Read chopi 2 Makronika 12 Bible Online

2 Makronika 12 - chopi bible

2 Makronika 12

¹Ku to maheka koko taku, mbimo yile Robhowamu a nga tsanisa wukoma, a to leka Mlayo wa MKOMA, ene ni votshe va ka Israyeli.

²Se ku to maheka tito, ka dilembe da wutxhanu da mfumeli Robhowamu, Sisake mfumeli wa Egipta, a to kwelela a txiya wukela Jerusalema (nguko va ti ti tshuralete MKOMA.)

³A ti ti ni 1.200 wa sikotxikani ni 60.000 wa vagadhi va mahantxhi; ni vathu votala ngutu a nga ta navo ngu Egipta, va ka Libhiya ni va ka Suka ni va Etiyopiya.

⁴Se a to honyola madhoropa a hombe ale Judha a nga ti nawo, se e tsula Jerusalema.

⁵Sekoko mprofeti Semaya a to ta ka Robhowamu ni ka vathangeli va va ka Judha a ava va nga ti ti sengeletanile Jerusalema ngu mhaka ya Sisake, a txi khene: MKOMA a womba tiya: Anu mi ni lekile, nani ni mi lekile manzani ka Sisake.

⁶Sekoko vathangeli va Israyeli ni mfumeli va to ti veka hahatshi, va txi kha vona: MKOMA a lulamile.

⁷Mbimo yile MKOMA a nga wona ku va ti vekile hahatshi, a to rumela dipswi dakwe ka Semaya, a txi khene: Mi ti vekile hahatshi, kha na mbi mi xasela; ngu kukuluveta ni na mi ninga wukhalo awu mi no barama ka wona, kasi ku kuhenya kwangu ku si thekeli txitimwi ka Jerusalema, ngu manza da Sisake.

⁸Sekoko mi na maha sithumi sakwe, kasi kuza mi ziva ti to kuthumela ani ni kuthumela mifumo ya ha mafuni ku hambanile.

⁹Sisake koko i ku mfumeli wa Egipta, a to wukela Jerusalema, e teka tithomba ta Nyumbani ka MKOMA, ni tithomba ta nyumbani ka mfumeli; a to teka sotshe sitxhangu sa nzalama asi a nga ti si mahile Solomoni.

¹⁰Se ka wukhalo wa sona, mfumeli Robhowamu a to maha sitxhangu sa koporo, e si ningela manzani ka vathangeli va yimbi, va txi wonelela txike txa nyumba ya mfumeli.

¹¹Se ku to maheka a ti to mbimo yile mfumeli a nga txi wulela Nyumbani ka MKOMA, va woneleti vakwe va txi teka sivhikelo ve wulela naso, ve gwita si wuyiswa ka dizumbo dawe.

¹²Se ene a to ti veka hahatshi, MKOMA a to thavisa kuhenya kwakwe txitimwi kwawe, kasi ku asi va fuvisi votshe; nguko Judha ku ti ni silo sa sinene.

¹³Se mbimo yile mfumeli Robhowamu mwana Solomoni, a nga fuma Judha; a to khata kufuma a di ni mune wa magumi a malembe ni dimwedo, se a to fumela Jerusalema digumi da malembe ni mtxhanu ni mambidi, ka didhoropa dile MKOMA a ngadi sawula hagari ka totshe tihunzu ta ka Israyeli kasi kuveka ditina dakwe kona; se ditina da mwamwakwe i ti ti Nahama Muamoni.

¹⁴A to maha ta kwa mbi lulama, nguko kha lava MKOMA ngu mbilu yakwe yotshe.

¹⁵Kasi ngu kutala ka mithumo ya Robhowamu ni ka toshe ti a nga ti maha ti nga va ti sa bhalwa ka mabhuku a matimu a Semaya mprofeti, ni a Idho muhuti, madingano ni tihunzu tawe. Se ku to maneka kulwa hagari ka Robhowamu ni Jerobhowamu ka masiku awe otshe.

¹⁶Se Robhowamu a to otela ka vatate vakwe, e tshotshwa didhoropani ka Dhavhidha; Abhiya mwanana wakwe a to fuma ka wukhalo wakwe.