Read chopi Genesisi 2 Bible Online

Genesisi 2 - chopi bible

Genesisi 2

¹Wu gwitisile tiya mthumo wa kuvangwa ka nzuma ni mafu, ni sotshe si si nga tumbulukiswa.

² Se Txizimu txi di gwitile ngu ditshiku da wutxhanu ni mambidi kumaha wotshe mthumo wu txi nga wu maha, txi to humula, ka ditshiku dile da wutxhanu ni mambidi, ka yotshe mithumo yi txi nga yi maha.

³Se Txizimu txi katekisile ditshiku da wutxhanu ni mambidi, txi txi di sawulekisa, nguko ka dona, Txizimu txi humute ka yotshe mithumo yi txi nga yi vanga, ni ku yi maha.

⁴Aawa ngu ona[6] makhato a nzuma ni mafu, mbimo yi Txizimu, txi nga si vanga; ka ditshiku dile Mkoma Txizimu a nga vanga nzuma ni mafu,

⁵kukhukhela ku ti si nga ho mndonga ni wawumwewo ha mafuni, hambi ni mwasi wu ti sanzi kumila, nguko MKOMA Txizimu, a ti sanzi kunisa mati ha mafuni, ni kambe ku ti si nga ho m'thu wo dima mafu.

⁶Aniko, ha mafuni ku ti ti huma hunguva yi yi nga ti nakanisa otshe mafu.

⁷ Se MKOMA Txizimu, a to wumba m'thu ngu lithulu la dibumba, e futeta mu tithonvuni, moya wa wutomi, se m'thu a to va txiwumbiwa txo hanya.

⁸Se ngu msana, MKOMA Txizimu a to phaya thembwe ani wutxani ka Edheni, se e veka kona m'thu wu a nga muwumba.

⁹ Se MKOMA Txizimu, a to maha ti to ku txi mila totshe tixaka ta mindonga ha mafuni, ayi yi tsakisako ni ku yi wona, ni yi yi ku ni mihando yo tshamba yo dyiwa, ni mndonga wa wutomi hagari ka thembwe, ni mndonga wa[7] ta tinene ni to biha.

¹⁰Se ku ti ti huma mnambo ngu Edheni, awule wu nga ti nakanisa thembwe, konemo wu to ti abanisa, wu txi veka mune wa milonga.

¹¹Mnambo wo khata ditina da wona i Pizoni, awu wu ranganyetako ditiko da Havhila, amu ku manekako nzalama.

¹²Nzalama ya ditiko donedo yi tshurile; koneyo ku manekako bhidheli, ni[8] dirigwi da lisima.

¹³Se ditina da mnambo wa wumbidi i Giyoni; awu wu ranganyetako dotshe ditiko da[9] Kuxe.

¹⁴Se ditina da mnambo wa wuraru i Tigre, kambe wu khulungela wutxani ka Asiriya. Wa wumune i Ewufrate.

¹⁵Se MKOMA Txizimu a to teka m'thu eya m'veka thembweni ka Edheni kasi ku e yi dima ni ku yi xayisa.

¹⁶Se MKOMA Txizimu a to vekela m'thu awuwa mthetho: “U nga sikota kudya mihando ya yotshe mindonga ya thembweni u di txhatxhekile,

¹⁷aniko u nga dye mndonga wa kuziva ta tinene ni ta kubiha, nguko, ka ditshiku dile u no dya, kufa u na fa.”

¹⁸Se MKOMA Txizimu, a wombile, a txi khene: “Hi nga tinene ti to m'thu e zumba ekha; ni na mmahela m'vhuni wo fana ni nene.”

¹⁹Ngako MKOMA Txizimu a di wumbile ngu mafu sotshe sihari sa txitinga, ni sotshe sinyana sa nzuma, a to si yisa hafuhi ka m'thu, kasi ku e si raya matina, sotshe sivangwa so hanya, si txi ziwa ngu matina awa m'thu a no si ninga.

²⁰M'thu a to raya sotshe sifuyo, sotshe sinyana sa nzuma, ni sotshe sihari sa txitinga; ti di ngeto, ka m'thu kha ka maneka m'vhuneteli wo fana nayo.

²¹Sekoko, MKOMA Txizimu a to otelisa wamwamna wukohe wo tshima; se mbimo yi a nga ti otete, a to thavisa kwakwe limbavhu limwelo, ahawa ha wukhaloni ka kona a nga vhaleta ngu nyama.

²²Se ngu limbavhu lile MKOMA Txizimu a nga thavisa ka wamwamna[10] a to maha wamsikati; se e m'yisa ka wamwamna.

²³Se wamwamna a ti khene: “Ngu ditshuri awuwa: Dirambu da marambu angu, ni nyama ya nyama yangu. A na dhanwa ku mbwa msikati; nguko a thavisilwe ka wamwamna.”

²⁴ Ngu mhaka yeto, wamwamna a na leka tate wakwe ni mame wakwe, eya ti patanisa ka msikati wakwe; vona va na va i di nyama yimmweyo.

²⁵Ngu wumbidi wawe, va ti sa ambala txilo, wamwamna ni wamsikati, aniko va si nga ni tingana.