Read bura-pabir 1 Yahwana 1 Bible Online

1 Yahwana 1 - bura-pabir bible

1 Yahwana 1

¹Yeru akwa psəmnya ala giri ata kəra mdə natə təng akwa baɗitari tsa aɗi ni. Tsa an mdə natə yeru ku nggatə ni, ka wutə ni ka nca yeru, tə yeru ku wulɓəla ni ɓɗaku, ka tsəkwar ni ka tsiya yeru. Yeru akwa rəbuta ala giri ata kəra Ndər na ka Mpikə ni.

²Tsuwa mdə ku ncaɓəla ala mburu mpikə ni, antə yeru ku wutə ni. Ata kərari antə yeru akwa hara seɗa ni, ka psəmnya ala giri tsuwa ata kəra mpikə na akur wa na thlata adzə Tədda, tsuwa mdə ku ncaɓəla ni ala yeru.

³Su tə yeru wuta ka nggata, antə yeru akwa ngkər ala giri tsu ni, kamnyar ka mburu paktədzi akwa mwardzi ata kəma duku, tsuwa mwardzər yeru ni an ata kəma duku ka Tədda ka Ɓzərni Yesu Kristi.

⁴Yeru akwa rəbuta ala giri ngəni kamnyar ka kucalər yeru ndzi nghyinghyari.

⁵Ngəni an gari tə yeru ku nggata akəlari ni, abbər Hyel an parakəu, tsuwa kuthlu aɗi akwa tsa wala raka wa. Tsuwa an gari tə yeru akwa psəmnyari ala giri ni.

⁶Ma mburu pəla mburu akwa mwardzi ka tsa, amma mburu tsu akwa ndzi akwa kuthlu, to mburu akwa thlandər daci, antə mburu aɗi ka jirkur wa.

⁷Amma ma mburu akwa ndzi akwa parakəu, tsu apatə tsa akwa parakə ni, to ku ncanta abbər mburu akwa mwardzi kəga nvwa mburu. Antə mamshir Ɓzərni Yesu ata dingngga kəcimta mburu ta shanga biku.

⁸Ma mburu pəla abbər mburu aɗi ka biku wa, mburu akwa pwaktə kər mburu, antə mburu aɗi ka jirkur wa.

⁹Amma ma mburu pəlaɓəla bikər mburu aka Hyel, ai tsa mdə na ka jirkur, tə mburu ata mzhi mbərsa ka tsa abbər tsa ata tifəmta ala mburu bikər mburu, ka kəcimta mburu ta shanga ɗimikur tə mburu hara.

¹⁰Ma mburu pəla abbər mburu aɗi hara biku wa, mburu akwa namtə Hyel apa tsa mdər thlandər, tsuwa akwa ncanta abbər mburu aɗi kəsi ndərərni akwa ɗəffa mburu wa.