Read bura-pabir 2 Timothli 4 Bible Online

2 Timothli 4 - bura-pabir bible

2 Timothli 4

¹I akwa tsawa ala ga akəma Hyel ka Kristi Yesu, na ata sə hara shariya aka mji na ka mpika ka mji na mtəmta, akwa sakatə tsa ku si kamnyar nci kuthlikurərni ni, abbər

²ka gə ləkəma ka ngkər ndərər Hyel ni, wala mji akwa dluwari ka kucali, wala mji aɗi akwa dluwari wa.[1] Ka gə ndəkərtə hangkala mji, ka mnya ala ɗa, ka dunautə ɗa, ka shanga mbwiɗəffu tə ga amzha ka akwa thlipa.

³Kamnyar saka ata sə si tə mji aɗi ata psi thləm aka surthlipə na kalkalari wa. Da ata nu su tə ɗəffa ɗa akwa barari, antə da ata ra bara maləmayeri na ata sə thlipa ala ɗa su tə thləma ɗa akwa ɓəɓa ɗa kamnyar bara nggatari.

⁴Da ata nggəlar psi thləm aka jirkur ka psi thləm aka makumdlayeri na ndzang.

⁵Amma ar nga, tar ka gə ndzi ngkahəngkahari akwa shanga su, ka gə nggitə bwani, ka gə hara kəthlər ar ngkər labar na msəra ni, kamnyar ka gə nghyaɓəla kəthlərər nga na ar mdər ngkər ndərər Hyel.

⁶Kamnyar arna, abaka mdə ku kurtə hamta ra apa saɗaka aka Hyel, kamnyar sakar tərarna ku hara.

⁷I ku hara akəlakəla ni ɓɗaku, I ku kuri hwiyirna, I ku ndzi ka jirkur!

⁸Antə kulini watsəɓər kəthlər an akwa sək ra, dzakwar kuthlikur na ar ɓɗakkur, natə Mthlaku na Alkaliyir jirkur ata sə hamta ali akwa vir nda, tsuwa aɗi ali I shira wa, amma aka shanga mji na akwa sək səyirni ka kucali.

⁹Ka gə vu duna ga ka wuta abbər ga ku si adzə ra taktar.

¹⁰Kamnyar Demas ku təra kazhar ra kamnyar bara sur duniya ngəni, tsa təra mwari ahar Thlassalonika. Kreskes ku təra mwari ahar Galatiya, tsuwa Titus ku təra mwari ahar Dalmatiya.

¹¹Təng Luka daci an mbila adzə ra. Ka gə paktə Markus ka giri si ka tsa, kamnyar tsa ata dlar ra akwa kəthlər ni.

¹²I ku thlentə Tikikus ahar Afisa.

¹³Ma sakatə ga ata si, ka gə sənta ali ləptərna natə I zhari adzə Karpus ahar Trowas ni, tsuwa ka gə sənta ali kakaɗayeri ni, apa kakaɗayeri na ar kəsəm ni ma shang wa.

¹⁴Alekzanda na mdər ɓdlə ni ku dəkəi ra kamta. Mthlaku ata ntəmta alari kalkal ka su tə tsa hara ni.

¹⁵Wala gə ma, ka gə hara hangkal ka tsa, kamnyar tsa ku mpar labar tə mburu akwa ngkərari ni swaiswai.

¹⁶Akwa saka na ntangkəma tə I akwa mbul kəri ni, mda aɗi na dlar ra wala duku wa. Shanga ɗa hwi kazhar ra. Amma ka Hyel yafitə ɗa.

¹⁷Amma Mthlaku ku dlar ra, ka na ali duna, kamnyar kəi mzhi ngkər shanga labarərni aka durayeri damwa ka da nggata. Tsuwa tsa ku msərantə ra akwa mnya mta.

¹⁸Tsuwa Mthlaku ata sə mbuli ra akwa shanga ɗimikur, ka ɓəlatə ra, ka mwantə ra akwa kuthlikurərni na amtazi. Antə ka səli ndzi alari har ba saka madi. Amin.

¹⁹Ka gə thlawar ali Priska ka Akila, ka mjir kutakəyir Onesiforus.

²⁰Har ba kulini Erastus tsu ahar Korinthli, tsuwa I zhar Trofimus nggawa ahar Miletus.

²¹Ka gə ntsətədzi kara si akwabə vəya ahara. Kəga Yubulus, ka Pudens, ka Linus, ka Klaudiya shang akwa thlawar nga, tsuwa shanga mambila maɗaməma akwa thlawar nga.

²²Ka Mthlaku ndzi adzə giri, ka tsa hara ala giri ɓɗakkur.