Read bura-pabir Mika 7 Bible Online

Mika 7 - bura-pabir bible

Mika 7

¹Sha ku wutə ra! Kamnyar tə I ku ndzi apa mdə na ka mi na aɗi wutə su ma wa, aghəla tə mdə ku fəi sur fakəu, aghəla tə mji ku mtiri su na mbila akwa fakər anap. Gwandzal yar anap aɗi tə ka mdə nthləi wa, wala yar kamndə na ku ng'hə tə ɗəffi akwa barari wa.

²Mda aɗi wala duku na ka jirkur akwa tsəɗi ni wa, mda aɗi na akwa hara su kalkal wa. Kəlara mda akwa bara ka tsa tsi nvwa ni, tə kəlara mda akwa ngga dərku aka ɓzərma'ni.

³Da masəku akwa hara ɗimikur, kwakunayeri ka alkaliyayeri akwa yu sur dzəɓə mnya. Mji na ol'ola akwa pəla su tə ɗəffa ɗa hira, antə da ana paktə mnya ka ndwaləmta jirkur.

⁴Mdə na hərkə ta shang akwa nca ɗa an kula ampani apa mbəka, mdə na jirari akwa nca ɗa an kula ampani apa kusar uwa. Amma vir tə mda ata hara ala ɗa shariya ku hara kudzəha, vir tə mda ata ɗi ɗa ku si, apatə tsa ku tsaktə ɗa atar naɓiyayeri na an mjir sək kəra ɗa. Kulini shanga ɗa ku ndəndatədzi.

⁵Ga aɗiya mbərsa ka ntəwulər ngə wa, wala mbərsa ka pazhir ngə wa, wala mwalangkiri tə gə hir wa, ka gə hara ka hangkal ka mnyar nga.

⁶Kamnyar maɗashili akwa rutə təddar ɗa maɗangkwi akwa nggəlar ndərər mama' ɗa mwankir maɗa' akwa rutə mama' salər ɗa, dawayeri ar mda an tsu mjir kutakəyirni.

⁷Amma arna, I ata putə nci ata MTHLAKU, I ata səkə səyir Hyel na ana mbantə ra, Hyelərna ata nggatə ra.

⁸Giri na dawayeri arna, giri aɗiya kucali ata kəri wa Kamnyar wala tə I ku ndla, I ata jaktə thlata, wala tə I andzəndzi akwa kuthlu, MTHLAKU ata hamta ali parakəu.

⁹I ata mbwi ɗəffi sakatə MTHLAKU akwa ɗi ra, kamnyar tə I ku hara biku alari, har ka vədza aka sakatə tsa ata sə mbuli ra, ka ntəmta ɗimikur tə mdə hara ali. Tsa ata sə səntə ra akwa parakəu, kəi nggatə msərakur mbantədzi arni.

¹⁰Antə dawayeri arna ata sə wutari, ka ləkwa səli ɗimi ɗimi, tsa na ana pəla ali abbər, “Amma MTHLAKU na Hyelər nga nə ri?” I ata sə wul ndlar ɗa ni ka nci, wala kulini ma mda ata ntsarəmta ɗa ka səl, ka da ndzi apa maɓər kuta laku.

¹¹Mjir Yahuda, virari ata si sakatə mda ata jaktə hənɓəla katanggayeri ni, sakatə mda ata jaka ala giri olkurər tsəɗi giri.

¹²Vir ndaga mjir giri ata ngka ala giri, da ata sə thlata ahar Assiriya ka Masar ka si, har kəga mji na təbwar Thlyagha Yufiretis, ka mji na ata mnya mandayeri ka shanga mji na akwa garayeri na ciju ciju.

¹³Amma duniya ata sə ndzi kula mji apa mtakəu, kamnyar kəmanggarkurər mji na akwa.

¹⁴Ka gə ndzi mdər ɓəla mjir ngə, MTHLAKU, ciɓa natə ga an carɓəla. Ciɓər nga na shiɗa akwa mtakəu, akwa vəi ɓəla na ɓɗaku ka kusar. Antə mwantə ɗa akwa Bashan ka Gileyad, ka da ɓɗə kusar apatə da ana hara waci.

¹⁵MTHLAKU akwa pəla, “I ata ncanta ala giri surndatayeri, tsu apa akwa sakatə I fwaɓəla giri akwa Masar.

¹⁶Tsəɗiyayeri ata wutə su ngəni, ka ɗəffa ɗa ɓza ata kəra duna tə da kəgari ni, antə da ata sə hartə mnya ɗa ka dzəɓtə thləma ɗa.

¹⁷Da ata sə takəla akwa kalau apa pwapu, apa suayeri na ana mwa ka kuta ɗa ata di. Da ata səɓəla ka kədza akwa vəi ɗuwardzər ɗa, ka si adzə ra, I na MTHLAKU na Hyelər giri, kamnyar thlivəra.”

¹⁸Hyelər yeru, aɗi apa gə wa! Ga ana tifəmta bikər mjir nga, mjir nga na ku mbil ka mpika. Ɗəffa ga aɗi ana ɓzə har ba saka madi wa, kamnyar gə hir kətadzə mda tədəku.

¹⁹Ga ata kətadzə yeru ka damwa, ga ata ntsəntsarəmta bikər yeru ka səla ga, ka pughəi bikər yeru akwa kira manda!

²⁰Ga ata ncantə jirkurər nga aka Yakub, ka hirkur na ana palidzi wa aka Ibrahim, apatə ga ku kətə alkawalari aka kəkayeri ar yeru təng waci.