Read chopi Masalmo 46 Bible Online

Masalmo 46 - chopi bible

Masalmo 46

¹Ka mthangeli wa vaembeleli - ka mthuleli Ndando ya mtxawa wa ka Kora Txizimu mbuthavelo wathu ni mtamo wathu; ngu txona txi hi vhunako ka timbimo ta kuxaniseka.

²Ngu toneto, kha hi thavi txilo, hambi mafu ma txi dekadekiswa, hambi mimango yi txi mitwa ngu linene.

³Hambi mavimbi ma txi dhinda ngu mtamo wa kuhenya ni kungako mimango yi txi dekadeka ngu kupekwa ngu mati.

⁴Mnambo wa tsakisa, ngu milonga ya wona, didhoropa da Txizimu, didhoropa do sawuleka ngutu da kuzumba Nyatxitimwi.

⁵Txizimu txi hagari ka dona, vathu va dona kha va na kurereka; Txizimu txi na vindukela ku va vhuna ni mixo.

⁶Matiko ma ngungurukela, mifumo ya gingiseka. Kambe Txizimu txi womba dipswi, mafu ma so bhandekela.

⁷MKOMA wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu.

⁸Ngonani, wonani mithumo ya MKOMA; i ku simaha so xamalisa a nga si maha ha mafuni.

⁹MKOMA wa fuvisa tiyimbi kotshe ha mafuni; wa funyeletela wulaho, e wila ditxhari; ni kuhisa sikotxikani ha mndiloni!

¹⁰“Emani! Ti ziveni ti to ani ngani Txizimu! Ni na guletwa hagari ka mifumo, ni wa hombe txitimwi ka otshe mafu!”

¹¹MKOMA wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu!