Read bura-pabir 1 Samiwal 29 Bible Online

1 Samiwal 29 - bura-pabir bible

1 Samiwal 29

¹Mjir Filistiya ku tsaptə shanga sojayeri arɗa ahar Afek, antə sojayeri ar Israila ku fəli akwa vəi kucirkila na akwa Yezireyel.

²Sakatə kuthlyayeri na ntəfu akwa tsəɗi Filistiya ni akwa səɓəla kəga mjir ɗa aru aru ka dəpu dəpu, Dauda kəga mjirni akwa mwa aghəla ɗa ka Kuthli Akish.

³Antə mji na ol'olər sojayeri ar Filistiya ni wutə ɗa, antə da yu Akish abbər, “Man su tə mjir Ibrani nayeri ni akwa harari azi ri?” Antə Akish shinau ala ɗa abbər, “Ngəni an Dauda, pal akwa nca buɗayeri ar Shawulu na kuthlir Israila. Tsa ku ɗar pi azi apa məva pal ka su. Tsuwa təng tə tsa zhar Shawulu ka si azi ba ashina I aɗi ɗar wutə ni hara su na ɗimi wala raka wa.”

⁴Amma ɗəffa mji na ol'olər sojayeri ar Filistiya ni ku ɓzi adzə Akish, antə da pəla alari, “Thlentə mdə ngəni ka tsa ngka akwa vəi tə gə carɓəla alari ka tsa ndzəndzi ata. Tsa aɗi ata nu mburu akwa mpa ni wa, ta ma sakatə mdə ku baɗitə mpa ni tsa asə shinardzi ka ndzi dawar mburu. Mdə ngəni ata mzhi nthləgəi kəra mjir mburu kamnyar ka tsa namtə ɗəffa mdərkəyirni.

⁵Ka gə ɗangta abbər ngəni an Dauda tə mwanki haptə səliyirni atar ɓathla, ka thla alari ha abbər, “Shawulu ku tsi mji dəpu, ar Dauda dəpu ata kəra dəpu.”

⁶Antə Akish ku kəga Dauda ka pəla alari, “I ku kahyel akwa thləma MTHLAKU na ka mpika abbər ga ku ndzi ka jirkur ali. Tsuwa I hir abbər ka gə nu yeru kəga sojayeri arna akwa mpa ni. Kamnyar təng tə gə si adzə ra I aɗi ɗar wutə nga hara su na ɗimi wa. Amma bwadukwa kuthlyayeri ni aɗi mbərsa ka gə wa.

⁷Antə kulini ngka avəi, tsuwa ka Hyel mwantə nga lapiya. Ga aɗiya hara su na ata ɓzamtə ɗəffa kuthlyayeri ni wa.”

⁸Amma Dauda pəla aka Akish, “Man su tə I ɓzamtə ri? Man ɗimikur tə gə wutə I hara təng sakatə I si adzə nga, har tə suari ata ngkatə ra nu nga akwa mpa ka dawayeri ar ngə ri mdərkəi, gə na kuthli?”

⁹Antə Akish pəla, “Ma ali, gə ɓɗaku laga apa mdərthlentərhyel kula sur nggəla adzə nga. Amma wala apani mji na ol'olər mpar mjir Filistiya ni pəla abbər ga aɗiya ata nu yeru akwa mpa ni wa.

¹⁰Antə ɗəp ɗəɗəpə mbing, ka shanga giri na ana kəthlər aka mdərkəyir giri Shawulu, natə giri an paktə si ata kəma duku ni, thlatə ɗəm sakatə viri ata kura ka giri psi laku.”

¹¹Antə Dauda kəga mjirni ku thlatə ɗəɗəpə mbing kamnyar ngka akwa tsəɗi Filistiya, antə mjir Filistiya tsuwa ku təra ləhar Yezireyel.