Read chopi Masalmo 129 Bible Online

Masalmo 129 - chopi bible

Masalmo 129

¹Ndando ya vapfhumba Sikhati sasingi va ni xanisile kukhukhela ka wuphya wangu a na wombe konkuwa Israyeli.

²Sikhati sasingi va ni xanisile kukhukhela ka wuphya wangu, aniko kha va sikota ku ni xula.

³Va ni bhandisete msana wangu, wu txi nga thembwe yi nga dimwa ngu vadimi.

⁴Aniko MKOMA i ku wo lulama, a bhenulete majoke a vabihi.

⁵Va na tale ngu tingana ve hingwa votshe valala va Siyoni!

⁶Va na fanane ni mwasi wo mila txitimwi ka nyumba, awu wu wunako, wu sinzi kudulwa,

⁷awu wu si tatiko manza a wule a wu dulako, hambi mawoko a vale va sungako tinyanda;

⁸kuwalo mpindi wa nzila a ku khene: “Makatekwa a MKOMA ma nave txitimwi kwanu! Athu ha mi katekisa ngu ditina da MKOMA!”