Read chopi Masalmo 110 Bible Online

Masalmo 110 - chopi bible

Masalmo 110

¹ Disalmo da Dhavhidha MKOMA a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

²MKOMA a na rumela ngu Siyoni ndonga yako ya mfumo; fuma txitimwi ka valala vako!

³Vathu vako va nata kwako ngu kutsaka, ngako u txi xoma matxhari a kuya yimbini. Mazambi ma nata kwako ma di ambate syambalo sa bombo, nga txiandela txa mixo.

⁴MKOMA a xambanyile kha na mbi tshumelela msana: “Awe u mphaxeli kala kupinduka, madingano ni mlayo wa Melkisedheki.”

⁵MKOMA a maneka txineneni kwako; ngako ene a txi henya, a na ganyatela vafumeli.

⁶Ene a na lamula mifumo sirumbi si na mbambamela ka otshe makhalo; ene a na ganyatela vafumeli va dotshe ditiko!

⁷A di hanzila mfumeli a na sela mati a mlonga se mati ma na mninga mtamo wa kuxula.