Read bura-pabir Aka Yahwana 15 Bible Online

Aka Yahwana 15 - bura-pabir bible

Aka Yahwana 15

¹Antə I wutə sur ndatə laga ola amtazi. I wutə mjirthlentərhyel laga murfa, ka bwaniyayeri murfa, natə da an tsikərari. Kamnyar ata da antə Hyel ata tsikəra pumta ɗəffə bwarbwarkurərni.

²Antə I wutə su laga na apa mandar gəlas gwargwarari ka u'u. Tsuwa I ku wutə mji na ku səma atar mula aka mwaɓi ni, ka dludzərni, ka lambar thləmari ni, athləthlata adzə mandar gəlas, ka guləmayeri tə Hyel hamta ala ɗa.

³Da akwa hara har Musa na mafar Hyel, ka ha ar Ɓzər Gam ni, akwa pəla, “Kəthlərayeri ar nga an ol'ola ka surndata, Mthlaku Hyel na ka Duna ta Shang! Lakwayeri ar nga an kalkal ka jirkur, gə na kuthlir shanga mji!

⁴Wan athlivər ngə wa ri, Mthlaku? Wan amzhi nar səli ala gə wa ri? Kamnyar gə shinga an ɓɗakkarkara. Shanga mji ata sə vəngkər səli ala ga, kamnyar ga ku ncaɓəla aka shanga mji shariyar nga na ka jirkur ni.”

⁵Aghəla ngəni antə I wutə Tentər Seɗa kəlarkəlarari amtazi.

⁶Antə mjirthlentərhyel murfa na ka bwaniyayeri murfə ni, səɓəla akwa mbwar vəngkər səli ni. Da hartə dza ɗa ka zhaɓər lilin na kəcəkəcari cau, ka mbwi kərathla ɗa ka sur mbwadzi ar dinar.

⁷Antə pal akwa nca mwaɓiyayeri na nfwar ni, hamta aka mjirthlentərhyel na murfə ni tasayeri na ol'ola ar dinar, nghyinghyari ka ɗəffə bwarbwarkur ar Hyel na ka mpika ba saka madi.

⁸Antə mbwar vəngkər səli ni ku nghyi ka ɗer na akwa səɓəla akwa səliyir Hyel ka kuthlikurərni. Antə mda aɗi wala duku na mzhi ləkwa mbwar vəngkər səli nə wa, tar sakatə bwaniyayeri ngəni murfə tə mjirthlentərhyel na murfə səntə ni kura.