkurari an shekel aru pal ka makkumari, ka tasa na ola ar adzərfa pal natə kəgəɓkurari an shekel murfəkumari, ata sur ngkər su tə mda ana kəthlər kəgari akwa Vəi na Ɓɗakkarkara ni. Japwa ɗa nghyinghyari ka mpu na liktikti tə mdə hərtə ka mal kamnyar saɗakar mpwa,

⁴⁴ka tasar dinar pal natə kəgəɓkurari an shekel kuma, nghyinghyari ka tulari ɗuza,

⁴⁵ka ɓzər gyal pal, ka gam pal, ka ɓzər gam təma pal na ka məvari pal, kamnyar saɗaka mbamba,

⁴⁶ka nciwa pal kamnyar saɗakar kəcimta biku,

⁴⁷ka gyalayeri suɗa, ka gamayeri ntəfu, ka nciwayeri ntəfu, ka maɗa' gam ntəfu na ka məva ɗa pal pal kamnyar saɗakar jakə mwardzi. Ngəni an cautayeri natə Eliyasaf na ɓzər Reyuwel hamta.

⁴⁸Mdə na hamta cautayeri arni akwa vir na murfəkur an Elishama na ɓzər Ammihud. Tsa an olər mjir nyarmbwar Ifrayim.

⁴⁹Cautayeri natə tsa hamta an paranti adzərfa pal natə kəgəɓkurari an shekel aru pal ka makkumari, ka tasa na ola ar adzərfa pal natə kəgəɓkurari an shekel murfəkumari, ata sur ngkər su tə mda ana kəthlər kəgari akwa Vəi na Ɓɗakkarkara ni. Japwa ɗa nghyinghyari ka mpu na liktikti tə mdə hərtə ka mal kamnyar saɗakar mpwa,

⁵⁰ka tasar dinar pal natə kəgəɓkurari an shekel kuma, nghyinghyari ka tulari ɗuza,

⁵¹ka ɓzər gyal pal, ka gam pal, ka ɓzər gam təma pal na ka məvari pal, kamnyar saɗaka mbamba,

⁵²ka nciwa pal kamnyar saɗakar kəcimta biku,

⁵³ka gyalayeri suɗa, ka gamayeri ntəfu, ka nciwayeri ntəfu, ka maɗa' gam ntəfu na ka məva ɗa pal pal kamnyar saɗakar jakə mwardzi. Ngəni an cautayeri natə Elishama na ɓzər Ammihud hamta.

⁵⁴Mdə na hamta cautayeri arni akwa vir na nciskur an Gamaliyel na ɓzər Pedazur. Tsa an olər mjir nyarmbwar Manasse.

⁵⁵Cautayeri natə tsa hamta an paranti adzərfa pal natə kəgəɓkurari an shekel aru pal ka makkumari, ka tasa na ola ar adzərfa pal natə kəgəɓkurari an shekel murfəkumari, ata sur ngkər su tə mda ana kəthlər kəgari akwa Vəi na Ɓɗakkarkara ni. Japwa ɗa nghyinghyari ka mpu na liktikti tə mdə hərtə ka mal kamnyar saɗakar mpwa,

⁵⁶ka tasar dinar pal natə kəgəɓkurari an shekel kuma, nghyinghyari ka tulari ɗuza,

⁵⁷ka ɓzər gyal pal, ka gam pal, ka ɓzər gam təma pal na ka məvari pal, kamnyar saɗaka mbamba,

⁵⁸ka nciwa pal kamnyar saɗakar kəcimta biku,

⁵⁹ka gyalayeri suɗa, ka gamayeri ntəfu, ka nciwayeri ntəfu, ka maɗa' gam ntəfu na ka məva ɗa pal pal kamnyar saɗakar jakə mwardzi. Ngəni an cautayeri natə Gamaliyel na ɓzər Pedazur hamta.

⁶⁰Mdə na hamta cautayeri arni akwa vir na əmdləkur an Abidan na ɓzər Gideyoni. Tsa an olər mjir nyarmbwar Benjamin.

