Read bura-pabir 2 Yahwana 1 Bible Online

2 Yahwana 1 - bura-pabir bible

2 Yahwana 1

¹I na mdə ola akwa ikələziya an akwa rəbuta ala gə marmbwa, ka aka maɗa' nga, natə I hir ka jirkur ni. Tsuwa aɗi I shira an hir giri nə wa, amma shanga mji na ku səndə jirkur ni.

²Yeru hir giri ni kamnyar jirkur na akwa ɗəffa mburu ni, tsuwa tsa ata ndzi akwa ɗəffa mburu ba saka madi.

³I akwa kiɗa abbər ka Hyel na Tədda ka Yesu Kristi na Ɓzər Tədda ni, hara ala mburu ɓɗakkur, ka tsa kətadzə mburu, ka na ala mburu msərakur, mburu na ku səndə jirkur, akwa hir nvwa mburu ni.

⁴I ku hara kucali hang ka duna sakatə I wuta abbər bwadukwa maɗa' nga akwa nu jirkur, kalkal apatə Tədda ku tsawa ala mburu ni.

⁵Antə kulini I akwa kiɗə ngə marmbwa, abbər ka mburu hir nvwa mburu. Tsuwa ngəni aɗi tsawu laga bilən tə I akwa rəbuta ala gə nə wa, amma tsu natə mburu kəgari akwa baɗitari ni.

⁶Hirkur ngəni akwa pəla, ka mburu hara su tə Hyel tsawa ala mburu abbər ka mburu hara. Tsuwa tsa ku tsawa ala mburu abbər ka mburu hir nvwa mburu, tsu apatə giri ku nggata akwa baɗitari ni.

⁷Kamnyar kulini mjir pwaktə mda ku hara hang akwa duniya ni, mji na aɗi kələngkər abbər Yesu Kristi ku si akwa duniya ka kumər dza apa na ar mdə wa ni. Jili mji ngəni an akwa pwaktə mji ni, tsuwa da an dawar Kristi ni.

⁸Ka giri hara hangkal, ta shanga su tə giri[1] ghər akwa barari ni asə ndzi gapani. Amma ka giri vədzə hangkala giri kamnyar ka giri sə dlu watsəɓər giri cipcippu.

⁹Kəlara mdə na ku pəramta kazhar surthlipər Kristi ni, to tsa aɗi ka Hyel wa. Amma mdə na ku ndzi tsu ata kəra surthlipərni ni, tsa ka Tədda japu ka Ɓzər ni.

¹⁰Kəlara mdə na ku si adzə giri ka surthlipə damwa zum ta ngəni ni, giri aɗiya dlu ni wa, wala thlawa ma giri aɗiya thlawar ni wa.

¹¹Kamnyar kəlara mdə na ku thlawar ni, tsa akwa paktə kər ka tsa ata kəra hararni na ɗimi ni.

¹²Wala tə I ka su hang tə I akwa bara rəbuta ala giri ni, I aɗi akwa bara kəi rəbutə rəbuta ala giri wa. I akwa bara si adzə giri, ka mburu gari nca ka nca, kamnyar ka kucalər mburu kuri nghyaɓəladzi.

¹³Maɗa' ngkwarma' nga na carcarari ata thlawar nga.