Read chopi Masalmo 137 Bible Online

Masalmo 137 - chopi bible

Masalmo 137

¹Mabambe ka minambo ya Bhabhilona, hi khalahatshile hi dila, ngu kualakanya Siyoni.

²Ka madhavi a mindonga ya hagari ka Siyoni, hi ti ti hayeka tiharipa tathu.

³Avale va nga hi maha tikhumbi, va ti ti hi kombela kuembelela tindando; avale va nga ti hi xanisa va ti ti kombela kutsakiswa ngu ngathu, va txi kha vona: “Embelelani mi hi tsakisa ngu tindando ta Siyoni!”

⁴Aniko hi ndi na sikotisa kutxani kuembelela tindando ta MKOMA, ditikoni ka vane kani?

⁵Ngako ni txi kudivala awe, Jerusalema, diwoko dangu da txinene di na womelele.

⁶Ngako ni txi kudivala, awe Jerusalema, ngako ni si ku guleti txitimwi ka si ni si tsakelako, lidimi langu li na namara mkanani kwangu.

⁷Alakanya, MKOMA, ati va nga maha vathu va Edhomi, ditshiku diya Jerusalema a nga welwa ngu dikhombo: Vona va huwelete va txi kha vona: “Khundumuselani, Khundumuselani didhoropa diya, kala makhatoni ka dona!”

⁸ O! Awe mwanana wa muhorana wa Bhabhilona, u no xaselwa! A katekile awu a no kutshumetela nga ti u nga mahisa tona kwathu.

⁹A katekile awule a no ñola vanana vako, e va phwarasela ha marigwini!