Read chopi Masalmo 23 Bible Online

Masalmo 23 - chopi bible

Masalmo 23

¹Disalmo da Dhavhidha MKOMA i m'dyisi wangu; kha ni na mbi pwata txilo.

² Wa ni humuta hagari ka lihunga lo nakana kambe wa ni gola a txi ni yisa ka mati o tenga.

³Wa xayisa moya wangu kambe wa ni tsimbitisa ngu tinzila to lulama, ngu mhaka ya ditina dakwe.

⁴Hambi ni txo tsimbila mkovani ka mtsudi wa lifo, nga ni si thavi txilo, nguko awe, MKOMA, u ni nani. Nguko ndonga yako ni mtxheketelo wako, sa ni tsanisa.

⁵U ni lulamisela m'buso masoni ka valala vangu. U ni totile msungo wangu ngu mafura o bhumula u tata digombe dangu, di thekelela.

⁶Kha ditshuri, wunene wako ni lirando lako si na va ni nani ka otshe masiku a kuhanya kwangu. Ni na zumba nyumbani ka, MKOMA, kala kupinduka.