Read chopi Masalmo 146 Bible Online

Masalmo 146 - chopi bible

Masalmo 146

¹DhumisaMKOMA! Awe moya wangu, dhumisa MKOMA!

²Ni na dhumisa MKOMA, ni txi ngadi ni hanya; ni na embelela kudhumisa ka Txizimu txangu, ni txi ngadi ni hanya.

³Mi nga thembeni vakoma, mwendo vanana va vathu, va singako ni kuhanyisa.

⁴Ngako wu txi huma moya wawe, va hinduka ve maha lithulu la mafu; ka donedo ditshiku makungo awe ma guma.

⁵A katekile wule Txizimu txa Jakobe i ku m'vhuni wakwe, awule themba yakwe yi ku ka MKOMA, Txizimu txakwe,

⁶ a nga va nga tinzuma ni mafu, linene ni sotshe si si kuho ka sona, kambe a xayisako ditshuri kala kupinduka;

⁷a lamulako ngu kululama ava va tsindavetwako; a ningako dipawu ka vale va ku ni nzala.

⁸MKOMA wa tula maso a mabhofu; MKOMA wa wusa vale va thidhelako MKOMA wa randa vo lulama.

⁹MKOMA wa xayisa valuveli; wa xayisa vo felwa ngu vaveleki, ni tinoni, aniko wa weketa nzila ya vaonhi.

¹⁰MKOMA a na fuma ngu ha ku si gwitiko; Txizimu txako, awe Siyoni, nja liveleko ni liveleko. Dhumisani MKOMA.