Read chopi 1 Makronika 24 Bible Online

1 Makronika 24 - chopi bible

1 Makronika 24

¹Se mitxawa ya vanana va ka Aroni ngu yiya: vanana va Aroni i ti Nadhabhi, ni Abhiyu, ni Eleyazari, ni Itamari.

² Se Nadhabhi ni Abhiyu va fite na tate wawe a sanzi kufa, kambe va si nga ni vanana; se Eleyazari ni Itamari, va ti maha mthumo wa wuphaxeli.

³Dhavhidha kumweko ni Zadhoki, wa vanana va Eleyazari, ni Ayimeleki wa vanana va Itamari, va to abanisela mithumo ka vaphaxeli madingano ni wuthangeli wawe.

⁴Se va to mana taku vanana va Eleyazari mbavangi ngutu hagari ka vathangeli va mimwaya, kupinda vanana va Itamari, mbimo yile va nga abaniselwa; ka vanana va Eleyazari, va mani digumi da vathangeli ni mtxhanu ni vararu va tinyumba ta vatate, kambe ka vanana va Itamari, madingano ni tinyumba ta vatate vawe, mtxhanu ni vararu.

⁵Se va to abaniselwa ngu kuxaxuva tixolo, mmweyo ka vamwani; nguko ku ti ni vathangeli va wukhalo vo sawuleka, ni vathangeli va Nyumbani ka Txizimu, hagari ka vanana va Eleyazari ni hagari ka vanana va Itamari.

⁶Se Semaya, mwana Nathaniyele, mabhalani, hagari ka va ka Levhi a to va bhala masoni ka mfumeli, ni ka vathangeli, ni Zodhoki, mphaxeli, ni Ayimeleki, mwana Abhiyatari, ni vathangeli va vatate, hagari ka va vaphaxeli ni hagari ka va ka Levhi; se Eleyazari a to teka mmweyo hagari ka tinyumba ta vatate, se Itamari nene e teka mmwani.

⁷Se xolo yo khata yi to sawula Jeyoyaribhi, se ya wumbidi Jedhaya;

⁸ya wuraru yi to sawula Harimi; ya wumune, Seyorimi;

⁹ya wutxhanu Malikiya, ya wutxhanu ni yimweyo, Miyamini;

¹⁰ya wutxhanu ni timbidi Hakozi, ya wutxhanu ni tiraru, Abhiya;

¹¹ya wutxhanu ni mune, Jesuwa; ya wugumi, Sekaniya;

¹²ya wugumi ni yimweyo, Eliyasibhe, ya wugumi ni timbidi Jakimi;

¹³ya wugumi ni tiraru, Hupa, ya wugumi ni mune, Jesebheyabhi;

¹⁴ya wugumi ni mtxhanu, Bhiliga; ya wugumi ni mtxhanu ni yimweyo, Imeri;

¹⁵ya wugumi ni mtxhanu ni timbidi, Heziri, ya wugumi ni mtxhanu ni tiraru, Hapisi,

¹⁶ya wugumi ni mtxhanu ni mune, Petaya; ya wu magumi mambidi, Jehezikhiyeli;

¹⁷ya magumi mambidi ni yimweyo, Jakimi, ya wu magumi mambidi ni timbidi, Gamuli;

¹⁸ya wu magumi mambidi ni tiraru, Dhelaya; ya wu magumi mambidi ni mune, Mahaziya.

¹⁹Mthumo wa vava ka wuthangeli wawe, i ti ti wa kuwulela Nyumbani ka MKOMA, madingano ni ti va nga leletiswa tona ngu Aroni, tate wawe, nga ti MKOMA, Txizimu txa Israyeli, a nga ti va leletisile tona.

²⁰Se vale va nga sala ka vanana va ka Levhi ngu vava: Ka vanana va Aniramu, i Subhayeli; ka vanana va Subhayeli, i Jedhiya;

²¹ka vanana va Reyabhiya: i Isiya, i nga ti mthangeli;

²²ka va ka Isari, i Selomite; ka vanana va Selomite i Jahati;

²³ka vanana va Hebroni, wo khata i Jeriya, wa wumbidi i Amariya, se wa wuraru i Jahaziyeli, wa wumune i Jakameyamu;

²⁴ka vanana va Uziyeli i Mika; ka vanana va Mika i Samiri;

²⁵mwanawe wa Mika i Isiya, ka vanana va Isiya i Zakariya;

²⁶ka vanana va Merari i Mali ni Musi; ka vanana va Jahaziya i Bheno;

²⁷ka vanana va Merari ngu ka didhawa da Jahaziya i Bheno, ni Sowamu, ni Zakuri, ni Ibhiri;

²⁸ka Mali, i Eleyazari; awuwa kha veleka vanana;

²⁹ka vanana va Kisi i Jerameyeli;

³⁰ka vanana va Musi i Mali, ni Edheri, ni Jerimoti; avava mbanana va ka Levhi madingano ni ni tinyumba ta vatate vawe.

³¹Se mthangeli wa nyumba ya vatate vawe kumeko ni mnanda wakwe, va to xaxuva tixolo kufana ni vanawe, vanana va Aroni, masoni ka Dhavhidha, ni Zadhoki, ni Ayimeleki, ni vathangeli va vatate, hagari ka vaphaxeli ni hagari ka Valevhi.