Read bura-pabir Aka Yahwana 8 Bible Online

Aka Yahwana 8 - bura-pabir bible

Aka Yahwana 8

¹Sakatə Ɓzər Gam ni ku kəlar sur dləɓtər kuthlikur na murfəkur ni, antə vəi na amtazi ku ndzi səri mnyar retar awur.

²Antə I wutə mjirthlentərhyel laga murfa athləthlata akəma Hyel, antə mdə ku na ala ɗa təmbəlayeri murfa.

³Antə mdərthlentərhyel damwa na ka tasar dinar ar mba tulari, si ka thləthlata akəma bagaɗi ni. Antə mdə na alari tulari hang kamnyar ka tsa paktə ka adduwayeri ar shanga mjir Hyel, ka tsa hamta ata kəra bagaɗi dinar na akəma dəkəl kuthlikur ni.

⁴Antə ɗerər tulari ni ka adduwayeri ar mjir Hyel ni, thlata akwa vəi tə mdərthlentərhyel akwa hamtari ni, ka ləmta akəma Hyel.

⁵Antə mdərthlentərhyel ni kətə tasar mba tulari ni, ka nghyantə ka u'u na ata bagaɗi ni, ka psəghəi akwa duniya. Antə hyel ku dlər ka tsa su ka duna, tə wurkayeri ku mbəlantə vəi, antə duniya ku kənggərantədzi.

⁶Antə mjirthlentərhyel na murfə na ka təmbəlayeri murfə ni ku ɗəmhədzi kamnyar mburari.

⁷Antə mdərthlentərhyel na ntangkəma ku mbur təmbələrni, antə handzəkəla ka u'u gwargwarari ka mamshi ku pughəidzi akwa duniya. Antə u'u ni ku mbamta bwa pal akwa makər ar duniya, ka mbamta bwa pal akwa makər ar nfwayeri, ka mbamta shanga kusarayeri na miraku.

⁸Antə mdərthlentərhyel na suɗkur ni ku mbur təmbələrni, antə I wutə su laga apa gar na ola na akwa mba ka u'u, tə mdə ndzəhəuwa ni akwa manda.

⁹Antə bwa pal akwa makər ar manda ni shin ka mamshi, antə bwa pal akwa makər ar suayeri na ka mpika akwa manda ni kurəmtadzi, antə bwa pal akwa makər ar sharayeri jaɓumtadzi.

¹⁰Antə mdərthlentərhyel na makərkur ku mbur təmbələrni. Antə sasəlka laga ola na akwa hamta parakəu apa zafu, ku təri ata kəra bwa pal akwa makər ar thlyaghayeri, ka akwa vəyayeri na ka kucirkila.

¹¹Thləma sasəlka ni an “Ɗəɗahu.” Antə bwa pal akwa makər ar yimi ni ku ndzi ɗəɗahu. Antə mji hang na sa yimi ku mtəgəmtadzi, kamnyar ɗəɗahkurərni.

¹²Antə mdərthlentərhyel na nfwarkur ni ku mbur təmbələrni. Antə mdə ku tsa bwa pal akwa makər ar pci, ka bwa pal akwa makər ar thliya, ka bwa pal akwa makər ar sasəlkayeri, har tə bwa pal akwa makər parakər ɗa ku ndzi kuthlu. Antə apani bwa pal akwa makər ar pci, ka bwa pal akwa makər ar viri, ku ndzi kula parakəu.

¹³Antə I jaktə wula, təng I nggatə duku akwa fəla amta akwa ɗəffa vəi na amtazi, akwa tuwa ka kuraku abbər, “Sha ku wutə giri! Sha ku wutə giri! Sha ku wutə giri, giri na akwa duniya, akwa sakatə mdə ku mbur mambila təmbəlayeri, natə mjirthlentərhyel makər abaka mburari ni!”