Read bura-pabir Haggai 2 Bible Online

Haggai 2 - bura-pabir bible

Haggai 2

¹Akwa vir na sərkumari ka ntangkur, ar thliya na murfa ar məva ndaga antə MTHLAKU ku gari aka naɓi Haggai abbər,

²“Gari aka Zerubbabel na ɓzər Sheyaltiyel gwamnar Yahuda, ka aka Joshuwa na prist, natə tsa an ɓzər Yehozadak, ka aka shanga mji na mbila. Yu ɗa abbər,

³‘Wan mbila akwa nca giri ka mpika na tsu ata ɗangtə laku tə mbwa ngəni ka səli akwa waci ri? Məməi tə giri akwa wulari kulini ri? Ai tsa aɗi su laga kəra wa.

⁴Amma kulini ka gə ntsətədzi, gə na Zerubbabel! Ntsətədzi gə na Joshuwa prist na ola, gə na ɓzər Yahozadak! Ntsətə girdzi shanga giri na akwa tsəɗi ni, ka giri hara kəthlər, kamnyar I na MTHLAKU na ka Duna ta Shang an ata vəi duku ka giri.

⁵Sakatə giri səɓəla akwa Masar, I ku hara alkawal ala giri abbər I ata ndzi ata vəi duku ka giri. Antə mambələrna ata vəi duku ka giri, apani giri aɗiya thlivər wa.’

⁶“Kamnyar MTHLAKU na ka Duna ta Shang akwa pəla, ‘Aɗi ata fəi wa I ata jaktə kənggərantə vəi na amtazi, ka duniya, ka manda, ka di ul'ula,

⁷I ata kənggərantə shanga tsəɗiyayeri antə da ata sə səntə shanga gənar ɗa azi, antə mbwar vəngkər səli ngəni ata sə nghyi ka gəna,’ ndə MTHLAKU na Duna ta Shang.

⁸‘Kamnyar ai shanga adzərfa ka dinar na akwa duniya ni arna,’ ndə MTHLAKU na ka kuthlikur ata kəra shanga su.

⁹‘Antə akəmazi səliyir mbwar vəngkər səli ngəni ata sə təramta səli tə tsa kəgari waci. Tsuwa akwa vəi ngəni antə I ata hamta msərakur,’ ndə MTHLAKU na ka Duna ta Shang.”

¹⁰Akwa vir na sərkumari ka nfwarkur ar thliya na əmdla, akwa məva na suɗkur ar Kuthli Dariyus antə MTHLAKU ku gari atar naɓi Haggai.

¹¹“MTHLAKU na ka duna pəla, ‘Pəla aka pristayeri ka da dzamɓəla su tə ka mdə hara ata kəra sur yu ngəni.

¹²Ma mdə kətə dakulər kum natə mdə ku hamta saɗaka aka Hyel akwa mnya ləptərni, antə mnya ləptərni ni tsəkwar ɗəvərni, wala jangguli, wala yimər anap, wala mal, wala kəlara susəma madi, kum ni ata namtə susəm ndaga ka tsa ndzi ɓɗakkarkara tsu ya?’ ” Antə pristayeri ni hamta amsari abbər, “Awa.”

¹³Antə Haggai pəla, “Ma mdə ku ndzi adiya kamnyar tsiyari na ku tsəkwar mshi, antə ma tsa tsəkwar kəlara akwa nca su nayeri ni, suari ata ndzi adiya tsu ya?” Antə pristayeri shinau abbər, “I, suari ata ndzi adiya.”

¹⁴Antə Haggai pəla, “Tsu apani tsuwa an su na ata wutə mji ngəni, ka tsəɗi ngəni, ka kəlara kəthlər tə tsiya ɗa ku tsəkwari. Antə kəlara su tə da ku hamta saɗaka anda, suari ku ndzi adiya.”

¹⁵“Amma kulini I akwa kiɗə giri abbər baɗita ashina ka ləkəma, dzama giri ɓɗaku ata kəra su ngəni. Akəmata giri abaɗitə vəi pelar səla mbwar vəngkər səli ni, giri məmə ri?

¹⁶Giri ana mwari adzə mthli tə mdə tsaptə ka mbərsa abbər giri ata wutə tasa sərkumari akwa, amma təng giri ana wutə tasa kuma daci! Giri ana mwari akwa vəi dlər yimər anap ka vəkər abbər giri ata wutə ɗewa ntəfkumari, amma təng giri ana wutə ɗewa sərkumari daci.

¹⁷I ku thlenta ala giri dəmən, ka mpururu, ka handzəkəla ata kəra sur fakər giri, amma har ba kulini giri aɗi tubi wa.

¹⁸Dzam giri ɓɗaku ata kəra su na ata hara baɗita ashina har ka ləkəma, watau vira thliya sərkumari ka nfwar ar thliya na əmdla, vir tə mdə nci səla mbwar vəngkər səli ni. Wul giri su na ata hara ɓɗaku.

¹⁹Mthli aɗi akwa biyir giri kəra wa təng tə mdə thləka. Tsuwa nfur anap, ka nfur kamnda, ka nfur rumman, ka nfur zaitun aɗi baɗitə ya katagu wa. Amma baɗita ashina ka ləkəma I ata vədza ala giri barka.”

²⁰Tsu vir nda, vira thliya sərkumari ka nfwar ni, antə MTHLAKU jaktə gari aka Haggai abbər,

²¹“Pəla aka Zerubbabel gwamnar Yahuda abbər, ‘I abaka kənggərantə vəi na amtazi ka duniya.

²²Tsuwa I ata dlutsə dəkəl kuthlikurayeri, kəi tsi duna kuthlikurayeri ar tsəɗiyayeri, kəi ndlagamta wagənayeri ar taku ka mjir nggur ɗa. Takwayeri ni ata ndla, antə mjir nggurari ata kurəmta kərɗa.

²³Vir nda I ata kətə nga, Zerubbabel ɓzər Sheyaltiyel, gə na ana kəthlər ali, kəi vəi nga ka gə hara kuthlikur akwa thləmi. Kamnyar ga antə I ku carɓəla.’ ” MTHLAKU na ka Duna ta Shang an pəla.