Read bura-pabir Ibrani 6 Bible Online

Ibrani 6 - bura-pabir bible

Ibrani 6

¹Kamnyar ngəni tar ka mburu ləkəma, ka mburu təramta surthlipə tə mdə tsurata ala mburu kəgari ata kəra Kristi ni, ka mburu kəla. Mburu aɗiya jaktə baɗitə vəi səla thlipa ata kəra su apa tubi ka zhar kəthlərayeri na kula riɓa, ka hamta jiri aka Hyel,

²ka ata kəra baptizma, ka pungkər tsi aka mda, ka thlata akwa mtəmta, ka shariya na akəmazi ni wa.

³Ngəni an su tə kalkal ka mburu hara, ma Hyel ku hiri.

⁴Kamnyar aɗi ata hara ka mdə jaktə vu mji na ku shinadzə bwahili aka hamta jirər ɗa, ka da jaktə tubi wa, ma har da ku ɗar ndzi akwa parakəu, ka nggatə msərakur suayeri na amtazi, ka wutə bwar ɗa akwa Mambəl na Ɓɗakkarkara,

⁵ka ɗar msərakur ndərər Hyel, ka dunar kuthlikur ar zaman na akwa si ni.

⁶Amma wala apani da ku nggəlar hamta jirər ɗa! Antə ata ndzi mwavər ka mdə jaktə ngka ka jili mji apani ka da tubi ka damwa, kamnyar da akwa jaktə kukwamta Ɓzər Hyel, ka hara səli alari ata bəbal.

⁷Kamnyar həi na ku sa yimərhyel na ku pwa ata kərari, ka ptsantə sur fakəu aka mthlakər fakə ni, ana wutə barka akəla Hyel.

⁸Amma ma tsa ata ptsantə kusar ka mtəhəra, tsa ata ndzi kula ampani. Apani aɗi ata fəi wa mthlakər fakə ni ata shuwumta fakə ni, ka mbamta ni.

⁹Amma wala ma mburu akwa gari apani, yeru ku mbərsa abbər su ngəni aɗi ata tsəkwar giri wa, kamnyar yeru ka hamta jiri abbər ar giri su na ɓɗakɓɗaku an akwa sək giri, suayeri na abwar mbantədzi.

¹⁰Kamnyar Hyel aɗi kula jirkur wa. Antə tsa aɗi ata fwari ata kəra kəthlər tə giri hara wa, wala fwari hirkur tə giri hara alari atar dlar mjirni, apatə giri tsu akwa harari ni wa.

¹¹Yeru akwa bara abbər ka waskəi akwa nca giri ləkəma ka ncantə hirkur aka mji har kurər mpikari, kamnyar ka suayeri tə giri mwaɓta akwa ɗəffa giri ni sə nghyaɓəladzi.

¹²Giri aɗiya ndzi harwa wa, amma ka giri ndzi apa mji natə hamta jirər ɗa ka kanaɗikurər ɗa, ku sə dlu su tə Hyel hara ala ɗa alkawalari.

¹³Sakatə Hyel hara alkawalərni aka Ibrahim, təng tə tsa aɗi ka mdə na olta tsa tə tsa ata mzhi kahyel ka tsa wa, tsa kahyel akwa thləmari surni, abbər,

¹⁴“Jiri, I ata vədzə barka ala ga, ka giri yatədzi hang.”

¹⁵Antə apani Ibrahim ku nggita ka mbwi ɗəffari ka səkta, ka dlu su tə Hyel hara alari alkawalari ni.

¹⁶Mji ana kahyel ka su na olta da, tsuwa akwa shanga beɗiyir ɗa, tsuwa alkawal na ka kahyel andər tsikəra shanga beɗiyayeri.

¹⁷Tsu apani tsuwa sakatə Hyel akwa bara ncanta ata bəbal aka mjir sə fa kifər alkawal tə tsa hara ni abbər su tə tsa pəla ni ata hara jirjiri, tsa ncanta atar mbwi alkawal na ka kahyel.

¹⁸Apani Hyel ku hara alkawal japu ka kahyel. Suayeri ngəni suɗə ni aɗi ana palidzi wa, kamnyar amzhi hara ka Hyel thlandər wa. Antə mburu na ku hwi mwari adzə ni kamnyar bara ɗuwardzi ni ata mzhi wutə dunar mbərsa ka tsa, apatə mburu akwa vəkər ar wutə su na akəma mburu ni.

¹⁹Tsuwa su ngəni tə mburu akwa vəkər kari ni an akwa dunautə mburu akwa ndzi ka hamta jiri kula thlivər ni. Tsa an akwa pwar mburu har ka mburu ləkwa mbwar vəngkər səli na amtazi ni, har akwa kutari na abwahila lapəli ni.

²⁰Yesu ku kurtə ləkwa anda ata vəya mburu. Tsa ku ndzi Prist na Ola na ba saka madi, tsu akwa laku tə Melkizedek ndzi prist ni.