Read chopi 1 Makronika 2 Bible Online

1 Makronika 2 - chopi bible

1 Makronika 2

¹Vanana va ka Israyeli ngu vava: Rubheni, Simiyoni, Levhi, Judha, Isakari, Zebhuloni,

²Dhani, Josefa, Bhenjamini, Naftali, Gadhi, ni Aseri.

³Vanana va Judha ngu vava: Eri, ni Onani, ni Sela; ava va vararu va velekilwe ngu mwanana wa dihorana da Suwa, da mkanana; se Eri matiwula a Judha, a ti bihile masoni ka MKOMA; ngu kumaha keto, MKOMA a to m'daya.

⁴Aniko Tamara mamanyani wakwe, a to m'velekela Perezi ni Zera; votshe vanana va Judha, mtxhanu wa vona.

⁵Vanana va Perezi ngu vava: Hezironi ni Hamuli.

⁶Se vanana va Zera ngu vava: Ziniri, ni Etani, ni Hemani, ni Kalikoli, ni Dhara; votshe mtxhanu.

⁷ Se vanana va Karimi ngu vava: Akari, m'vhinganyiseli wa Israyeli, a nga onha ngu kuruketela.

⁸Se mwanana wa Etani i Azariya.

⁹Se vanana va va nga velekwa ngu Hezironi i Jerameyeli, ni Ramu, ni Kelubhayi.

¹⁰Se Ramu a to veleka Aminadhabhe, Aminadhabhe a to veleka Nahasoni, mthangeli wa vanana va ka Judha.

¹¹Se Nahasoni a to veleka Salima, Salima a to veleka Bhowazi;

¹²se Bhowazi a to veleka Obhedhi, se Obhedhi a to veleka Jese;

¹³se Jese a to veleka Eliyabhe, matiwula akwe, ni Abhinadhabhi wa wumbidi, ni Simeya wa wuraru,

¹⁴ni Nathaniyele wa wumune, ni Radhayi wa wutxhanu,

¹⁵wa wutxhanu ni mmweyo i Ozemi, se ni Dhavhidha wa wutxhanu ni vambidi.

¹⁶Se tindiya tawe i Zeruiya, ni Abhigayeli; se vanana va Zeruiya ngu vava: Abhixayi, ni Jowabhi, ni Asayeli; votshe mbararu.

¹⁷Se Abhigayeli a to veleka Amasa; kambe tate wa Amasa i Jeteri, Muismayeli.

¹⁸Se Kalebhi, mwana Hezironi, ni Azubha, msikati wakwe, va to veleka Jeriyoti; se vanana Jeriyoti ngu vava: Jeseri, ni Sobhabhi, ni Ardhoni.

¹⁹Se Azubha a to fa, Kalebhi e ti tekela muefrata, awule a nga veleka Huri.

²⁰Se Huri a to veleka Uri, se Uri a to veleka Bhezaleli.

²¹Sekoko Hezironi a to wulela ka mwana Makiri, tate wa Gileyadhi; kambe a to mteka i di wa tanga ya mtxhanu wa magumi ni digumi dimwedo a malembe; aniko ene a to veleka Segubhi.

²²Se Segubhi a to veleka Jayiri; awuwa a ti ni magumi mambidi a madhoropa ni mararu, ditikoni ka Gileyadhi.

²³Se Gesuri ni Arame va to va honyola mikhokhola ya Jayiri ni Kenati, ni makhalo a kona, i ku awa: Mtxhanu wa magumi ni digumi dimwedo a madhoropa, votshe vava mbanana va Makiri, tate wa Gileyadhi.

²⁴Se msana ka kufa ka Hezironi, kona Kalebhi wa Efrata, Abhiya, msikati wa Hezironi, a to m'velekela Azuri, tate wa Tekowa.

²⁵Se vanana va Jerameyeli, matiwula a Hezironi, ngu vava: Ramu matiwula, ni Bhuna, ni Oreni, ni Ozemi, ni Ayiya.

²⁶Se Jerameyeli a to teka mmwani msikati, wule ditina dakwe i nga ti Atara; awuwa i mame wa Onani.

²⁷Se vanana va Ramu, matiwula a Jerameyeli, ngu vava: Mahazi, ni Jamini, ni Ekeri.

