Read bura-pabir Mjir Rom 12 Bible Online

Mjir Rom 12 - bura-pabir bible

Mjir Rom 12

¹I akwa kiɗə kəra giri, maɗaməma, apatə Hyel ku kətadzə mburu ni, abbər ka giri hamta kəra giri apa saɗaka na ka mpika, na ɓɗakkarkara, na ata kəskəra Hyel. Kamnyar ngəni an laku na kalkal tə giri ata mzhi vəngkər səli aka Hyel akwa.

²Giri aɗiya nu surharar[1] mjir duniya ngəni wa, amma zhari ka Hyel an pali giri ka giri ndzi mji bilən atar pali lakur dzamər giri. Apani antə giri ata mzhi nggaɓəla su tə Hyel akwa bara ka giri hara, na an su na ɓɗaku, na ata kəskərari, akwa laku na ciɗəɗu.

³Kamnyar ɓɗakkur tə Hyel hara ali ka ni cauta na ar mambəla, antə I akwa tsaktə kəlara pal akwa nca giri abbər giri aɗiya namtə kər giri olta laku tə giri akwa wa. Amma ka waskəi ngkahə kərni ka dzam na kalkalari, kalkal ka olkur hamta jiri tə Hyel na alari.

⁴Kamnyar mburu ka bwayeri hang akwa dza duku, tsuwa kəlara bwa ka kəthlərərni zum ta nvwani.

⁵Apani tsuwa wala tə mburu hang ni, mburu an dza duku akwa Kristi, tsuwa kəlara pal akwa nca mburu an bwar dza nvwani.

⁶Hyel ku hara ala mburu ka ɓɗakkur atar na mburu ka cautayeri zumzum, antə ka mburu kəthlər ka da. Ma Hyel ku na gə dunar hara naɓikur, ka gə hara naɓikur ni kalkal ka hamta jirər nga.

⁷Ma dunar hara kəthlər aka mji antə Hyel na ga, ka gə hara kəthlər ni ɓɗaku. Ma ar thlipa, ka gə thlipə ɓɗaku.

⁸Ma ar dunautə mda, ka gə dunautə mdə ɓɗaku. Ma ar hamta su, ka gə hara ka ɗəffa gə shang. Ma ar ndzi ola ata kəra mji, ka gə hara ka jirkur. Ma ar kətadzə mda, ka gə hara ka kucali.

⁹Ma gə hir mda, ka gə hir ni ka jirkur. Ka gə nggəlar shanga su na ɗimi, ka gə bartə kəlara su na ɓɗaku.

¹⁰Ka giri hamta kər giri kamnyar hir nvwa giri ka jili hirdzər maɗaməmakur. Ka waskəi bara təramta nvwani akwa nar olkur aka nvwani.

¹¹Giri aɗiya mtathlidzi wa, amma ka giri hara su ka ufti, ka hara kəthlər aka Mthlaku ka ɗəffa gə shang.

¹²Ka giri hara kucali akwa su tə gə vəkər kəgari, ka giri nggitə bwani, ka giri hara adduwa tədəku.

¹³Ka giri hamta dlarər giri aka mjir Hyel na akwa tura, ka giri dlu mətəpi ka kucali akwa kəyir giri.

¹⁴Ka giri vədza barka aka mji na akwa hara bwani ala giri. Ka giri vədza ala ɗa barka, giri aɗiya shuwumta ɗa wa.

¹⁵Ka giri hara kucali ata kəma duku kəga mji na akwa kucali, ka tuwa ata kəma duku kəga mji na akwa tuwa.

¹⁶Ka giri ndzi akwa nggaɓəladzi kəga nvwa giri. Giri aɗiya ndzi ka ɗəffər olkur wa, amma ka giri mwa kəga mji tə mdə namtə ɗa apa da aɗi suma wa. Giri aɗiya namtə kər giri apa giri ku təramta mambila mji ka ɗəɗukur wa.

¹⁷Giri aɗiya ntə ɗimikur ka ɗimikur wa, amma ka giri dzama ka hara su natə shanga mji ata wul giri ka daraja.

¹⁸Ka giri hara su tə giri amzha, ma ahara, kamnyar ka giri ndzi lapiya ka shanga mji.

¹⁹Mjir yeru, giri aɗiya ntə dawakur ka giri sur giri wa, zhar giri aka Hyel ka tsa an ntəmta ala giri akwa ɗəffə bwarbwarkurərni. Kamnyar kakaɗər Hyel ku pəla, “Ntə dawa an arna, antə I ata ntəmta su tə da hara ni,” ndə Mthlaku.

²⁰Kakaɗər Hyel jaktə pəla abbər, “Ma dawar nga ka mi, ka gə na alari susəma, ma tsa ka thləli, ka gə na alari sur sa, kamnyar atar hara apani antə ga ata vu ni akwa səli na ata mba ɗəffari apa hakthlir u'u.”

²¹Giri aɗiya zhari ka ɗimikur nggyari giri wa, amma ka giri nggyari ɗimikur ka ɓɗakkur.