Read bura-pabir Mathliyu 1 Bible Online

Mathliyu 1 - bura-pabir bible

Mathliyu 1

¹Ngəni an kakaɗər dur ar Yesu Kristi, kəkar Dauda, na akwa dur ar Ibrahim.

²Ibrahim ku ya Ishaku, Ishaku ku ya Yakub, Yakub ku ya Yahuda kəga maɗada'ni.

³Yahuda ku ya Perez ka Zera adzə Tamar. Perez ku ya Hezron, Hezron ku ya Aram,

⁴Aram ku ya Amminadab, Amminadab ku ya Nashon, Nashon ku ya Salmon,

⁵Salmon ku ya Bowaz. Mama'ni tsuwa an Rahab. Bowaz ku ya Obed. Mama'ni tsuwa an Ruth. Obed ku ya Yesse,

⁶Yesse ku ya Kuthli Dauda. Dauda ku ya Solaman. Mama'ni tsuwa an hwatu mwalar Uriya.

⁷Solaman ku ya Rehobowam, Rehobowam ku ya Abija, Abija ku ya Asa,

⁸Asaf ku ya Yehoshafat, Yehoshafat ku ya Yoram, Yoram ku ya Uzziya,

⁹Uzziya ku ya Yothlam, Yothlam ku ya Ahaz, Ahaz ku ya Hezekiya,

¹⁰Hezekiya ku ya Manasse, Manasse ku ya Ammon, Ammon ku ya Yosiya,

¹¹Yosiya ku ya Yekoniya ka maɗama'ni, akwa sakatə mdə fatə ɗa ka mwantə ɗa akwa mafakur ahar Babila.

¹²Antə aghəla tə mdə ku mwantə ɗa akwa mafakur ahar Babila, Yekoniya ku ya Sheyaltiyel, Sheyaltiyel ku ya Zerubbabel,

¹³Zerubbabel ku ya Abihud, Abihud ku ya Eliyakim, Eliyakim ku ya Azor,

¹⁴Azor ku ya Zadok, Zadok ku ya Akim, Akim ku ya Eliyud,

¹⁵Eliyud ku ya Eleyazar, Eleyazar ku ya Mathlan, Mathlan ku ya Yakub,

¹⁶Yakub ku ya Yusuf salər Maryamu, Maryamu ku ya Yesu, tsa natə mda ana kəga ni Kristi.

¹⁷Antə apani, baɗitə ka Ibrahim ka vədza aka Dauda, zamanayeri aɗi kumnya nfwar. Baɗitə ka Dauda ka vədza aka sakatə mdə fatə mjir Israila ka mwantə ɗa akwa mafakur ahar Babila, zamanayeri kumnya nfwar. Tsuwa baɗitə ka thlatər ɗa akwa mafakur ahar Babila ka vədza aka yaɓəladzər Kristi, zamanayeri kumnya nfwar.

¹⁸Nggədza laku tə mdə ku yaɓəla Yesu Kristi akwa. Sakatə Yusuf akwa bara kəl Maryamu na mama' Yesu, tsu akəmata da a mbwa ngyika, antə mji wuta abbər Maryamu ka dzari suɗa atar Mambəl na Ɓɗakkarkara.

¹⁹Tsuwa Yusuf na ɓzərdakwiyirni an mdə na pwa, antə tsa aɗi bara ka tsa tsi səliyir Maryamu wa, antə tsa bara laku tə ka tsa nggəlar ni akwa ɗuwari.

²⁰Amma sakatə tsa akwa dzama ata kəra su ngəni, təng mdərthlentərhyel laga wutədzi alari akwa suni, ka pəla, “Yusuf na ɓzər Dauda, ga aɗiya thlivər kəl Maryamu ka tsa ndzi mwalankiri wa, kamnyar hur na adzə ni ni thlata akəla Mambəl na Ɓɗakkarkara.

²¹Tsa ata ya ɓzər sal, antə ga ata vətə thləmari Yesu, kamnyar tsa ata si mbantə mjirni akwa bikər ɗa.”

²²Shanga suayeri ngəni ku hara kamnyar nghyaɓəla su tə Mthlaku pəla atar naɓiyayeri abbər,

²³“Ɓzərngkwa ata sə hara dza suɗa! Tsa ata sə yaɓəla ɓzər sal, antə mda ata sə kəga ni Immanuwal.” Karapur Immanuwal an, “Hyel ata vəi duku ka mburu.”

²⁴Sakatə Yusuf ku thlata ata heni, antə tsa hara tsu apatə mdərthlentərhyel ni ku tsawa alari. Tsa kətə Maryamu tə tsa ndzi mwalankiɗa.

²⁵Amma tsa aɗi ləmbwa adzə ni wa, har tar tə tsa yaɓəla ɓzər ni. Antə Yusuf vəta alari thləm Yesu.