²⁸Se vanana va Onani ngu vava: Samayi, ni Jadha; vanana va Samayi ngu vava: Nadhabhi ni Abhisuri.

²⁹Se ditina da msikati wa Abhisuri i ti ti Abhiyayeli, a nga m'velekela Abhani, ni Molidhi.

³⁰Se vanana va Nadhabhi i Seledhi, ni Apayimi; kambe Seledhi a fite asi ngani vanana.

³¹Se mwanana wa Apayimi i Ixi, mwanana wa Ixi i Sesani. Se mwanana wa Sesani, i Alayi.

³²Se vanana va Jadha mwanawe wa Samayi, ngu vava: Jeteri, ni Jonatani; kambe Jeteri a to fa asi ngani vanana.

³³Se vanana va Jonatani, i Peleti, ni Zaza; avava mbanana va Jerameyeli.

³⁴Se Sesani asi nga ni vanana va majaha, aniko a ti ni vanana vamahorana; se Sesani a ti ni txithumi txa Muegipta, txile ditina da txona i nga ti Jara.

³⁵Sesani koko a to ningela mwanana wakwe wa dihorana ka txithumi txakwe Jara, kuva msikati wakwe, se a to m'velekela Atayi.

³⁶Se Atayi a to veleka Nathani, se Nathani a to veleka Zabhadhi.

³⁷Zabhadhi a to veleka Efilali, se Efilali a to veleka Obhedhi.

³⁸Se Obhedhi a to veleka Jewu, se Jewu a to veleka Azariya.

³⁹Se Azariya a to veleka Helesi, se Helesi a to veleka Eleyasa.

⁴⁰Se Eleyasa a to veleka Sisimayi, Sisimayi a to veleka Salumi.

⁴¹Salumi a to veleka Jekamiya, se Jekamiya a to veleka Elisama.

⁴²Se mwanana wa Kalebhi, mwanawe wa Jerameyeli i Mesa, matiwula akwe, (awu i ku tate wa Zifi), se Maresa i tate wa Hebroni.

⁴³Se vanana va Hebroni ngu vava: Kore, ni Tapuwa, ni Rekemi ni Sema.

⁴⁴Se Sema a to veleka Rahamu, tate wa Jorkeyamu; se Rekemi a to veleka Samayi.

⁴⁵Se mwanana wa Samayi i Mawoni; Mawoni i tate wa Bheti-Zuri.

⁴⁶Se Efa, msikati wam'dotho wa Kalebhi, a to veleka Harani, ni Mosa, ni Gazezi; se Harani a to veleka Gazezi.

⁴⁷Se vanana va Jodhayi ngu vava: Regemi, ni Jothamu, ni Gesani, ni Peleti, ni Efa, ni Sahafi.

⁴⁸Ka Mahaka, msikati wakwe wam'dotho, Kalebhi a to veleka Sebheri ni Tirana.

⁴⁹Se msikati wa Sahafi, tate wa Madhimana, a to veleka Sevha, tate wa Makibhena, tate wa Gibheya; mwanana wa dihorana wa Kalebhi, i Akisa.

⁵⁰Vanana va Kalebhi, mwana Huri, matiwula a Efrata ngu vava: Sobhali, tate wa Kiriyate-Jeyarimi,

⁵¹ni Salima tate wa Vabhetlehema, ni Harefi, tate wa Bheti-Gadheri.

⁵²Se vanana va Sobhali, tate wa Kiriyate-Jeyarimi, ngu vava: Harowe, ni hafu ya va ka Menoni.

⁵³Se mimwaya ya Kiriyate-Jeyarimi, mba ka Itrita, ni va ka Pute, ni va ka Sumati, ni va ka Misirayi; ngu ka vava ku to huma Vazorati, ni va ka Estawoli.

⁵⁴Vanana va Salima ngu vava: Bhetlehema, ni va ka Netofati, ni Atrothi-Bheti-Jowabhi, ni hafu ya Vamanati, ni Vazori.

⁵⁵Se mimwaya ya vabhali vale va nga ti akile Jabhesi, i ti Vatirati, ni Vasimeyati, ni Vasukati; avava mbakeni vale va nga velekwa ngu Hamati, tate wa nyumba ya Rekabhi.