Read chopi Masalmo 14 Bible Online

Masalmo 14 - chopi bible

Masalmo 14

¹Dhavhidha. Ka mthangeli wa vaembeleli. Mahundwa ma womba timbiluni ka ona, ma txi kha ona: “Kha txi nga ho Txizimu!” Ma onhekile, ma txi maha mithumo yo nyenyeza; kha nga ho ni wammweyo a mahako ta tinene!

²MKOMA a wona vathu a di nzumani, kasi kuwona ti to mwendo a nga mana m'thu wammweyo wo ziva, awu a lavako Txizimu.

³Aniko votshe va hambukile, kambe va onhekile, kha nga ho wule a mahako ta tinene. Lambi ni wammeyo!

⁴Vamahi vakubiha votshe, ina kha va nga ni wuzivi, eko va kakatxulako vathu vangu, nga wule a dyako dipawu, na va si khumbuki kukhozela MKOMA kani?

⁵Vona va dhudhumela ngu kuthava, nguko Txizimu txi ema ni liveleko lo lulama.

⁶Anu mi vhinganyisela makungo a txisiwana, aniko MKOMA mbuthavelo wa txona.

⁷O! I mani a no wuyisa ngu Siyoni, kuhanyiswa ka Israyeli! Mbimo yi MKOMA a no katekisa ngamu yakwe, vanana va Jakobe va na giya, ani va ka Israyeli va na tsaka.