Read chopi Masalmo 1 Bible Online

Masalmo 1 - chopi bible

Masalmo 1

¹A katekile m'thu wule asi wuleliko txikungoni ka vabihi, ni kwa mbi tsimbila nzilani ka vaonhi, hambi kuzumba ni vapoyileli.

²Aniko ene a tsakela Mlayo wa MKOMA a zumba a txi wu alakanya wusiku ni mitshikari.

³ A fana ni mndonga wu wu nga phawa mabambe ka lidhonga la mati, awu wu ningako mihando ya wona ngu mbimo ya kona, awu mazokoro a wona ma si wuniko totshe ti a ti mahako ta bhindula.

⁴Kasi hi nga toneto vabihi; vona va fana ni mwasi wu wu huhiswako ngu diphuho.

⁵Ngu kumaha keto, vabihi kha va na mbi sikota kuhuluka, ka ditshiku da kulamulwa, ni vaonhi, kha va na mbi amukelwa msengeletanoni ka valulami.

⁶Nguko MKOMA wa yi ziva nzila ya valulami, kambe nzila ya vabihi yi yisa kulovani.