Read chopi 1 Makronika 9 Bible Online

1 Makronika 9 - chopi bible

1 Makronika 9

¹Se votshe va ka Israyeli va to balwa ngu tiveleko tawe; aniko va bhatwe amu ka dibhuku da vafumeli va ka Israyeli; kambe va ka Judha va to yiswa Bhabhilona, ngu mhaka ya wuhambunyeti wawe.

² Se vaaki vo khata, vale va nga ti zumba ka makhalo awe, ni ka madhoropa awe, i ti ti va ka Israyeli, ni vaphaxeli, ni Valevhi, ni Vaneti.

³Kambe vamwani ka vanana va ka Judha, ni ka vanana va Bhenjamini, ni ka vanana va Efrayime ni Manasi, va to ya zumba Jerusalema:

⁴Utayi, mwana Amiyudhe, mwana Oniri, mwana Iniri, mwana Bhani, wa vanana va ka Perezi, mwana Judha;

⁵ka va ka Siloni: I Asaya, matiwula, ni vanana vakwe;

⁶ka vanana va Zera: I Jeweli ni vanawe, i ti 690 wa vona;

⁷ ka vanana va Bhenjamini: I Salu, mwana Mesulami, mwana Hodhavhiya, mwana Hasenuwa;

⁸ni Ibhineya, mwana Jerowamu, ni Ela, mwana Uzi, mwana Makiri, ni Mesulami, mwana Sefatiya, mwana Reweli, mwana Ibhinija;

⁹se vanawe madingano ni tiveleko tawe i ti 956 wa vona; votshe vavamna vava, i ti vathangeli va tinyumba ta vatate vawe.

¹⁰Se ka vaphaxeli: I Jedhaya, ni Jeyoyaribhi, ni Jakimi,

¹¹ni Azariya, mwana Hilikiya, mwana Mesulami, mwana Zadhoki, mwana Merayoti, mwana Ayitubhe, mthangeli wa Nyumba ya Txizimu;

¹²Adhaya, mwana Jerowamu, mwana Pasuri, mwana Malikiya, ni Masayi, mwana Adhiyeli, mwana Jazera, mwana Mesulami, mwana Mesilemite, mwana Imeri;

¹³kumweko ni vanawe, i ku vathangeli va tinyumba ta vatate vawe, i ti ti 1.760, vavamna va mtamo amu ka mthumo wa Nyumbani ka Txizimu.

¹⁴Se ka Valevhi: I Semaya, mwana Hasubhe, mwana Azirikami, mwana Hasabhiya, wa vanana va Merari;

¹⁵Bhakebhakari, ni Heresi, ni Galali, ni Mataniya, mwana Mika, mwana Zikiri, mwana Asafe;

¹⁶ni Obhadhiya, mwana Semaya, mwana Galali, mwana Jedhutumi; ni Bherekiya, mwana Asa, mwana Elikana, m'hanyi wa sidhoropanani ka Vanetofati.

¹⁷ Vawoneleli va sike ngu vava: Salumi, ni Akubhe, ni Talimoni, ni Ayimani ni vanawe, se mthangeli wawe i ti Salumi.

¹⁸Kala ka mbimo yile, va ti woneleta txike txa mfumeli ngu didhawa da wutxani; avava mba woneleli va wugovelo wa vanana va Levhi.

¹⁹Se Salumi, mwana Kore, mwana Ebhiyasafi, mwana Kora, ni vanawe va nyumba ya tate wawe, va ka Kora, va ti ti ni mthumo wo sawuleka, kambe i ti vawoneleli va txike txa ditenda; kambe vatate vawe i ti vathangeli va yimbi ya wugovelo wa MKOMA, ni vawoneleli va txike.

²⁰Se Finiyasi, mwana Eleyazari, i ti ti mthangeli hagari kwawe, wule MKOMA a nga ti ni nene.

²¹Se Zakariya, mwana Meselemiya, i ti muwoneleli wa txike txa ditenda da msengeletano.