⁶¹Cautayeri natə tsa hamta an paranti adzərfa pal natə kəgəɓkurari an shekel aru pal ka makkumari, ka tasa na ola ar adzərfa pal natə kəgəɓkurari an shekel murfəkumari, ata sur ngkər su tə mda ana kəthlər kəgari akwa Vəi na Ɓɗakkarkara ni. Japwa ɗa nghyinghyari ka mpu na liktikti tə mdə hərtə ka mal kamnyar saɗakar mpwa,

⁶²ka tasar dinar pal natə kəgəɓkurari an shekel kuma, nghyinghyari ka tulari ɗuza,

⁶³ka ɓzər gyal pal, ka gam pal, ka ɓzər gam təma pal na ka məvari pal, kamnyar saɗaka mbamba,

⁶⁴ka nciwa pal kamnyar saɗakar kəcimta biku,

⁶⁵ka gyalayeri suɗa, ka gamayeri ntəfu, ka nciwayeri ntəfu, ka maɗa' gam ntəfu na ka məva ɗa pal pal kamnyar saɗakar jakə mwardzi. Ngəni an cautayeri natə Abidan na ɓzər Gideyoni hamta.

⁶⁶Mdə na hamta cautayeri arni akwa vir na kumkur an Ahiyezer na ɓzər Ammishaddai. Tsa an olər mjir nyarmbwar Dan.

⁶⁷Cautayeri natə tsa hamta an paranti adzərfa pal natə kəgəɓkurari an shekel aru pal ka makkumari, ka tasa na ola ar adzərfa pal natə kəgəɓkurari an shekel murfəkumari, ata sur ngkər su tə mda ana kəthlər kəgari akwa Vəi na Ɓɗakkarkara ni. Japwa ɗa nghyinghyari ka mpu na liktikti tə mdə hərtə ka mal kamnyar saɗakar mpwa,

⁶⁸ka tasar dinar pal natə kəgəɓkurari an shekel kuma, nghyinghyari ka tulari ɗuza,

⁶⁹ka ɓzər gyal pal, ka gam pal, ka ɓzər gam təma pal na ka məvari pal, kamnyar saɗaka mbamba,

⁷⁰ka nciwa pal kamnyar saɗakar kəcimta biku,

⁷¹ka gyalayeri suɗa, ka gamayeri ntəfu, ka nciwayeri ntəfu, ka maɗa' gam ntəfu na ka məva ɗa pal pal kamnyar saɗakar jakə mwardzi. Ngəni an cautayeri natə Ahiyezer na ɓzər Ammishaddai hamta.

⁷²Mdə na hamta cautayeri arni akwa vir na kumkantangkur an Pagiyel na ɓzər Okran. Tsa an olər mjir nyarmbwar Asher.

⁷³Cautayeri natə tsa hamta an paranti adzərfa pal natə kəgəɓkurari an shekel aru pal ka makkumari, ka tasa na ola ar adzərfa pal natə kəgəɓkurari an shekel murfəkumari, ata sur ngkər su tə mda ana kəthlər kəgari akwa Vəi na Ɓɗakkarkara ni. Japwa ɗa nghyinghyari ka mpu na liktikti tə mdə hərtə ka mal kamnyar saɗakar mpwa,

⁷⁴ka tasar dinar pal natə kəgəɓkurari an shekel kuma, nghyinghyari ka tulari ɗuza,

⁷⁵ka ɓzər gyal pal, ka gam pal, ka ɓzər gam təma pal na ka məvari pal, kamnyar saɗaka mbamba,

⁷⁶ka nciwa pal kamnyar saɗakar kəcimta biku,

⁷⁷ka gyalayeri suɗa, ka gamayeri ntəfu, ka nciwayeri ntəfu, ka maɗa' gam ntəfu na ka məva ɗa pal pal kamnyar saɗakar jakə mwardzi. Ngəni an cautayeri natə Pagiyel na ɓzər Okran hamta.

