Read chopi Masalmo 124 Bible Online

Masalmo 124 - chopi bible

Masalmo 124

¹Ndando ya vapfhumba. Ndando ya Dhavhidha Idiku MKOMA a ti sa ema ni nathu, Israyeli a na wombe.

²Idiku MKOMA a ti sa ema ni nathu, mbimo yi valala vathu va nga hi wukela,

³vona nga va di hi mitile hi di ngadi hi txi hanya, ngu mhaka ya txiviti txi va nga ti natxo ngu ngathu;

⁴konako mati nga ma di hi mitile mlonga nga wu di khulungile ngu txitimwi kwathu!

⁵Nga ma di khulungile txitimwi kwathu mati o vhiluka ngutu!

⁶A na dhumiswe MKOMA, a nga mbi hi leka hi wela manzani ka valala hi sotelwa ngu makwasa awe.

⁷Kufana ni txinyana hi hulukile kubzwetwa; ngu mlawu wa mriyeli.

⁸Txivhuno txathu txi ta ngu ka MKOMA, awu a nga maha nzuma ni mafu.