Read chopi 1 Makronika 7 Bible Online

1 Makronika 7 - chopi bible

1 Makronika 7

¹Se vanana va ka Isakari, ngu vava: Tola, ni Puwa, ni Jasubhe, ni Sineroni, i mune.

²Se vanana va Tola ngu vava: Uzi, ni Refaya, ni Jeriyeli, ni Jamayi, ni Ibhisani, ni Samuwele, i ku vathangeli va tinyumba ta vatate vawe, liveleko la Tola, mbavamna va mtamo ka tiveleko tawe; ka masiku a Dhavhidha, mtengo wawe i ti ti 22.600.

³Se ka vanana va Uzi, kuve ni Iziraya, se vanana va Iziraya ngu vava: Mikayeli, ni Obhadhiya, ni Joweli, ni Isiya; votshe vava mtxhanu wa vathangeli.

⁴Se ku to maneka kumweko navo, amu ka tiveleko tawe, madingano ni tiyumba ta vatate vawe, ka mabutho a vathu va yimbi, 36.000; nguko va ti ni vasikati vavangi ni vanana.

⁵Se vanawe, ka yotshe mimwaya ya Isakari, vavamna va lisima, i ti 87.000, votshe va nga balwa ngu tiveleko tawe.

⁶Vanana va Bhenjamini ngu vava: Bhela, ni Bhekeri, ni Jedhiyayeli, mbararu.

⁷Se vanana va Bhela i Esibhoni, ni Uzi, ni Uziyeli, ni Jerimoti, ni Iri, mtxhanu wa vathangeli va tinyumba ta vatate vawe, vavamna va mtamo, vale va nga balwa ngu tiveleko tawe, i ti 22.034.

⁸Se vanana va Bhekeri ngu vava: Zemira, ni Jowasi, ni Eliyezeri, ni Eliyoyenayi, ni Oniri, ni Jerimoti, ni Abhiya, ni Anatote, ni Alemeti; votshe vava i ti vanana va Bhekeri.

⁹Se va to balwa ngu tiveleko tawe, madingano ni tiveleko tawe, vathangeli va tinyumba ta vatate vawe, vavamna va mtamo i ti 20.200.

¹⁰Se vanana va Jedhiyeli i Bhilani; vanana va va Bhilani i Jewusi, ni Bhenjamini, ni Ewudhi, ni Kenahana, ni Zetami, ni Tarxixi, ni Ayisahari.

¹¹Votshe vava mbanana va Jedhiyayeli, va nga va vathangeli va tinyumba ta vatate, vavamna va mtamo i ti 17.200, va nga ti huma ni dibutho da yimbi va txiya kulwani.

¹²Se Supimi, ni Hupimi, mbanana va Iri; se Husimi, mbwa vanana va Ayeri.

¹³Vanana va Naftali ngu vava: Jaziyeli, ni Guni, ni Jezeri, ni Sulimi, vanana va Bhila.

¹⁴Vanana va Manasi ngu vava: Asiriyeli, awule a nga velekwa ngu msikati wa Gileyadhi (kambe msikati wakwe wam'dotho, wa Msiriya, a to veleka Makiri, tate wa Gileyadhi;

¹⁵se Makiri a to teka ndiya Hupimi ni Supimi a txi maha msikati wakwe; se ditina dakwe i ti Mahaka), ditina da wa wumbidi i ti Zelofeyadhi; se Zelofeyadhi a to veleka vanana vamahorana dwe.

¹⁶Se Mahaka msikati wa Makiri, a to veleka mwanana mmweyo, e m'dhana ngu ditina daku i Perezi; ditina da mnanda wakwe i ti Seresi; vanana va kona i ti Ulami ni Rekemi.

¹⁷Se mwanana wa Ulami i Bhedhani; avava i ti vanana va Gileyadhi, mwana Makiri, mwana Manasi.