⁷⁸Mdə na hamta cautayeri arni akwa vir na kumnya suɗkur an Ahira na ɓzər Enan. Tsa an olər mjir nyarmbwar Naftali.

⁷⁹Cautayeri natə tsa hamta an paranti adzərfa pal natə kəgəɓkurari an shekel aru pal ka makkumari, ka tasa na ola ar adzərfa pal natə kəgəɓkurari an shekel murfəkumari, ata sur ngkər su tə mda ana kəthlər kəgari akwa Vəi na Ɓɗakkarkara ni. Japwa ɗa nghyinghyari ka mpu na liktikti tə mdə hərtə ka mal kamnyar saɗakar mpwa,

⁸⁰ka tasar dinar pal natə kəgəɓkurari an shekel kuma, nghyinghyari ka tulari ɗuza,

⁸¹ka ɓzər gyal pal, ka gam pal, ka ɓzər gam təma pal na ka məvari pal, kamnyar saɗaka mbamba,

⁸²ka nciwa pal kamnyar saɗakar kəcimta biku,

⁸³ka gyalayeri suɗa, ka gamayeri ntəfu, ka nciwayeri ntəfu, ka maɗa' gam ntəfu na ka məva ɗa pal pal kamnyar saɗakar jakə mwardzi. Ngəni an cautayeri natə Ahira na ɓzər Enan hamta.

⁸⁴Nayeri ni an cautayeri natə mji na ol'olər Israila hamta akwa sakar hamta bagaɗi aka Hyel, vir tə mdə ɗangkər mal aka bagaɗi ni. Cautayeri ni an parantiyayeri ar adzərfa kumnya suɗa, ka tasayeri na ol'ola ar adzərfa kumnya suɗa, ka tasayeri ar dinar kumnya suɗa.

⁸⁵Kəgəɓkur kəlara paranti adzərfa an shekel aru pal ka makkumari, kəgəɓkur kəlara tasa na ola ar adzərfa an shekel murfəkumari. Kəgəɓkur shanga adzərfa ar parantiyayeri ka tasayeri ni an shekel dəpu suɗa ka aru nfwar, ata sur ngkər su tə mda ana kəthlər kəgari akwa Vəi na Ɓɗakkarkara ni.

⁸⁶Kəgəɓkur kəlara pal akwa nca tasayeri na kumnya suɗa natə mdə nam ka dinar ni an shekel kuma, ata sur ngkər su tə mda ana kəthlər kəgari akwa Vəi na Ɓɗakkarkara ni. Kəgəɓkur shanga dinar ar tasayeri an shekel aru ka sərkumari.

⁸⁷Shanga mwaɓiyayeri na kamnyar saɗaka mbamba an apani, gyalayeri kumnya suɗa, ka gamayeri kumnya suɗa, ka maɗa' gamayeri na ka məva pal pal da kumnya suɗa, ka sur hamtar ɗa ar mpwa, ka nciwayeri kumnya suɗa kamnyar saɗakar kəcimta biku.

⁸⁸Shanga mwaɓiyayeri na kamnyar saɗakar jakə mwardzi an apani, gyalayeri sərkumari ka nfwar, ka gamayeri ngkwakumari, ka nciwayeri ngkwakumari, ka ɓzər gamayeri na ka məva ɗa pal pal da ngkwakumari. Nayeri ni an cautayeri tə mdə hamta akwa sakar hamta bagaɗi saɗaka aka Hyel, aghəla tə mdə ku ɗangkər mal aka bagaɗi ni.

⁸⁹Sakatə Musa ku ləkwa Tentər Kəɓa ni kamnyar ka tsa gari ka MTHLAKU, təng tsa nggatə kuraka MTHLAKU akwa gari alari akwa daɓwa kerubayeri na suɗa ata kəra sur hartə kəra Akwati Alkawal, natə tsa an vəi kələmta watsəɓər biku ni.