Read bura-pabir 1 Yahwana 5 Bible Online

1 Yahwana 5 - bura-pabir bible

1 Yahwana 5

¹Kəlara mdə na ku hamta jiri abbər Yesu an Kristi ni, mdari ɓzər Hyel. Tsuwa kəlara mdə na akwa hir Təddar ɓzər ni, tsa ata hir ɓzərni ni tsuwa.

²Atar ngəni antə mburu ata mzhi nggaɓəla abbər mburu hir maɗa' Hyel, watau ma mburu akwa hir Hyel ka ɓəla tsawayeri arni.

³Kamnyar ma mburu akwa bara ncanta abbər mburu hir Hyel jiri, to tar ma mburu ɓəla tsawayeri arni, tsuwa tsawayeri arni aɗi mwavər wa.

⁴Kamnyar kəlara ɓzər Hyel ata mzhi nggyari duniya. Tsuwa nggədza su na ana na mburu dunar nggyari duniya ni, hamta jirər mburu.

⁵Wan ata mzhi nggyari duniya nə ri? Ai tar mdə na ku hamta jiri abbər Yesu an Ɓzər Hyel.

⁶Ngəni an Yesu Kristi ni, tsa si akwa duniya ni atar yimi ka mamshi. Aɗi atar yimi daci wa, amma atar yimi japu ka mamshi.

⁷Kamnyar mburu ka suayeri makər na ku hamta seɗa abbər Yesu Ɓzər Hyel ni.

⁸Suayeri ngəni an Mambəl, ka yimər baptizma, ka Mamshi. Tsuwa suayeri ngəni makər ni akwa hamta seɗa jili duku.

⁹Təng tə mburu ana mbərsa ka seɗar mji, to, ai seɗar Hyel ku təramta ar mji ni ka duna. Kamnyar Hyel ku hara seɗa ata kəra Ɓzərni.

¹⁰Kamnyar shanga mji na ku hamta jiri aka Ɓzər Hyel ni ku sənda akwa ɗəffa ɗa abbər seɗa ngəni ni jiri. Amma shanga mji na aɗi hamta jiri aka ngəni wa ni, akwa namta apa Hyel akwa thlandər, təng tə da aɗi hamta jiri aka seɗa tə Hyel hara ata kəra Ɓzərni wa ni.

¹¹Tsuwa seɗa ni an seɗa na akwa pəla abbər Hyel ku hamta ala mburu mpikə na har ba saka madi, tsuwa mpikə ni an akwa Ɓzərni ni.

¹²Kəlara mdə na ka Ɓzər ni, tsa ka mpika. Amma kəlara mdə na aɗi ka Ɓzər Hyel nə wa, tsa aɗi ka mpikə nə wa.

¹³I rəbutə suayeri ngəni ala giri, giri na ku hamta jiri akwa thləma Ɓzər Hyel ni, kamnyar ka giri sənda abbər giri ka mpikə na akur wa.

¹⁴Tsuwa mburu ka hamta jiri na nghyinghyari abbər tsa ana psi thləm ala mburu akwa kəlara sakatə mburu ku kiɗə su na ku kəskərari.

¹⁵Tsuwa təng tə mburu ku sənda abbər kəlara su tə mburu kiɗa akəlari, tsa ana psi thləmari ala mburu, to mburu ku sənda abbər mburu ata wutə su tə mburu kiɗa akəlari ni.

¹⁶Ma ga ku wutə Krishan nvwa nga akwa hara biku na aɗi ata mwantə ni akwa mtə wa, ka gə hara alari adduwa. Kamnyar atar adduwar ngə ni Hyel ata na mpika aka mdər biku ni. Amma biku aɗi na ata mwantə mda akwa mta, apani I aɗi akwa pəla ka gə hara adduwa kamnyar jili biku ndagə wa.

¹⁷Shanga hara su na ɗimi an biku, amma bikayeri laga aɗi na aɗi ana mwantə mda akwa mtə wa.

¹⁸Mburu ku sənda abbər shanga mji na ku ndzi maɗa' Hyel, aɗi ana ləkəma akwa hara biku wa, kamnyar Ɓzər Hyel ana ɓəlatə ɗa, antə Shatan amzhi tsəkwar ɗa wa.

¹⁹Mburu ku sənda abbər mburu maɗa' Hyel wala tə shanga duniya ni akwa tsiya Shatan.

²⁰Tsuwa mburu ku sənda abbər Ɓzər Hyel ku si ka na ala mburu nggaɓəlar su, kamnyar ka mburu səndə Hyel na jirari ni. Tsuwa mburu akwa tsa, tsa na Hyel na ka jirkur ni, atar Ɓzərni Yesu Kristi. Ngəni an Hyel na jirari ni, ka mpikə na akur wa ni tsuwa.

²¹Maɗa'na na raka raka, ka giri ɓəlatə kəra giri ta nu haptayeri.