Read chopi Masalmo 20 Bible Online

Masalmo 20 - chopi bible

Masalmo 20

¹Disalmo da Dhavhidha. Ka mthangeli wa vaembeleli. MKOMA a na ku engise ka ditshiku da kupandiseka; Ditina da Txizimu txa Jakobe di na ku vhikele.

²Txizimu txi na ku rumele txivhuno txi di Nyumbani ka txona, txi kuxayisa txi di Siyoni.

³Txizimu txi na khumbule yotshe miningelo yako txi na amukele mhamba yako yo hiswa.

⁴Txona txi na ku ninge asiya mbilu yako yi si navelako txi katekisa otshe makungo ako.

⁵Hi na peka mikulungwani, hi txi tsakela kuxula kwako ngu ditina da Txizimu hi na gwimba mijeke. MKOMA a na ku ninge sotshe si u si navelako.

⁶Se na tiziva ti to MKOMA a na ninga kuxula ka mfumeli wu a nga msawula; ene wa mu angula a di nzumani kwakwe ko sawuleka, a txi mninga kuxula valala ngu mtamo wakwe.

⁷Vamwani va themba mimovha yawe ya yimbi vamwani va themba mahantxhi awe; aniko, athu hi themba MKOMA, Txizimu txathu.

⁸Vona va humbwa va txi wa hahatshi, aniko, athu hi tseramile hi di tsani.

⁹MKOMA, ninga kuxula ka mfumeli; hi engise ngako hi txi kudhana!