Read chopi Jobe 32 Bible Online

Jobe 32 - chopi bible

Jobe 32

¹Sekoko vavamna vale vavararu, va to ema kuxamula Jobe, nguko a ti ti lulamile, masoni kwawe.

²Se ku to tura kuhenya ka Elihu, mwana Bharakeli, wa Bhuzi, wa mwaya wa ka Ramu; Elihu a to henyela Jobe, ngu ku a nga txi ti emela apune masoni ka Txizimu.

³Kuhenya kuwa kwakwe ku to wukela vangana vararu va Jobe; ngako va nga ti ti pwata txa ku mkona ngu txona.

⁴Hambiko, Elihu kha kuluveta kuangula Jobe, nguko va ti ti ni tanga ya hombe kupinda ene.

⁵A di ti woni koko Elihu taku, se kha ku ngadi ni xamulo ka vavamna vale vavararu, kuhenya kwakwe ku to tura.

⁶Se Elihu, mwana Bharakeli, wa Bhuzi, a to xamula, a txi khene: Ani ni wa tanga yayidotho, kambe anu mi vahombe; ni thavile, kha na tsana ku mi gela mawonelo angu.

⁷Ni ti ti khani: Va na womba-wombe vahombe, malembe amangi ma na gondise wutxhari.

⁸Kha ditshuri ku ni moya ka m'thu, se ni kufuteta ka wa Mtamo-wotshe ku na va mahe titxhari.

⁹Hi nga tanga ya hombe yi ningako wutxhari, kambe hi nga vo kumba va pimisako to lulama.

¹⁰Ngu mhaka yeto, ni khani: Hi ngani pfisisani, se nani ni na womba mapimiselo angu.

¹¹Wonani taku, ni verela kupfa mapswi anu, kambe ni mi engisete mi txi womba-womba, mbimo yi mi nga ti lavetetela ditshuri.

¹²Mbimo yi ni nga ti mi engisela, kuwonekile taku kuwalo ni wammweyo kwanu, waku a nga kona Jobe, hambi kuxamula ditshuri dakwe.

¹³Ngu kumaha keto, mi nge khanu: Hi wu mani wutxhari, Txizimu ngu txona txi nga mxula, na i si nga m'thu wokari.

¹⁴Se kha se womba mapswi okari kwangu o ni wukela, kambe kha ni na mbi mxamula ngu maxamulelo anu.

¹⁵Mo xamala, kha mi xamuli txilo kambe, ma ma pwata mapswi.

¹⁶Ni verete koko, aniko kha ma womba-womba; nguko se mi malate, kambe kha mi xamuli txilo.

¹⁷Nani ni na ti xamulela ngu dangu didhawa; nani ni na womba malakanyo angu.

¹⁸Nguko ni taletwe ngu mapswi o womba; moya wangu wa ni kurumeta.

¹⁹Wonani taku, mndani kwangu ko nga wusuke wu vilako, wu si mani kupepa, se ku na phuxuka nga misava ya yiphya.

²⁰Ni na womba, ni phofula; ni na tula txisofu txangu ni xamula.

²¹I tiku Txizimu txo ni ninga kwa mbi sawulela vathu, hambi kuvengela ni wammweyo m'thu.

²²Nguko kha ni tizivi kuthumisa livengo; M'vangi wangu a ndi na ni teka.