Read chopi Masalmo 112 Bible Online

Masalmo 112 - chopi bible

Masalmo 112

¹Dhumisani MKOMA! A katekile m'thu wule a thavako MKOMA a dhundako kuvekisa milayo yakwe.

²Liveleko lakwe li nava ni mtamo ha mafuni; li na katekiswa liveleko la vo lulama.

³Mtini kwawe ku na tala ngu kupfuna ni tithomba kuhumelela kwawe ku na simama kala kupinduka.

⁴M'thu wo lulama a fana ni liwoningo li woningako txidemani; ene ana ni wuxinji, ni wumbilu, ni wunene.

⁵A katekile m'thu wu a pfelako wusiwana e lombisa a tsimbitisako mabhindu ngu kululama ni ditshuri;

⁶ene i ku wo thembeka, kha na mbi wa hahatshi a na zumba a txi alakanywa yotshe mbimo.

⁷Kha kanakani ngako a txi engisa timhaka to biha, nguko mbilu yakwe yi tsani ni kuthemba MKOMA.

⁸Mbilu yakwe yi tsani, kha yi thavi txilo, ene wa themba ti to valala vakwe va na xulwa.

⁹ Silo sakwe a abana ni sisiwana, aniko thomba yakwe yi na simama kala kupinduka a na va wa mtamo ni kuxonipheka.

¹⁰M'thu wo biha, a txi na ti wona tiya, a na henya; a na gegeresela makwasa e ti sotela; Kunavela ka vathu vo biha ku na fuva.