Read bura-pabir Joshuwa 20 Bible Online

Joshuwa 20 - bura-pabir bible

Joshuwa 20

¹Vir laga MTHLAKU pəla aka Joshuwa,

²ka tsa pəla aka mjir Israila abbər, “Carɓəla giri diyayeri tə giri ata pwiyari kamnyar mjir hwi ra ɗuwardzi ta ntəskur, apatə I ku ngkər aka Musa ka tsa pəla ala giri ni.

³Giri ata pwi diyayeri ngəni kamnyar ma mdə laga ku kar ka tsi mda, tsa ata mzhi hwi ka ra ɗuwardzi anda. Antə diyayeri ni ata ndzi ala giri vəi hwi ra ɗuwardzi ta mdər ntəskur.

⁴Kəlara sakatə mdə na ku tsi mda ku hwi ka mwari akwa pal akwa nca diyayeri ngəni, tsa ata thləthlata akwa nyarfur di ni, ka ngkərɓəla damitədzərni aka mji ol'olər di ni. Antə da ata dlu ni ka ləvəi ka tsa akwa kuta diyir ɗa, ka hamta alari vəi tə tsa ata ndzəndzi ata akwa nca ɗa.

⁵Ma mdər ntəskur ni ku nu ghəla mdə ni har ba anda, da aɗiya psi ni alari wa. Ata ndzi dwali ka da mbuli ni kamnyar mdə ni aɗi tsi mdə nda dzakdzakku wa, tsuwa ma shang dawakur aɗi akwa daɓwa ɗa wa.

⁶Antə mjir di ɗuwardzi ni ata tsaptədzi ka hara alari shariya. Antə ma da ku wuta abbər mdə ni aɗi tsi mdə ni dzakdzakku wa, to tsa ata ləkəma ka ndzəndzi akwa nca ɗa, har tar ma prist na ola akwa saka nda ku mti. Antə saka nda ma tsa hir tsa ata ngka akwa diyirni tə tsa hwi kazhari kamnyar ntəskur ni.”

⁷Apani antə da ku vəi Kedesh na akwa Galili na akwa bwar garayeri ar mjir nyarmbwar Naftali, ka Shekem na akwa bwar garayeri ar mjir nyarmbwar Ifrayim, ka Kiriyath Arba natə tsa an Hebron, na akwa bwar garayeri ar mjir nyarmbwar Yahuda.

⁸Tsuwa aɓəla bwanda Thlyagha Jodan, abwar raghəi ka Yariko, da carɓəla Bezer na akwa mtakəu akwa bwar garayeri na akwa tsəɗiyir mjir nyarmbwar Ruben, ka Ramoth Gileyad na akwa bwar tsəɗiyir mjir nyarmbwar Gad, ka Golan na akwa Bashan na akwa bwar tsəɗiyir mjir nyarmbwar Manasse.

⁹Nayeri ni an diyayeri ar ɗuwardzi natə mdə pwi kamnyar shanga mjir Israila, ka tsuwa mətəpiyayeri na ka ndzi akwa nca ɗa. Kəlara mdə na ku kar ka tsi mda, tsa ata mzhi hwi ka mwari anda, ta mdər ntəskur ni asə tsi ni. Tsa ata ndzəndzi anda har tar ma tsa ku thləthlata akəma mji kamnyar hara alari shariya.