²²Votshe vava, va to sawulwa kasi kuva vawoneleli va sike, votshe i ti 212; se ngu vona vava va nga vekwa ngu tiveleko tawe, madingano ni sidhoropana sa kona, kambe Dhavhidha, ni Samuwele, m'huti, va to va veka ka mithumo yawe.

²³Vona ni vanana vawe va ti ka sike sa Nyumba ya MKOMA, ka nyumba ya ditenda, kumweko ni vawoneleli.

²⁴Vawoneleli va ti ka mune wa madhawa: Ngu da wutxani, ngu mswa-ditambo, ngu wuphemba, ni wulambwe.

²⁵Se vanawe va ti ti sidhoropanani kwawe, ka ditshiku da wutxhanu ni mambidi, ka mbimo ni mbimo, va ti wulela ve thuma navo.

²⁶Nguko ka mthumo wule, ku ti ti ni mune wa vawoneleli vahombe va sike, i nga ti Valevhi, va nga ti ni mthumo wo xayisa tiyumba ni tithomba ta Nyumbani ka Txizimu.

²⁷Se ni wusiku va ti ti randela Nyumba ya Txizimu, nguko va ti ningilwe mthumo wo wonelela ni kutula matimba, masiku otshe.

²⁸Se vokari kwawe va ti ti ni mthumo wo xayisa siya sa mikombelo, nguko va ti ti si bala si txi huma, ve si bala si txi wuya.

²⁹Nguko kwawe, vokari va ti ni mthumo wo xayisa simaha, ni sotshe siya so sawuleka, sa mpupu wo tshura, ni sa vhinya, ni sa mtona, ni sa dibaselo, ni sa makha.

³⁰Se vokari ka vanana va vaphaxeli i ti vamahi va makha.

³¹Hagari ka Valevhi, Matitiya, matiwula a Salumi, mkorayi, a ti ti thangela mthumo wa kuyoka.

³²Se vamwani ka vanana va Vakowati, va vanawe, ku ti ni vokari va nga ti vekilwe ka mthumo wo lulamisa mapawu a mphaxo, ka yotshe Masabhata.

³³Vamwani ka vava i ti vaembeleli, ni vathangeli va tinyumba ta vatate, hagari ka Valevhi, va txi zumba sinyumbanani, va si nga ni mthumo wumwani; nguko wusiku ni mitshikari va ti maneka ka mthumo wonewo.

³⁴Avava i ti vathangeli va vatate hagari ka Valevhi, vathangeli ngu tiveleko tawe; va ti zumba Jerusalema.

³⁵Kambe kona Gibheyoni ku ti zumba Jeyeli, tate wa Gibheyoni (ditina da msikati wakwe i ti Mahaka),

³⁶ni mwanakwe wa matiwula Abhidhoni, ni Zuri, ni Kisi, ni Bhahali, ni Neri, ni Nadhabhi,

³⁷ni Gedhori, ni Ayo, ni Zakariya, ni Mikiloti.

³⁸Se Mikiloti a to veleka Simeya, avava ni vona va to aka kona Jerusalema masoni ka vanawe.

³⁹Neri a to veleka Kisi, se Kisi a to veleka Sawule, se Sawule a to veleka Jonatani, ni Malikisuwa, ni Abhinadhabhi, ni Esibhahali.

⁴⁰Se mwana Jonatani i ti Meribhi-Bhahali, Meribhi-Bhahali a to veleka Mika.

⁴¹Se vanana va Mika ngu vava: Pitoni, ni Meleki, ni Tareya.

⁴²Se Akazi a to veleka Jayera, Jayera a to veleka Alemeti, ni Azimavheti, ni Ziniri; Ziniri a to veleka Mosa.

⁴³Se Mosa a to veleka Bhineya, awule a nga veleka Refaya, wule a nga veleka Eleyasa, a nga veleka Azeli.

⁴⁴Se Azeli a to veleka mtxhanu wa vanana ni mmweyo, matina awe ngu awa: Azirikamu, ni Bhokiru, ni Ismayeli, ni Seyariya, ni Obhadhiya, ni Hanani; avava mbanana va Azeli.