Read chopi Nehemiya 10 Bible Online

Nehemiya 10 - chopi bible

Nehemiya 10

¹Se ava va nga sayina ngu vava: Nehemiya, mwana Hakaliya, ni Zedhekiya,

²Seraya, Azariya, Jeremiya,

³Paxuri, Amariya, Malikiya,

⁴Hatusi, Sebhaniya, Maluke,

⁵Harimi, Meremote, Obhadhiya,

⁶Dhaniyeli, Ginetoni, Bharuke,

⁷Mesulami, Abhiya, Miyamini,

⁸Mahaseya, Bhiligayi, Semaya; avava i ti ti Vaphaxeli.

⁹Se Valevhi ngu vava: Jesuwa, mwana Azaniya, Bhinuyi, wa vanana va Henadhadhe, Kadhimiyeli

¹⁰ni vanawe i ku: Sebhaniya, Hodhiya, Kelita, Pelaya, Hanani,

¹¹Mika, Reyobhe, Hasabhiya,

¹²Zakuri, Bhani, Bheninu.

¹³Hodhiya, Bhani, Bheninu.

¹⁴Vathangeli va vathu ngu vava: Parosi, Pahate-Mowabhi, Elame, Zatu, Bhani,

¹⁵Bhuni, Azigadhe, Bhebhayi,

¹⁶Adhoniya, Bhigivhayi, Adhina,

¹⁷Ateri, Ezekhiya, Azuri,

¹⁸Hodhiya, Hasumi, Bhesayi,

¹⁹Harifa, Anatote, Nebhayi,

²⁰Magipiya, Mesulami, Heziri,

²¹Mesezabheli, Zadhoki, Jadhuwa,

²²Pelatiya, Hanani, Anaya,

²³Hoseya, Hananiya, Hasubha,

²⁴Halowe, Pileya, Sobheke,

²⁵Rehumi, Hasabhina, Mahaseya;

²⁶Ahiya, Hanani, Anani,

²⁷Maluke, Harimi, Bhahana.

²⁸Se vamwani vathu, vaphaxeli, ni Valevhi, ni va vawoneleli va sike, ni vaembeleli, vanetine ni votshe va va nga ti hambanisa ni vathu va matiko ka Mlayo wa Txizimu, vasikati vawe, vanana vawe va vafana, ni vanana vawe vamahorana, totshe titxhari, ni vale va nga ti ti ni mtamo wo pfisisa

²⁹va to tsana ka vanawe, i ku vamwevo va tinduna hagari kwawe, ve tumelelana kufakazelana ni kuxambanya tito, va na tsimbila ngu Mlayo wa Txizimu va nga ningwa ngu tsisofu txa Mosi, txithumi txa Txizimu; ni ti to va na xayisa ni kumaha sotshe sirumo sa MKOMA, Txizimu txathu, ni wululamo wakwe, ni sileleto sakwe;

³⁰ni ku kha hi na mbi ningela vanana vathu vamahorana ka vathu va matiko, hambi kuteka vanana vawe vamahorana, hi ninga vanana vathu va majaha;

³¹ ni tito, ngako vamatiko va txi tisa ni tihi tithomba, mwendo titshenda to kari kasi ku ta xavisa ngu ditshiku da Sabbata, mwendo ngu ditshiku do sawuleka, kha hi na mbi va xavela ka ditshiku edo. Se hi nava ni txhatxhazelo ka dilembe da wutxhanu ni mambidi, ni kudivalelana yotshe minandu.

³²Kambe hi ti emisete mlayo, hi sunga ti to dilembe ni dilembe hi na ningela ka Nyumba ya Txizimu txathu, txipande txa wuraru txa dixekele dimwedo;

³³kuva txa mapawu a txikombiso, ni mningelo wa sakudya sa ditshiku ni ditshiku, ni wa kuhiswa wa mlongiso, ni wa mitxima ya yiphya, ni wa mibuso ya kudikha, ni wa siya so sawuleka, ni wa miningelo wa sionho, kasi kudivalela va ka Israyeli, ni wotshe mthumo wa Nyumbani ka Txizimu txathu.

³⁴Kambe hi xaxuvile tixolo hagari ka vaphaxeli, va ka Levhi ni vathu, xungetano ni mningelo wa tikhuni tile ti di no tiswa Nyumbani ka Txizimu txathu, madingano ni tinyumba ta vatate vathu, ka timbimo tile ti nga sungwa, ka dilembe ni dilembe kasi ku ta dhivelwa txitimwi ka txiluvelo txa MKOMA, Txizimu txathu, madingano ni tile ti nga bhalwa dibhukuni da Mlayo.

³⁵Ni kuneha kambe dilembe ni dilembe Nyumbani ka MKOMA, mihando yo khata ya mafu athu ni yotshe mihando yo khata ya mindonga yotshe.

³⁶Ni matiwula a vafana vathu, ni a sifuyo sathu, madingano ni tile ti nga bhalwa Mlayoni; ni ti to matiwula a tihomu tathu ni a tinvuta tathu hi na ma yisa Nyumbani ka Txizimu txathu, ka vaphaxeli vale va thumako Nyumbani ka MKOMA.

³⁷Hi na teka mpupu wathu wo khata, ni miningelo yathu yo ndiwitelwa, ni mihando ya mindonga yotshe, ni vhinya, ni mafura hi si ningela ka vaphaxeli, sinyumbanani ka Nyumba ya Txizimu; hi ningela ka Valevhi sa wugumi sa thembweni kwathu; nguko Valevhi va na teka sa wugumi ka tithembwe tathu ka otshe madhoropa.

³⁸ Ni ti to mphaxeli, mwanana wa Aroni, a na va ni Valevhi mbimo yi Valevhi va amukelako sa wugumi, se Valevhi va na tisa wugumi wa wugumi Nyumabani ka Txizimu txathu, sinyumbanani ka nyumba ya wuxayiselo.

³⁹Nguko vanana va ka Israyeli ni vanana va ka Levhi va na wuyisa mningelo wo ndiwitelwa wa mafaka, ni wa vhinya ni wa mafura ka sinyumbana sile, amule ku ku ni siya sa wukhalo wo sawuleka, ni vaphaxeli va va thumako, ni vawoneleli va sike, ni vaembeleli. Se ngu mamahelo eyo kha yi na mbi leka Nyumba ya Txizimu txathu.