Read chopi 2 Makronika 17 Bible Online

2 Makronika 17 - chopi bible

2 Makronika 17

¹Josafati mwana Asa a to fuma ka wukhalo wakwe; e maha ti to mfumo wakwe wu tsana ngutu hagari ka va ka Israyeli.

²A to veka vathu va yimbi ka madhoropa otshe a hombe a Judha, ni va woneleti va ditiko da Judha, ni ka madhoropa a Efrayime awa Asa tate wakwe a nga ti ti matekile.

³MKOMA a di ni Josafati, nguko a ti ti tsimbila ngu tinzila ta tate wakwe Dhavhidha, a kha khozela va ka bhahali.

⁴A to lava Txizimu txa tate wakwe e tsimbila ka sirumo sa txona, asi londeti mikhuwo ya vathu va ka Israyeli.

⁵MKOMA a to tsanisa wukoma mawokoni kwakwe, votshe va ka Judha va to ta luva Josafati; a to mana thomba yayingi ngutu ni wudhumo wa hombe ngutu.

⁶Mbilu yakwe yi to londetela nzila ya MKOMA kambe a thavisile makhalo o guleka ni sithombe so vatwa ani Judha.

⁷Ka dilembe da wuraru da kufuma kwakwe a to rumela vathangeli takwe Bheni-Kayil, ni Obhadhiya, ni Zakariya, ni Nathaniyele, ni Mikayeli, kasi kuva txi ya gondisa madhoropani ka va ka Judha.

⁸Va txi seketelana ni Valevhi Semaya, ni Netaniya, ni Zebhadhiya, ni Asayeli, ni Semiromoti, ni Jonatani, ni Adhoniya, ni Tobhiya, ni Tobhe-Adhoniya; kumweko ni vaphaxeli Elisama ni Jeyoramu.

⁹Ve rendeleka madhoropa otshe a va ka Judha, va txi gondisa vathu ani ditikoni da Judha va di ni dibhuku da Mlayo wa MKOMA.

¹⁰Yotshe mifumo ya ditiko a yi yi rendelekako ditiko da Judha yi to tala ngu kuthava MKOMA vona kha va wusa yimbi yo lwa ni Josafati.

¹¹Vamwani Vafilista va ti ti luva Josafati ngu male ya resa; Hambi Marhabi ma to mluva ngu sifuyo sa sidotho i ku siya: 7.700 wa tihamba ni 7.700 wa vamabhongwe.

¹²Josafati a to ya masoni ngu kukula e aka mikhokhola ya hombe ni madhoropa a tithomba kona Judha.

¹³A ti ti ni mithumo yayingi madhoropani ka va ka Judha, vathu va yimbi, ni vavamna va mtamo kona Jerusalema;

¹⁴mtengo wawe madingano ni tinyumba ta vatate vawe; ka va ka Judha vathangeli va mazana: Mthangeli Adhina a di ni 300.000 wa vavamna va mtamo.

¹⁵Msana kwakwe, kulondeta mthangeli Jowanani ni 280.000 wa masotxhwa.

¹⁶Msana kwakwe kulondeta Amaziya, mwanana wa Zikiri, awu a nga ti ningeta kuthumela MKOMA; a di ni 200.000 wa vavamna va mtamo;

¹⁷ka va ka Bhenjamini, i Eliyadha, wamwamna wa mtamo mthangeli wa 200.000 wa vavamna va di ñote wulaho ni sivhikelo;

¹⁸Msana kwakwe kulondetile Jozabheti a di ni 180.000 wa vavamna va di xomile kulwa yimbi.

¹⁹Vavamna vava va ti ti thumela mfumeli, hahanze ka vale mfumeli a nga va veka madhoropani a mikhokhola amu ka ditiko dotshe da ka Judha.