¹⁸Se ndiyakwe Hamoleketi a to veleka Isodhi, ni Abhiyezeri ni Makila.

¹⁹Se vanana va Semidha ngu vava: Ayani, ni Sikemi, ni Liki ni Aniyamu.

²⁰Se vanana va Efrayime i Sutela, ni mwanana wakwe Bheredhi, ni mwanana wakwe Tahati, ni mwanana wakwe Eleyadhi, ni mwanana wakwe Tahati;

²¹ni mwanana wakwe Zabhadhi, ni mwanana wakwe Sutela, ni Eseri, ni Eleyadhi; kambe vavamna va Gati, sivelekwa sa ditikoni, va to va daya, nguko va to relela ku ta teka sifuyo sawe.

²²Ngu kumaha keto Efrayime, tate wawe, a to va dila mndani ka masiku o tala; se vanawe va tota, kasi ku ta mthavelela.

²³Msana keto, a to wulela ka msikati wakwe, se ene a to mana txirumbu a txi veleka mwanana; e mraya ditina daku i Bheriya, nguko timhaka ti si tsimbili kha kwati nyumbani kwakwe.

²⁴Se mwanakwe wa dihorana i ti ti Sehera, wule a nga ti akile Bheti-Horoni, mmangoni ni mkovani, a txi aka kambe ni Uzeni-Sehera.

²⁵Se mwanana wakwe i ti Refa, ni Resefi, ni Tela, mwanana wakwe, ni Tahani, mwanana wakwe,

²⁶mwana Ladhani, mwana Amiyudhe, mwana Elisama,

²⁷mwana Nune, mwana Joxuwa.

²⁸Se tithomba takwe ni wukhalo wo aka ka wona i ti ti Bheteli, ni makhalo o fumelwa ngu ngene; se ngu wutxani i Naharani; ngu mswa-ditambo i Gezeri, ni makhalo o fumelwa ngu ngene, ni Sikemi ni makhalo o fumelwa ngu ngene, kala Aya ni makhalo o fumelwa ngu ngene;

²⁹se ka didhawa da vanana va ka Manasi, i Megidhu, ni makhalo o fumelwa ngu ngene, Tahanaki ni makhalo o fumelwa ngu ngene, Dhori ni makhalo o fumelwa ngu ngene; ka ona ku to aka vanana va Josefa, mwanana wa Israyeli.

³⁰Vanana va Aseri ngu vava: Imina, ni Isivha, ni Isivhi, ni Bheriya, ni Sera ndiyawe.

³¹Se vanana va Bheriya i Hebheri, ni Malikiyeli; awuwa i ti tate wa Bherizavhiti.

³²Se Hebheri, a to veleka Jafileti, ni Someri, ni Hatamu, ni Suwa ndiyawe.

³³Se vanana va Jafileti ngu vava: Pasaki, ni Bhimali, ni Asivhati; avava mbanana va Jafileti.

³⁴Se vanana va Semeri ngu vava: Ayi, Roga, Jewubha ni Aramu.

³⁵Vanana va ndiyawe Helemi ngu vava: Zofa, ni Imina, ni Selesi, ni Amali.

³⁶Vanana va Zofa ngu vava: Suwa, ni Harneferi, ni Suwali, ni Bheyeri ni Imira,

³⁷ni Bhezeri, ni Hodhi, ni Sama, ni Silisa, ni Itrami, ni Bhehera.

³⁸Se vanana va Jeteri i Jefoni, ni Pisipa ni Ara.

³⁹Se vanana va Ula i Ara, ni Haniyeli, ni Riziya.

⁴⁰Votshe vava i ti vanana va Aseri, vathangeli va tinyumba ta vatate vawe, misawulwa ya vavamna va mtamo, vathangeli va vakoma, va nga balwa ngu tiveleko tawe, ka dibutho da yimbi da kuya kulwani; mtengo wawe i ti 26.000 wa vavamna.