Read chopi Masalmo 26 Bible Online

Masalmo 26 - chopi bible

Masalmo 26

¹Disalmo da Dhavhidha Ni lamulele, MKOMA, nguko ni tsimbila ngu nzila yo lulama; ani ni themba awe MKOMA; kha ni kanakani.

²Ni xolisise, MKOMA, u txi ni duka; xolisisa minavelo yangu ni mialakanyo yangu.

³Lirando lako ni nalo masoni kwangu yotshe mbimo, ni hanya ngu kuthembeka masoni kwako.

⁴Kha ni zumbi ni va va randako makuhu, kambe kha ni tsimbili ni vakanganyisi.

⁵Na nyenya msengeletano wa vabihi, kha ni ti lavi kuhanya ni vasoholoki.

⁶Na samba manza angu, kasi kukomba ti to kha ni nga ni mnandu, se na tshuketa hafuhi ka txiluvelo txako, MKOMA,

⁷na ni txi embelela tindando ta kudhumisa, ni txi huwelela sotshe sidiwukiso sako.

⁸MKOMA, ani na randa kuzumba nyumbani kwako, i ku wukhalo wu ku ti kombako wudhumo wako.

⁹U nga ni fuvise kumweko ni vaonhi; ni hulukise ka txitsayiso txa sigevenga,

¹⁰i ku vathu votala ngu manyala, na va di ñote manzani simaha so xavelela ngu sona.

¹¹I di ani, ni tsimbila ngu nzila yo lulama; ni hulukise, telwa ngu wumbilu ni nani!

¹²Mikondo yangu yi tsani amu ka nzila yo lulama, ni na dhumisa MKOMA, misengeletanoni.