Read chopi Masalmo 116 Bible Online

Masalmo 116 - chopi bible

Masalmo 116

¹Na mranda MKOMA, nguko a engisile dipswi da mkombelo wangu.

²A riyile nzeve a txi ni engisa, ni na mkhozela ni txi ngadi ni hanya.

³Ni ti tombetetwe ngu majoke a lifo, ku asama ka diphala ku txi ni thela ndendema; ani ni to tala ngu kuthava ni kuxaniseka.

⁴Sekoko ni to khongela ditinani ka MKOMA, ni txi khani: “MKOMA hanyisa moya wangu!”

⁵MKOMA ana ni wumbilu ni kululama, Txizimu txathu txi na ni wumbilu.

⁶MKOMA wa vhikela ava va xuphekako; mbimo yi ni nga ti si nga ni mtamo, ene a ni hulukisile.

⁷Moya wangu, themba MKOMA, nguko MKOMA a kukatekisile.

⁸Ene a ni ponisile ka lifo; a bahulete mirongo yangu, kha ni leka ni txi wa.

⁹Ngu toneto, ni na tsimbila masoni ka MKOMA, ditikoni ka va va hanyako.

¹⁰ Ani ni ti simama ni kholwa, hambiko ni nga womba ku khani: “Kupandiseka kwangu nga hombe ngutu.”

¹¹Kukaratekani kwangu, ni zile ni txi khani: “Ku walo m'thu wo thembeka!”

¹²Ni na bongisa kutxani ka MKOMA wotshe wunene wu a nga ni mahela kani?

¹³Ni na guleta digombe dangu masoni ka MKOMA ni bonga makatekwa a kuhanyiswa!

¹⁴Ni na landela sixambanyo si ni nga si maha ka MKOMA, masoni ka votshe vathu vakwe.

¹⁵Li ni lisima masoni ka MKOMA lifo la vasawuleki vakwe,

¹⁶MKOMA, ani ni txithumi txako; ni txithumi txi i ku mwanana wa txithumi txako txa wamsikati! Ni ponise ka majoke a lifo.

¹⁷Ni na phaxa mhamba ya ku kudhumisa ni txi khozela ditinani ka MKOMA.

¹⁸Ni na londeta sixambanyo si ni nga si maha ka MKOMA, masoni ka votshe vathu vakwe,

¹⁹siluveloni ka Nyumba ya MKOMA, hagari kwako awe Jerusalema! Dhumisani MKOMA!